ការចិញ្ចឹមកូន ៤ដំណាក់កាលតាមក្បួនជនជាតិចិន ឪពុកម្ដាយគួរចងចាំ
- 2017-05-12 02:16:02
- ចំនួនមតិ 0 | ចំនួនចែករំលែក 0
ការចិញ្ចឹមកូន ៤ដំណាក់កាលតាមក្បួនជនជាតិចិន ឪពុកម្ដាយគួរចងចាំ
ការចញ្ចឹមបីបាច់កូនឲ្យក្លាយជាមនុស្សល្អម្នាក់ មិនមែនជារឿងងាយស្រួលនោះទេ។ ឪពុកម្តាយត្រូវចំណាយកម្លាំងកាយ-ចិត្ត និងពេលវេលាស្ទើរពេញមួយជីវិត។ ថ្ងៃនេះ កញ្ញា នឹងបង្ហាញជូននូវ របៀបចិញ្ចឹមកូនតាមក្បួនជនជាតិចិន ដែលមាន៤ដំណាក់កាលខាងក្រោមនេះ៖
១. ទារកអាយុក្រោមមួយខួប៖ មើលថែឲ្យដិតដល់ កុំបណ្ដោយឲ្យឃ្លាតពីខ្លួន។ នេះជាពេលវេលាដែលគួរថ្នាក់ថ្នមបីបមកូនឲ្យបានច្រើន ដើម្បីឲ្យក្មេងមានអារម្មណ៍កក់ក្ដៅដែលទទួលបានការយកចិត្តទុកដាក់។
២. ក្មេងតូចអាយុ១-៥ឆ្នាំ៖ ឲ្យនៅឃ្លាតពីខ្លួន តែកុំឲ្យឃ្លាតពីដៃ។ នេះជាពេលវេលាដែលក្មេងចង់ដឹង ចង់ឃើញ ទើបឪពុកម្ដាយគួរបណ្ដោយឲ្យឃ្លាតពីខ្លួនខ្លះ ប៉ុន្តែត្រូវចាំការពារគេជានិច្ច។
៣. ក្មេងអាយុ ៦-១៦ឆ្នាំ៖ បណ្ដោយឲ្យផុតពីដៃ តែកុំឲ្យផុតពីខ្សែភ្នែក។ នេះជាពេលវេលាដែលក្មេងរៀនស្គាល់ពីសង្គម តាមរយៈការសេពគប់មិត្តភ័ក្ដិ ដូច្នេះគួរបណ្ដោយឲ្យគេធ្វើអ្វីដែលមានប្រយោជន៍ ប៉ុន្តែក៏ត្រូវចាំជួយចាំមើល ដើម្បីកុំឲ្យគេដើរភ្លើតភ្លើនខុសផ្លូវ។
៤. ក្មេងជំទង់ អាយុ ១៦-២០ឆ្នាំ៖ បណ្ដោយឲ្យឆ្ងាយខ្សែភ្នែក តែកុំបណ្ដោយឲ្យឆ្ងាយពីចិត្ត។ នេះជាពេលវេលាដែលក្មេងមានការគិតជារបស់ខ្លួនឯង និងកំណត់ផ្លូវជីវិតខ្លួនឯងបាន ដូច្នេះឪពុកម្ដាយគួរបណ្ដោយឲ្យកូនប្រើជីវិតតាមផ្លូវដើររបស់គេ ប៉ុន្តែក៏នៅធ្វើជាទីពឹងសម្រាប់គេតាមរយៈការផ្ដល់កម្លាំងចិត្ត និងគំនិតយោបល់៕