ម៉ោងដែលគួរចូលគេងនិងចំនួនម៉ោងគេងតាមអាយុរបស់កុមារ៖

១. ទារកអាយុ ០-៣ ខែ៖

គួរគេង ១៤-១៧ ម៉ោងក្នុងមួយថ្ងៃ មិនមានម៉ោងចូលគេងជាក់លាក់ទេ ព្រោះគេងច្រើនដងក្នុងមួយថ្ងៃ ក្រោកតែពេលត្រូវបៅ។

២. ទារកអាយុ ៤-១១ ខែ៖

គួរគេង ១២-១៥ ម៉ោងក្នុងមួយថ្ងៃ គួរចូលគេងប្រហែល ៧-៨ ម៉ោងល្ងាច។

៣. កុមារអាយុ ១-២ ឆ្នាំ៖

គួរគេង ១១-១៤ ម៉ោងក្នុងមួយថ្ងៃ គួរចូលគេងប្រហែល ៧-៨ ម៉ោងល្ងាច។

៤. កុមារអាយុ ៣-៥ ឆ្នាំ៖

គួរគេង ១០-១៣ ម៉ោងក្នុងមួយថ្ងៃ គួរចូលគេងចន្លោះ ៧-៨ ម៉ោងល្ងាច។

៥. កុមារអាយុ ៦-១៣ ឆ្នាំ៖

គួរគេង ៩-១១ ម៉ោងក្នុងមួយយប់ គួរចូលគេងចន្លោះ ៨-៩ ម៉ោងយប់។

៦. មនុស្សវ័យជំទង់អាយុ ១៤-១៧ ឆ្នាំ៖

គួរគេង ៨-១០ ម៉ោងក្នុងមួយយប់ គួរចូលគេងចន្លោះ ៩-១០ ម៉ោងយប់។

ការយល់ដឹងពីដំណេករបស់កូនមានសារៈសំខាន់ណាស់ ដែលប៉ាម៉ាក់ដឹងថា តម្រូវការគេងអាចខុសគ្នាខ្លះរវាងកុមារម្នាក់ៗ។ ប៉ាម៉ាក់គួរសង្កេតមើលសញ្ញានៃការនឿយហត់ឬភាពសកម្មហួសហេតុនៅពេលថ្ងៃ ដើម្បីកែតម្រូវម៉ោងគេងពេលយប់ឱ្យសមស្រប។

ការរក្សាទម្លាប់គេងឱ្យបានទៀងទាត់និងមានរបៀបរៀបរយគឺមានសារៈសំខាន់សម្រាប់សុខភាពនិងសុខុមាលភាពរបស់កុមារ។​​ សូមកុំបណ្តោយ កុំទំលាប់តាមកូនគេងយប់ៗពេក សូមព្យាយាមបង្កើតទំលាប់ចូលគេងអោយកូនអោយបានទៀងទាត់ មុនកូនកែទំលាប់សែងបាន ពិសេសការប្រើប្រាស់ឧបករណ៍អេឡិចត្រូនិចមុនគេង។