រឿងជាច្រើនដែលស្រីៗមិនគួរមើលរំលង មុនឈានដល់វ័យ ៣០ ឆ្នាំ

2020-04-28 10:40:00
ចំនួនមតិ 0 | ចំនួនចែករំលែក 0

វ័យប៉ុណ្ណឹងទៅហើយមិនមែនជាវ័យដែលនៅរវើរវាយទៀតនោះទេ អ្វីដែលអ្នកត្រូវដឹងគឺមានច្រើនណាស់ ដូចនេះអ្នកគួរតែដឹង និង ស្វែងយល់ពីវា ៖

១. មានស្នេហាមួយដែលមិនធ្វើឲ្យយើងបាត់បង់ម្ចាស់ការលើខ្លួនឯង ៖ បើសិនជាវ័យប៉ុណ្ណឹងហើយយើងនៅតែងប់ងុលជាមួយស្នេហារហូតសូម្បីតែខ្លួនឯងក៏ភ្លេចនោះ យើងពិតជាគួរឲ្យអស់សំណើចណាស់។

២. មានអារម្មណ៍សមស្រប និងកក់ក្ដៅនៅពេលដែលមានកូន ៖ បើមិនទាន់សម្របខ្លួន និងមានអារម្មណ៍ថាមិនទាន់ចង់បាន យើងមិនគួរមាននោះទេ ព្រោះអាចខ្វះការតស៊ូមើលថែពួកគេ។

៣. សម្រេចការងារមួយដែលស្រឡាញ់ និងជាក្ដីប្រាថ្នា ៖ វ័យនេះទៅហើយ គួរតែមានអ្វីដែលខ្លួនយើងស្រឡាញ់ មិនមែនការងារដែលមានត្រឹមតែឈ្មោះនោះទេ។

៤. លះបង់អតីតកាលជូរចត់ ៖ ពីមុនយើងអាចនឹងអាក្រក់, មានអ្នកមើលងាយ, មានអ្នកដែលជាន់ឈ្លីទឹកចិត្ត ប៉ុន្តែនោះគ្រាន់តែជាអតីតកាលតែប៉ុណ្ណោះ មិនគួរទុកវាក្នុងចិត្តនាំតែធ្ងន់ឡើយ។

រូបតំណាង

**៥. រស់នៅតែឯង ៖** អាចទម្លាប់បានទេ? បើមិនទាន់ យើងត្រូវតែសាកល្បង ព្រោះអ្វីៗក៏មើលមិនឃើញដែរ គ្រប់គ្នាមិនអាចក្បែរយើងបានមួយជីវិតនោះទេ។

៦. ដោះលែងអ្វីដែលធ្វើឲ្យចិត្តយើងមានសម្ពាធ ៖ ស្ថិតក្នុងស្ថានភាពលំបាក, តឹងតែង ដែលធ្វើឲ្យយើងគិតថាពិបាកនឹងបន្ត ហើយទោះខំបន្តក៏គ្មានលទ្ធផល ចឹងគួរតែបោះបង់ចោលទៅ។

៧. ស្នេហាមិនមែនសម្រាប់លុយ ៖ បើជាមនុស្សបែបនេះនោះមានន័យថា យើងរស់នៅគ្រាន់តែកំដរការដកដង្ហើមប៉ុណ្ណោះ ព្រោះយើងត្រូវការលុយរបស់គេដើម្បីតែរស់។

៨. ទទួលយកគ្រប់យ៉ាងដែលឪពុកម្ដាយមាន ៖ ទោះបីជាពួកគាត់ក្រ តែគាត់នៅតែចិញ្ចឹមយើងដល់ធំ ទោះគាត់ធ្លាប់លើកដៃវ៉ៃ ប៉ុន្តែគាត់នៅតែជាអ្នកដែលបង្កើតយើងមក។ ទោះគាត់និយាយច្រើន ក៏ព្រោះតែចង់ឲ្យល្អ ហើយពេលខ្លះគាត់ក៏ហត់ ដូច្នេះយើងមិនគួរស្អប់គាត់ទេ។

៩. គ្មានអ្នកណាល្អគ្រប់ដប់នោះទេ ៖ មួយជីវិតនេះ យើងមិនអាចរកឃើញមនុស្សដែលល្អគ្រប់ដប់នោះទេ ដូច្នេះត្រូវតែទទួលស្គាល់។

១០. មនុស្សដែលគួរតែជឿជាក់ និង មនុស្សដែលមិនគួរ ៖ ត្រូវដឹងថាអ្នកណាដែលអ្នកអាចទុកចិត្តបាន និងអ្នកដែលមិនអាចទុកចិត្តបាន មិនមែនចេះតែគិតថាមនុស្សនឹងល្អគ្រប់គ្នានោះទេ បែបនេះហើយអ្នកត្រូវតែចេះមើលមនុស្ស និងរាប់អានមនុស្ស។

១១. កុំសុំទោសបើសិនមិនបានធ្វើខុស ៖ យើងមិនអាចចេះតែសុំទោសគេទាំងខ្លួនឯងមិនបានធ្វើខុសនោះទេ ត្រូវដឹងថាពាក្យសុំទោសតម្លៃណាស់សម្រាប់មនុស្សម្នាក់ៗ។

១២. ពេលវេលាគឺមានតម្លៃបំផុត ៖ ដល់អាយុប៉ុណ្ណឹងទៅហើយ មិនអាចចេះតែចំណាយពេលចោលអត់ប្រយោជន៍ដូចកាលនៅក្មេងទៀតនោះទេ ។

១៣. មិត្តភ័ក្ដិអាចធ្វើឲ្យញញឹម ក៏អាចធ្វើឲ្យយំបានដែរ ៖ វាក៏ដូចហ្នឹងស្នេហាដែរ មិត្តភាពអាចឲ្យយើងរីករាយតែពេលខ្លះវាក៏ធ្វើឲ្យអ្នកឈឺចាប់បានដែរ។

រូបតំណាង

១៤. មានចំណេះពិតប្រាកដ ៖ រៀនត្រូវយកចំណេះដឹង, គុណភាព មិនមែនមានត្រឹមតែក្រដាសមួយសន្លឹកដែលគេចេញឲ្យនោះទេ ព្រោះវាគ្មានន័យ។

១៥. គ្រប់គ្រងលុយដែលយើងរកបាន ៖ រកបានត្រូវចេះទុកដាក់ និងចាយវាយឲ្យមានរបៀប មិនមែនរកបានប៉ុណ្ណាចាយប៉ុណ្ណឹងនោះទេ ហើយក៏មិនមែនចាយតាមតែការចង់បាននោះឡើយ។

១៦. ជីវិតនឹងមានន័យបើសិនជាយើងចេះរៀបចំ ៖ មិនមែនដេកគងថ្ងាសស្រមៃហើយគ្រប់យ៉ាងវានឹងរត់មករកយើងនោះទេ។ ត្រូវដឹងថាបើយើងចង់បានលទ្ធផលល្អ ត្រូវតែព្យាយាម និងចេះរៀបចំដំណើរជីវិតខ្លួនឯង៕

មានរឿងជាច្រើនទៀតដែលអ្នកគួរតែយល់ ព្រោះជីវិតក្នុងជីវិតមនុស្សសុទ្ធតែការរៀនសូត្រ!

ប្រភព៖ Careergirldaily ប្រែសម្រួល៖ ដេត ឈុនអ៉ី