មិនត្រឹមតែប្រជាជនអាមេរិកនិយមប្រើប្រាស់ទេ ប៉ុន្តែវាក៏ថែមទាំងមានការទទួលស្គាល់ដោយក្រសួងផ្នែកចំនីអាហារ និងក្រសួងកសិកម្មនៃប្រទេសនេះទៀតផង។ បើមិនទាន់បានសាកល្បងទេ នៅចាំអីទៀត បើអ្នកចង់ស្រក៨ គីឡូក្នុង ១សប្តាហ៏ ដោយសុវត្ថិភាពជាមួយអាហារទាំងនេះ៖

ថ្ងៃទី​១

១. ទទួលទានតែផ្លែឈើសុទ្ធដូចជា ឪឡឹក ត្រសក់ស្រូវ ល្ហុង ប៉ោម និង ក្រូចលើកលែងតែផ្លែចេកមួយមុខ

២. ទទួលទានទឹកអោយបានពី ៨ ទៅ ១២ កែវ

ការដែលទទួលទានផ្លែឈើដែលសម្បូរទៅដោយជាតិកាកសរសៃអាចជួយអោយអ្នកមានអារម្មណ៏ថាឆ្អែតបានយូរ ព្រមទាំងផ្លែឈើទាំងនេះមានសារជាតិខ្លាញ់ ព្រមទាំងមានកាឡូរីទាបផងដែរ។

ថ្ងៃទី ២

១. ដំឡូងបារាំងស្ងោរ

២. ចម្អិនដោយមិនប្រើប្រាស់ប្រេង ឫ ទទួលទានឆៅដូចជា ការ៉ុត សណ្ដែក ប៉េងប៉ោះតូចៗ ត្រសក់ សាឡាត់

៣. ទទួលទានទឹកអោយបានពី ៨ ទៅ ១២ កែវ

នៅថ្ងៃទីពីរនៃការបរិភោគតែដំឡូងអាចចូលទៅផ្តល់នូវកាបូអ៊ីដ្រាតដែលអ្នកមិនបានទទួលទានកាលពីថ្ងៃទី ១ សណ្តែកផ្តល់នូវប្រូតេអ៊ីន ព្រមទាំងវីតាមីនផ្សេងៗនិងជាតិសរសៃខ្ពស់។ វាជារឿងធម្មតាទេដែលនៅថ្ងៃបន្ទាប់អ្នកនឹងចាប់ផ្តើមមានអារម្មណ៍ខ្សោយខ្លះដោយសារការទទួលទានបរិមាណកាឡូរីឭតិចជាងសព្វដង។

ថ្ងៃទី ៣

១. ផ្លែឈើអ្វីក៏បានលើកលែងតែផ្លែចេក

២. ទទូលទានបន្លែឆៅ ឫ ចម្អិនដោយមិនប្រើប្រាស់ប្រេង លើកលែងតែដំឡូងបារាំង

៣. ទទួលទានទឹកអោយបានពី ៨ ទៅ ១២ កែវ

នៅថ្ងៃទីបីមានតែញ៉ាំផ្លែឈើនិងបន្លែដើម្បីជួយឱ្យរាងកាយទៅជួសជុលផ្នែកដែលរងការខូចខាតកន្លងមកដោយខ្លួនឯង។ ផ្លែឈើនិងបន្លែមានជាតិកាកសរសៃខ្ពស់និងសារធាតុចិញ្ចឹមផ្សេងៗគ្នាដើម្បីជួយឱ្យអ្នកមានអារម្មណ៏ថាឆ្អែតល្អ។

ថ្ងៃទី ៤

១. ចេកពី ៨ ទៅ ១០ ផ្លែ

២. ទឹកដោះគោ ឫ ទឹលសណ្ដែក ៤ កែវ (មិនមានជាតិផ្អែម)

៣. ទទួលទានទឹកអោយបានពី ៨ ទៅ ១២ កែវ

បើសិនជាអ្នកចូលចិត្តផ្លែចេកនោះ ថ្ងៃនេះប្រាកដជាថ្ងៃដែលត្រូវចិត្តអ្នកជាងគេហើយ។ ចេកជាអាហារដែលសំបូរទៅដោយសារជាតិ pectin និងប៉ូតាស្យូមដែលផ្តល់ថាមពលដល់រាងកាយ។

ថ្ងៃទី ៥

១. ផ្លែប៉េងប៉ោះតូច ៦ ផ្លែ

២. បាយអង្ករសម្រូបមួយកូនចានចង្កឺះ

៣. សាច់ត្រី ឫ សាច់មាន់ ៥០០ក្រាម

៤. ទទួលទានទឹកអោយបានពី ១២ ទៅ ១៥ កែវ

បើប្រៀបធៀបទៅនឹងថ្ងៃ ៤ មុននោះ ថ្ងៃនេះអ្នកអាចទទួលទានអាហារបានច្រើនជាងសព្វដង។ អារហារដែលអ្នកទទួលទាននៅក្នុងថ្ងៃនេះសម្បូរទៅដោយជាតិកាកសរសៃ និង អូម៉េហ្គា ៣ ដែលរាងកាយអ្នកត្រូវការ។

ថ្ងៃទី ៦

១. បាយអង្ករសម្រូបមួយកូនចានចង្កឺះ

២. ទទូលទានបន្លែឆៅ ឫ ចម្អិនដោយមិនប្រើប្រាស់ប្រេង លើកលែងតែដំឡូងបារាំង

៣. សាច់មាន់ ៥០០ក្រាម

៤. ទទួលទានទឹកអោយបានពី ៨ ទៅ ១២ កែវ

បើសិនជាអ្នកទទួលទានដូចដែលរៀបរាប់ តាំងពីថ្ងៃទី ១ មក អ្នកប្រហែលជាអាចចាប់អារម្មណ៏ដឹងហើយថាខ្លួនអ្នកអាចនឹងស្រាលជាងមុនច្រើន។

ថ្ងៃទី ៧

១. បាយអង្ករសម្រូបមួយកូនចានចង្កឺះ

២. ទទូលទានបន្លែឆៅ ឫ ចម្អិនដោយមិនប្រើប្រាស់ប្រេង លើកលែងតែដំឡូងបារាំង

៣. ទឹកផ្លែឈើស្រស់តាមចិត្ត

ជិតបានសម្រេចហើយ! ក្នុងរយៈពេល ៧ ថ្ងៃមនុស្សភាគច្រើនស្រកបានប្រហែលមួយគីឡូក្រាមក្នុងមួយថ្ងៃ។