សុបិនទាំង៣ទាក់ទងនឹងលុយ កាត់ឲ្យឃើញថាអ្នកជិតមានលាភហើយ

2020-05-07 02:15:00
ចំនួនមតិ 0 | ចំនួនចែករំលែក 0

សុបិនដែលមានពាក់ព័ន្ធនឹងលុយកាក់ខាងក្រោមនេះ ឲ្យហេតុថាលាភសំណាងរបស់អ្នកកំពុងតែខិតជិតមកដល់មែនទែនហើយ។

១. រើសបានអាំងប៉ាវ

បើនៅក្នុងសុបិន អ្នកយល់សប្តិឃើញអាំងប៉ាវមានន័យថា អ្នកជិតទទួលបានដំណឹងល្អពាក់ព័ន្ធនឹងការងារ។ នេះគឺជាលទ្ធផលនៃការប្រឹងប្រែងនារយៈពេលកន្លងរបស់លោកអ្នក។ នៅពេលខាងមុខ អ្នកអាចនឹងត្រូវឡើងតំណែង ឬឡើងប្រាក់ខែជាដើម។ សុបិននេះក៏បង្ហាញឲ្យឃើញថា អាជីពការងាររបស់អ្នកនឹងរឹងមាំជាងមុនផងដែរ។

២. ឃើញរាប់លុយ

ប្រសិនបើសុខៗអ្នកយល់សប្តិឃើញកំពុងរាប់លុយនោះ នេះឲ្យហេតុថាអ្នកជិតជោគជ័យរឿងលុយកាក់ដែលខ្លួនតែងប៉ងប្រាថ្នាហើយ។ មិនត្រឹមតែប៉ុណ្ណោះ សម្រាប់អ្នកមិនទាន់រៀបការ ឬមានសង្សារ នៅពេលជិតខាងមុខ អ្នកនឹងជួបបានគូស្រកររបស់ខ្លួនហើយ។

៣. ឃើញគេឲ្យលុយ

នៅពេលអ្នកយល់សប្តិឃើញអ្នកណាឲ្យលុយ បង្ហាញឲ្យឃើញថា ជីវិតរបស់អ្នកកំពុងមានភាពសុខុដុមរមនា បរិបូរណ៍ មិនមានខ្វះខាតអ្វី។ ទាំងវិថីការងារ ក៏ដូចជាមនោសញ្ចេតនា គឺសុទ្ធតែគ្មានអ្វីរារាំងទាំងអស់ គឺរលូនតែម្ដង៕