ការមានសត្វចិញ្ចឹមមិនមែនជារឿងងាយស្រួលនោះទេ ហើយរឹតតែពិបាកទៀតក្នុងការមានសត្វចិញ្ចឹមប្រសិនបើអ្នកពុំមានផ្ទះសម្បែងផ្ទាល់ខ្លួន និងមានត្រឹមតែបន្ទប់ជួលនោះ។ ប៉ុន្ដែការមានសត្វចិញ្ចឹមនឹងផ្ដល់អត្ថប្រយោជន៍ជាច្រើនរាប់មិនអស់ចំពោះសុខភាពរាងកាយ និងសុខភាពផ្លូវចិត្តរបស់អ្នក។ យោងតាមការសិក្សាក៏បានបង្ហាញដែលថាការផ្សារភ្ជាប់គ្នារវាងមនុស្សនឹងសត្វចិញ្ចឹមរបស់អ្នកអាចបង្កើនភាពរឹងមាំផ្នែកផ្លូវចិត្ត និងនាំមកនូវសុភមង្គលដល់ម្ចាស់។ ហើយការមានសត្វឆ្កែជាសត្វចញ្ចឹមនោះវាមានអត្ថប្រយោជន៍ជាច្រើនទៀតរួមមាន៖

• ការមានឆ្កែចិញ្ចឹមជួយកាត់បន្ថយស្ត្រេសចេញពីខ្លួនបានច្រើន
• បើមានសត្វឆ្កែចិញ្ចឹមនៅក្នុងគ្រួសារវាជួយឲ្យកុមារក្លាយជាក្មេងល្អ
• ពួកវាធ្វើឲ្យអ្នកមានអារម្មណ៍ល្អប្រសើរគ្រប់ពេល
• ការមានសត្វឆ្កែចិញ្ចឹមនឹងធ្វើឲ្យអ្នកមានភាពសកម្មជានិច្ច
• ពួកវាគឺជាអ្នកព្យាបាលបញ្ហាជំងឺបេះដូងដែលបណ្ដាលមកពីរឿងគ្រប់យ៉ាង រួមទាំងបញ្ហាសុខភាព
• ពួកវាបង្រៀនឲ្យអ្នកក្លាយជាមនុស្សដែលមានទំនាក់ទំនងល្អជាមួយគ្រួសារ មិត្តភក្ដិ និងមនុស្សជុំវិញខ្លួន
• មានតែសត្វឆ្កែទេដែលអាចផ្ដល់ក្ដីស្រឡាញ់ដោយគ្មានលក្ខខណ្ឌបាន

ដូចច្នេះអ្នកគួរព្យាយាមផ្តល់ក្តីស្រឡាញ់ទៅកាន់ឆ្កែរបស់អ្នកវិញឲ្យអស់ពីចិត្ត វាល្អសម្រាប់អ្នកខ្លួនឯងផង និងឆ្កែរបស់អ្នកផង ហើយអ្នកត្រូវចាំថាកុំទិញសត្វយកមកចិញ្ចឹម ប៉ុន្តែការសុំ ការឲ្យពីនរណាម្នាក់ ឬជាសត្វដែលត្រូវបានជួយសង្គ្រោះទើបវាមានអត្ថន័យជ្រាលជ្រៅក្នុងជីវិតរបស់អ្នក៕

ប្រភពរូបភាព៖ Freepik

ចុចអានបន្ត៖

• រឿង ៦ យ៉ាងដែលអ្នកគួរធ្វើក្នុងជីវិតរស់នៅឲ្យបានញឹកញាប់
• អត្ថប្រយោជន៍ ៣ នៃការមានចិត្តគំនិតចាស់ទុំ