កុំចេះតែហ៊ានផឹកទឹកដោះគោលាយសូកូឡានិងកំហុសផ្សេងទៀត ធ្វើឲ្យកើតជំងឺបាន

2020-04-16 05:05:00
ចំនួនមតិ 0 | ចំនួនចែករំលែក 0

ទឹកដោះគោអាចក្លាយជាថ្នាំពុលភ្លាមមួយរំពេច បើអ្នកទម្លាប់ផឹកមិនត្រឹមត្រូវ។ វាអាចប៉ះពាល់សុខភាព រហូតពេលខ្លះបណ្ដាលឲ្យស្លាប់ក៏មាន។ ខាងក្រោមនេះ ជាវិធីផឹកទឹកដោះគោខុសក្បួន ដែលជះឥទ្ធិពលអាក្រក់ដល់សុខភាពយ៉ាងខ្លាំង៖

រូបតំណាង

**១. ផឹកទឹកដោះគោជាមួយផ្លែឈើ**

ផឹកទឹកដោះគោផង ញ៉ាំផ្លែឈើផង ងាយនឹងបង្កើតប្រតិកម្មធ្វើឲ្យទឹកដោះគោទៅជាគ្មានគុណប្រយោជន៍ បាត់តុល្យភាព និងប៉ះ ពាល់ដល់ពោះវៀន។ នៅពេលអ្នកផឹកទឹកដោះគោជាមួយផ្លែឈើ ពិតជាងាយស្រួលធ្វើឲ្យក្រពះមានបញ្ហា ផ្តាសាយ អាឡែហ្ស៊ី និងរាគថែមទៀត។ ប្រសិនបើអ្នកចង់ញ៉ាំផ្លែឈើលាយជាមួយទឹកដោះគោមែន គួរជ្រើសរើសយកផ្លែចេក ផ្លែប៉ោម ផ្លែ Peach ផ្លែសេរ៊ី និងប៊ឺ ប៉ុណ្ណោះ ទើបសុវត្ថិភាព។

រូបតំណាង

២. ផឹកហួសប្រមាណ

បើទោះទឹកដោះគោល្អចំពោះរាងកាយយ៉ាងណាក៏ដោយ តែបើអ្នកផឹកលើសកម្រិតនោះវានឹងធ្វើឲ្យរាងកាយស្រូបជីវជាតិមិនស្មើគ្នា។ ម្ល៉ោះហើយ ក្នុងមួយថ្ងៃគួរផឹកត្រឹម ៦០០ ml គឺគ្រប់គ្រាន់ហើយ។

រូបតំណាង

៣. ផឹកទឹកដោះលាយជាមួយសូកូឡា

ជាការពិតដែលទឹកដោះគោសំបូរដោយប្រូតេអ៊ីន និងកាល់ស្បូម ហើយសូកូឡាវិញផ្ទុកដោយអាស៊ីតអូសាលីត។ សារធាតុទាំងពីរនៅពេលប៉ះគ្នា បង្កើតជាអុកស៊ីតកម្មកាល់ស្យូមរលាយ ដែលបង្កឲ្យរាងកាយពិបាកស្រូបបាននូវជាតិកាល់ស្បូម។ លើសពីនេះ វាក៏ធ្វើឲ្យសក់ស្ងួត រាគ និងលូតលាស់យឺត។

រូបតំណាង

៤. លេបថ្នាំជាមួយទឹកដោះគោ

នេះជាកំហុសមួយធំ ព្រោះវារំខានដល់ការស្រូបយកសារធាតុសកម្មនៅក្នុងថ្នាំពីរាងកាយ។ កាល់ស្យូម ម៉ាញ៉េស្យូម និងជីវជាតិសំខាន់ដទៃទៀតក្នុងទឹកដោះគោ ពេលប៉ះជាមួយសារធាតុផ្សំរបស់ថ្នាំ វានឹងផលិតជាសារធាតុរាវដែលកាត់បន្ថយប្រសិទ្ធភាពថ្នាំ។ យកល្អ អ្នកគួរផឹកទឹកដោះគោមុនឬក្រោយលេបថ្នាំ១ម៉ោង។

រូបតំណាង

៥. ផឹកទឹកដោះគោ ក្រោយញ៉ាំគ្រឿងសមុទ្ររួច

បើអ្នកទម្លាប់ហូបបែបនេះ អាចបណ្ដាលឲ្យងាយកើតជំងឺពិបាករំលាយអាហារ និងរាគរូសផងដែរ។ ម្យ៉ាងទៀត សារធាតុទាំងពីរនេះគឺមានកម្រិតកាល់ស្យូមខ្ពស់ណាស់ ដូច្នេះពេលញ៉ាំចូលគ្នាទៅ នឹងកាន់តែពិបាករលាយជាតិកាល់ស្យូមពីខាងក្នុង បណ្ដាលឲ្យកើតគ្រួសក្នុងតម្រងនោម៕

អានបន្ត៖ គួរញ៉ាំផ្លែឈើមុនឬក្រោយបាយ ដើម្បីទទួលបានវីតាមីន ១០០

ប្រភព៖ Phunutoday ប្រែសម្រួល៖ លឹម សុនា