នៅលីវគ្មានគូមែនទេ? តើអ្នកកំពុងតែគិតថាទិវានៃក្តីស្រឡាញ់គឺជាថ្ងៃដ៏សែនក្រៀមក្រំបំផុតនៅក្នុងឆ្នាំ? មិនដឹងថាអ្នកមានអារម្មណ៍សោកសៅយ៉ាងណាទេពេលឃើញគេឯងមានដៃគូគ្រប់ទិសទី ទិញនេះទិញនោះឲ្យគ្នា។ បើគិតឲ្យដល់វាមិនមែននោះទេ អ្នកដែលមានគូគឺនឹងធ្វើរឿងដដែលៗទេដូចជាការទិញកាដូ ជួបគ្នា ញ៉ាំឬធ្វើអ្វីជាមួយគ្នា និងទៅណាមកណាជាមួយគ្នាដដែលនឹង។ តែចំពោះអ្នកនៅលីវវិញអាចធ្វើអ្វីគ្រប់យ៉ាង ហើយបានច្រើនជាងអ្នកមានគូទៅទៀត។

ប្រសិនបើអ្នកគ្មានគូ ហើយនៅលីវ ១០០ ភាគរយនោះអ្នកអាចធ្វើរឿងទាំងនេះបាននៅក្នុងថ្ងៃទិវានៃក្តីស្រឡាញ់៖

• ទិញកាដូពិសេសឲ្យខ្លួនឯង
• ចំណាយលុយ ចម្អិនម្ហូបពិសេសជូនឪពុកម្តាយ
• បង្កើតនឹងឲ្យ ផូសកាត ទៅកាន់មនុស្សដែលអ្នកស្រឡាញ់
• ធ្វើការសម្អាតបន្ទប់ យករបស់របរដែលអ្នកឈប់ប្រើទៅបរិច្ចាគ
• ចេញក្រៅក្រុង ទៅលេងកន្លែងធម្មជាតិប្លែកៗ
• ស្ម័គ្រចិត្តជួយធ្វើការនៅក្នុងអង្គការ ឬមណ្ឌលកុមារកំព្រា
• មើលកូនឲ្យគេនៅថ្ងៃនោះ អ្នកទទួលបានប្រាក់ចំណូល
• បង្កើតពិធីជប់លាង និងចំណាយពេលជាមួយមនុស្សដែលអ្នកស្រឡាញ់

សម្រាប់អ្នកដែលនៅលីវគ្មានគូ រឿងដែលមិនគួរធ្វើនោះគឺចេញទៅក្រៅ ហាងកាហ្វេ ឬភោជនីយដ្ឋានតែម្នាក់ឯងក្នុងថ្ងៃនោះ ពីព្រោះអ្នកនឹងឃើញមនុស្សជុំវិញខ្លួនអង្គុយជាគូៗ ធ្វើឲ្យអ្នកពិបាកចិត្តវិញទេ។ គួរទៅណាមកណា ឬធ្វើអ្វីជាមួយមិត្តភក្តិដែលនៅលីវដូចគ្នា ហើយអ្នកនឹងមានអារម្មណ៍ថា ដូចតែគ្នាទៅនឹងអ្នកមានគូដែរ៕

ប្រភពរូបភាព៖ Freepik

ចុចអានបន្ត៖

• តើបុរសបែបណាដែលល្អបើផ្អែកទៅលើការងាររបស់គេ?
• ធ្វើយ៉ាងណាទៅបើ crush អ្នកព្រងើយ​កន្តើយ?