អ្នកប្រហែលជាធ្លាប់ជួបរាប់មិនអស់ហើយមើលទៅ ឬមួយក៏អ្នកធ្លាប់ធ្វើដាក់នរណាម្នាក់រួចហើយចំពោះរឿងព្រងើយ​កន្តើយមិនរវីរវល់ឆ្លើយតម? អ្នកប្រហែលជាមានហេតុផលរបស់អ្នកទើបធ្វើវាឡើង តែបើអ្នកធ្លាប់ទទួលរងនូវរឿងនេះ អ្នកនឹងដឹងច្បាស់ថាវាមានការឈឺចាប់ខ្លាំងប៉ុនណា។

ប្រសិនបើអ្នកចង់ធ្វើដាក់នរណាម្នាក់ ឬមួយក៏កំពុងតែទទួលរងពីគេនោះគួរធ្វើការគិតឡើយវិញ គួរតែនិយាយត្រង់ៗទៅទើបល្អទាំងសងខាង។ គេអាចធ្វើការកាត់ចិត្ត ហើយអ្នកមិនចាំបាច់បារម្ភរឿងគេមករំខានទៀត។ ហើយចំពោះអ្នកដែលទើបតែជួបលើកដំបូងវិញ និងមិនដឹងត្រូវធ្វើយ៉ាងណានោះ មកអនុវត្តតាមវិធីនេះដោយគ្រាន់តែផ្ញើសារទៅកាន់គេនោះបែបនេះ៖

• ខ្ញុំគិតថាទូរសព្ទរបស់អ្នកប្រហែលជាអស់ថ្ម រលត់ឆឹងហើយមើលទៅប៉ុន្មានសប្តាហ៍នេះ ខ្ញុំមានឆ្នាំងសាកថ្មមួយទៀតនៅទំនេរបើអ្នកចង់ខ្ចីសិននោះ
• ខ្ញុំដឹងថាអ្នកមិនសូវពូកែក្នុងការសរសេរផ្ញើសារ គិតថាវាប្រសើរជាងបើយើងជួបគ្នាជជែកលេង
• ខ្ញុំយល់បើអ្នកគិតថាពួកយើងមិនអាចទៅមុខបាន តែខ្ញុំពិតជាសប្បាយចិត្តបើអ្នកគ្រាន់តែនិយាយត្រង់ប្រាប់ ខ្ញុំមិនដឹងពីការគិតរបស់អ្នកឡើយ ហើយខ្ញុំក៏មិនព្យាយាមធ្វើវាដែរ
• ខ្ញុំគ្រាន់តែចង់ដឹងថា ខ្ញុំមិនបានធ្វើអ្វីខុសឲ្យអ្នកអាក់អន់ចិត្តនោះទេ តែប្រសិនបើមានមែននោះ ខ្ញុំរីករាយនឹងនិយាយដើម្បីដោះស្រាយពីបញ្ហានោះ

សាកផ្ញើសារទាំងនេះ ហើយមើលទៅលើការឆ្លើយតមរបស់គេនោះ បើនៅតែគ្មានការឆ្លើយតមទេ អ្នកដឹងចម្លើយខ្លួនឯងយ៉ាងច្បាស់ណាស់។ ព្យាយាមកាត់ចិត្ត បំភ្លេចចោលទៅ គេនោះមិនមែនជាព្រះរាជបុត្រនោះទេ៕

ប្រភពរូបភាព៖ Freepik

ចុចអានបន្ត៖

• ហេតុផលដែលអ្នកគួរមានគូនៅអាយុ ៣០ ឆ្នាំឡើងទៅ
• ដំណាក់កាលទាំង ៩ ដែលគូស្នេហ៍ទាំងអស់នឹងត្រូវឆ្លងកាត់