៨ យ៉ាងចាំបាច់ត្រូវធ្វើ ពេលអ្នករួចរាល់ក្នុងការក្លាយជាមនុស្សថ្មី

2020-04-30 08:45:00
ចំនួនមតិ 0 | ចំនួនចែករំលែក 0

ក្នុងលោកយើងនេះ មានរឿងច្រើនដែលមានទាំងគួរធ្វើនិងមិនត្រូវធ្វើ ដើម្បីផ្លាស់ប្តូរ។ ហេតុនេះហើយ ការក្លាយជាមនុស្សថ្មីឲ្យល្អប្រសើរ និងនិយាយពាក្យ Say Goodbye ចំពោះខ្លួនឯងកាលពីមុន ដែលតែងតែធ្វើឲ្យអ្នកមិនសប្បាយចិត្ត។ ដូច្នេះ ទាំងនេះជាការអនុវត្តដ៏ល្អមួយសម្រាប់ជីវិត ដើម្បីក្លាយជាមនុស្សថ្មី។

រូបតំណាង

**១. ឈប់ព្យាយាមតាមចិត្តមនុស្សរាល់គ្នា**

ត្រូវចាំថាអ្នកមិនអាចធ្វើតាមចិត្តមនុស្សរាល់គ្នាបានទេ។ មិនថាទោះអ្នកព្យាយាមខ្លាំងកម្រិតណា ដើម្បីឲ្យគេសប្បាយចិត្ត តែមិនប្រាកដថា លទ្ធផលអ្នកនឹងរីករាយចំពោះរឿងទាំងនោះដែរ។ ការយកចិត្តអ្នកដទៃទុកក្នុងចិត្តជារឿងល្អហើយ តែត្រូវមានដែនកំណត់និងយុត្តិធម៌ចំពោះខ្លួនឯងដែរ។ .

រូបតំណាង

២. ឈប់ធ្វើដើម្បីប្ដូរនរណាម្នាក់

ពិតណាស់ គ្រប់គ្នាសុទ្ធតែមានមនុស្សក្នុងបេះដូងរបស់ពួកគេហើយចង់ផ្លាស់ប្តូរខ្លួនឯងឲ្យល្អជាងនេះ។ ពិសេស គឺសម្រាប់មនុស្សដែលអ្នកស្រលាញ់។ យ៉ាងណាមិញ មិនថាអ្នកស្រលាញ់គេខ្លាំងប៉ុនណា ក៏អ្នកប្រហែលមិនអាចប្តូរគេបានទាំងស្រុងដែរ។ នោះគឺមិនមែនមកពីបុគ្គលិកលក្ខណៈឡើយ តែអាចមកពីអ្នកជាពន្លឺចំពោះគេឬអត់។

រូបតំណាង

៣. ឈប់រំពឹងថា ចេះគ្រប់យ៉ាងនៅក្នុងជីវិតនេះ

មែនហើយ សូម្បីមនុស្សកើតក្នុង ១៩៥០s ក៏ពួកគេមិនអាចដឹង និងយល់គ្រប់យ៉ាងទាំងអស់បានដែរ។ ចំណែកអ្នក គ្រាន់ជាមនុស្សដែលទើបកើតក្នុងសម័យនេះទេ ដូច្នេះសូមរក្សាចិត្តប្រឹងរៀនអ្វីៗឲ្យបានច្រើន កុំដាក់សម្ពាធខ្លួនឯងខ្លាំងពេក។

រូបតំណាង

៤. ឈប់រអ៊ូលើអ្វីដែលមិនចាំបាច់

មួយជីវិតរបស់មនុស្សយ៉ាងហោចណាស់ គង់មានថ្ងៃមួយជំពប់ជើងដួល តែសំខាន់ចេះក្រោកឈរដោយខ្លួនឯងបាន។ មិនខុសគ្នាដែរ ពេលខ្លះអ្នកក៏ទៅធ្វើការយឺត ហើយវាក៏ជះឥទ្ធិពលអាក្រក់ដល់ការងាររបស់អ្នក។ តែអ្នកអាចបញ្ឈប់វាបានដោយកុំបន្តទម្លាប់អាក្រក់ ហើយកុំរអ៊ូត្អូញត្អែរទៀត គួរស្វែងរកវិធីណាឲ្យជីវិតរស់នៅបានស្រួលខ្លះ។

រូបតំណាង

៥. កុំរស់នៅបែប Comfort Zone

មិនថាការងារ ស្នេហា ឬសូម្បីតែទស្សនៈរបស់អ្នក គឺយើងចង់ឲ្យអ្នកសាកល្បងឈានមួយជំហានដើរទៅមុខ ហ៊ានចូលក្នុងពិភពថ្មីមួយ។ ជីវិតវាអាចនឹងមានន័យជាងរាល់ថ្ងៃនេះ នៅពេលអ្នកព្រមចាកចេញពីទម្លាប់រស់នៅសព្វថ្ងៃ ។

រូបតំណាង

៦. ឈប់រត់គេចពីបញ្ហាទៀតទៅ

អ្នកគ្មានថ្ងៃរត់គេចបានពីបញ្ហាឡើយ សូម្បីតែគំនិតខ្មៅងងឹត។ ប្រសិនបើអ្នកមិនចូលខ្លួនដោះស្រាយទេ នោះវិធីល្អបំផុតគឺប្រឈមនឹងវា។ វាបង្ហាញពីទំនួលខុសត្រូវអំពីអ្វីដែលបានកើតឡើង និងបញ្ជាក់ថាអ្នកជាមនុស្សក្លាហាន។

រូបតំណាង

៧. ឈប់ធ្វើខ្លួនជាមនុស្សរវល់រហូតគ្មានពេលសម្រាក

មហិច្ចតា តែងតែជម្រុញអ្នកឲ្យឆ្ពោះទៅមុខ ហើយនេះជារឿងល្អ។ ពិសេសការងាររបស់អ្នក តែវាអាចនឹងមិនល្អវិញបើអ្នកតែងធ្វើការគ្រប់ពេលរហូតសម្រាកបានតិចតួច ។ វាច្បាស់ជាជះឥទ្ធិពលដល់សុខភាពរាងកាយនិងផ្លូវចិត្តមិនខាន។ បន្ថែមពីនេះ វាក៏រំខានដល់ភាពឯកជនរបស់អ្នកដូចគ្នា។

រូបតំណាង

៨. ឈប់រំពឹងលើលទ្ធផល

វាជារឿងធម្មតាទៅហើយក្នុងជីវិតរបស់មនុស្សម្នាក់ៗដែលចង់គ្រប់គ្រងរឿងរ៉ាវមួយចំនួនក្នុងជីវិតរស់នៅរបស់ពួកគេ។ ប៉ុន្តែរឿងខ្លះកើតឡើង វាអាចហួសពីលទ្ធផលដែលអ្នករំពឹង។ អ្នកគួរតែព្រមទទួលស្គាល់ ព្រោះបើមិនដូច្នេះទេ អ្នកប្រាកដជាខកចិត្តខ្លាំងមិនខាន។ ដោយសារគ្រប់យ៉ាងវាមិនអាចដូចអ្វីដែលអ្នកចង់បានគ្រប់ពេលនោះឡើយ៕

អានបន្ត៖ រឿងជាច្រើនដែលស្រីៗមិនគួរមើលរំលង មុនឈានដល់វ័យ ៣០ ឆ្នាំ

ប្រភព៖ goodlifeupdate ប្រែសម្រួល៖ លឹម សុនា