គ្រាន់តែអាយុចាប់ផ្តើមរាប់ពីក្បាលលេខ ៣ ទៅគ្នាយើងស្រីៗតែងតែមានការព្រួយបារម្ភខ្លាចខ្លួននៅអេ គ្មានអ្នកណាយក ជាពិសេសនោះគឺទៅលើឪពុកម្តាយចាស់ៗ មិត្តភក្តិ និងអ្នកជិតខាងជាដើម ពួកគេនឹងសួរអ្នករហូតពេលណាទើបយកប្តី មានគ្រួសារនឹងគេ។ វាជាទំនៀមទម្លាប់របស់ខ្មែរយើងទៅហើយ ក៏ប៉ុន្តែសម័យនេះមិនដូចពីមុននោះទេ។ អ្នកខ្លះនៅតែគិតគូរពីរឿងបង្កើតគ្រួសារនៅក្មេង ហើយអ្នកខ្លះទៀតក៏មិនទាន់អាចធ្វើបាននៅឡើយដែរ ពីព្រោះពួកគេគិតថានឹងរង់ចាំពេលវេលាដ៏ល្អ ឬដៃគូដែលសក្កសមនឹងពួកគេ។

ពេលអ្នកកាន់តែមានអាយុច្រើនវាកាន់តែល្អ ជាពិសេសនោះគឺចាប់ផ្តើមនៅពេលដែលអ្នកមានអាយុ ៣០ ឆ្នាំឡើងទៅ។ ហើយហេតុផលល្អៗទាំងនេះដែលអ្នកគួរតែរង់ចាំយកដៃគូនៅវ័យ ៣០ ឆ្នាំជាង៖

• អ្នកមានបទពិសោធច្រើន និងមានគំនិតច្រើនទៅលើរឿងស្នេហា
• អ្នកអាចគ្រប់គ្រងអារម្មណ៍បានល្អ និងដឹងពីរបៀបដោះស្រាយជម្លោះបានយ៉ាងប្រសើរ
• អ្នកផ្តល់ពេលវេលាគ្រប់គ្រាន់សម្រាប់ខ្លួនឯង និងការងារ
• អ្នកមានចិត្តគំនិតចាស់ទុំ និងមានការអត់ធ្មត់ខ្ពស់
• អ្នកនឹងក្លាយជាមនុស្សដែលមានភាពជឿជាក់ខ្ពស់លើខ្លួនឯង
• ការគិតរបស់អ្នកមានភាពម៉ត់ចត់ មានហេតុផលច្បាស់លាស់ និងមានទំនួលខុសត្រូវខ្ពស់
• ទទួលបានសេរីភាពពេញលេញក្នុងភាពយុវវ័យរបស់អ្នក ដំណើរកំសាន្តដោយសេរី ជួបនឹងបង្កើតមិត្តភក្តិថ្មីៗ
• អ្នកនឹងមិនខ្វល់ចំពោះការគិតអត់ប្រយោជន៍របស់អ្នកដទៃមកលើអ្នក
• ទទួលបានមិត្តសម្លាញ់ល្អៗជាច្រើន
• អ្នកមានគោលដៅជីវិតច្បាស់លាស់សម្រាប់ថ្ងៃអនាគត និងអ្វីដែលអ្នកចង់បានក្នុងជីវិតរបស់អ្នក

ដូចច្នេះសូមគិតឡើងវិញសម្រាប់អ្នកដែលនៅវ័យក្មេងគួរតែរង់ចាំបន្តិចក៏មិនទាន់យឺតពេលដែរ។ ហើយចំពោះអ្នកដែលឈានចូល ៣០ ឬចូលរួចហើយកុំព្រួយបារម្ភឬក្លាយថាអត់មានគូ តែគួរមានមោទនភាពចំពោះខ្លួនឯងវិញទៅ៕

ប្រភពរូបភាព៖ Freepik

ចុចអានបន្ត៖

• ដំណាក់កាលទាំង ៩ ដែលគូស្នេហ៍ទាំងអស់នឹងត្រូវឆ្លងកាត់
• តើអ្នកគួរមានការរួមភេទនៅថ្ងៃទិវានៃក្តីស្រឡាញ់ ឬមិនគួរ?