រឿង ៦យ៉ាងដែលឪពុកម្តាយសម័យនេះគួរតែបង្រៀនកូន

2018-05-30 06:36:04
ចំនួនមតិ 0 | ចំនួនចែករំលែក 0

មានឪពុកម្តាយជាច្រើនព្យាយាមការពារកូនមិនថាខុសមិនថាត្រូវ។ បើបែបនេះមែន អ្នកពិតជាធ្វើខុសហើយ ព្រោះបើអ្នកកាន់តែជួយនោះកូនអ្នកនឹងកាន់តែយ៉ាប់ទៅៗ។ អ្នកមិនអាចការពារកូនអ្នកបានគ្រប់ពេល ឬរហូតនោះទេ។ ហេតុនេះហើយគួរបង្រៀនកូនពីដំណោះស្រាយទាំងនេះ៖

១. រៀននិយាយថា "ទេ"

~បញ្ហា៖ មិត្តរួមថ្នាក់របស់កូនអ្នកព្យាយាមលួចមើលកូនអ្នក។ ប្រសិនបើកូនអ្នកជួយ នោះពួកគេប្រាកដបានសូន្យពេលដែលគ្រូចាប់បាន។

~ដំណោះស្រាយ ៖ អ្នកត្រូវពន្យល់កូនអ្នកថា កូនបានខិតខំប្រឹងប្រែងជាច្រើន ហើយអ្នកដទៃមិនគួរព្យាយាមប្រើប្រាស់ចំណេះដឹងនោះដើម្បីផលប្រយោជន៍ខ្លួនដោយគ្មានការប្រឹងប្រែងនោះទេ។ ចំណេះអាចចែករំលែកបានតែមិនមែនពេលប្រលងនោះទេ។

២. រៀនកុំឲ្យចាញ់ច្រាបអ្នកដទៃ

~បញ្ហា៖ កូនរបស់អ្នកត្រូវបានគេបង្អាប់លេង ឬសម្លុតនៅសាលាហើយកូនអ្នកលែងចង់ទៅសាលា។

~ដំណោះស្រាយ ៖ អ្នកមិនអាចជ្រៀតជ្រែកក្នុងរឿងនេះដោយប្រយោលបានទេ ព្រោះវាអាចធ្វើឱ្យកូនអ្នកកាន់តែពិបាក។ អ្នកគួរតែបង្រៀនកូនថា ពួកគេព្យាយាមលេងសើចដោយធ្វើឱ្យកូនយំ ឬភ័យខ្លាច។ ចឹងហើយកូនមិនត្រូវខ្វល់ពាក្យទាំងនោះទេ ហើយសងសឹកគេដោយការមិនអើពើ។ ពួកគេនឹងឈប់ដោយឯកឯង។

៣. ចំណាត់ថ្នាក់មិនមែនជារឿងសំខាន់បំផុតទេ

~បញ្ហា៖ គ្រប់ពេលដែលកូនអ្នកបានចំណាត់ថ្នាក់មិនល្អ គេតែងតែយំហើយអស់សង្ឃឹម។ គេព្យាយាមលាក់បាំងពីអ្នកដោយសារខ្លាចការស្តីបន្ទោស។

~ដំណោះស្រាយ៖ ឪពុកម្តាយភាគច្រើនស្តីបន្ទោសនៅពេលកូនបានចំណាត់ថ្នាក់មិនល្អដោយមិនបានពិចារណាឱ្យបានត្រឹមត្រូវ។ អ្នកណាៗក៏ចង់ឱ្យកូនបានចំណាត់ថ្នាក់ល្អដែរ ប៉ុន្តែមិនត្រូវស្តីបន្ទោសទេ។ អ្នកត្រូវប្រាប់គេថា គេអាចធ្វើបានលើកក្រោយទៀត ព្យាយាមឡើង។ ការប្រាប់បែបនេះកូនអ្នកនឹងមិនខ្លាចឧបសគ្គនៅថ្ងៃមុខ។

៤. រៀនជួយនិងការពារអ្នកទន់ខ្សោយ

~បញ្ហា ៖ កូនរបស់អ្នកប្រាប់ថាមិត្តរបស់គេត្រូវបានមិត្តផ្សេងទៀតគំរាម។ កូនអ្នកមិនដឹងជួយរបៀបណា ហើយក៏មិនហ៊ានជួយ។

~ដំណោះស្រាយ ៖ ក្មេងជាច្រើនខ្លាចពេលដែលជួយអ្នកផ្សេងហើយ គេក៏ខ្លាចជាជនរងគ្រោះដែរ។ អ្នកត្រូវបង្រៀនកូនអ្នកឱ្យចែករំលែក និងត្រៀមខ្លួនជាស្រេចសម្រាប់ជួយអ្នកទន់ខ្សោយ។

៥. ស្រលាញ់អ្វីដែលកូនធ្វើ

~បញ្ហា៖ កូនអ្នកមានអារម្មណ៍ថាហត់នៅពេលដែលគេធ្វើកិច្ចការសាលា និងហាត់កីឡាដែលគេមិនចូលចិត្ត។ កូនអ្នកបែរជាចូលចិត្តសង់ផ្ទះ ឬគូរគំនូរ។

~ដំណោះស្រាយ៖ ឪពុកម្តាយចង់ឱ្យកូនសប្បាយចិត្ត ហើយក៏ចង់ឱ្យកូនទទួលបានលទ្ធផលល្អដែរ។ អ្នកមិនអាចឱ្យកូនឈប់ធ្វើអ្វីដែលគេចូលចិត្ត ហើយផ្តោតលើការសិក្សាតែមួយមុខទេ។ អ្នកគួរតែឱ្យកូនអ្នកធ្វើអ្វីដែលគេចូលចិត្តបន្ទាប់ពីចប់កិច្ចការ ហើយលើកទឹកចិត្តគេនូវអ្វីដែលគេចូលចិត្ត។

៦. ស្រលាញ់ខ្លួនឯងជាខ្លួនឯង

~បញ្ហា៖ កូនអ្នកគិតថា ខ្លួនគេមើលទៅមិនស្អាតហើយធាត់ជាងមិត្តដទៃទៀត។ កូនអ្នកចាប់ផ្តើមតូចចិត្តបន្តិចម្តងៗ ហើយនេះគឺជាបញ្ហាទៅថ្ងៃអនាគត។

~ដំណោះស្រាយ៖ កូនអ្នកមិនអាចជឿ នៅពេលដែលអ្នកប្រាប់គេថាគេស្អាតនោះទេ។ យកល្អអ្នកគួរតែយករូបអាក្រក់ៗរបស់អ្នក ឬអ្នកដែលគ្មានកាយសម្បទាគ្រប់គ្រាន់ ហើយប្រាប់គេថាគ្មានអ្នកណាកើតមកស្អាតនោះទេ មានអ្នកខ្លះមិនមានគ្រប់យ៉ាងផងតែគេនៅតែស្រលាញ់ខ្លួនគេ៕

ចុចអាន៖

ប្រភព៖ Brightside ប្រែសម្រួល៖ តាន់ ច័ន្ទលក្ខិណា