ពណ៌នៃឈាមរដូវអាចបង្ហាញថា អ្នកមានសុខភាពល្អ ឬមានជំងឺបាន

2017-08-03 03:30:00
ចំនួនមតិ 0 | ចំនួនចែករំលែក 0

ការមករដូវគឺជារឿងសំខាន់មួយដែលស្ត្រីគួរតែយកចិត្តទុកដាក់ ព្រោះបើមិនអីចឹងទេ វាអាចមានបញ្ហាដល់សុខភាពរបស់អ្នក រឹតតែសំខាន់នោះអ្នកគួរតែសង្កត់ធ្ងន់ទៅលើពណ៌នៃឈាមរដូវរបស់អ្នកដែលហូរមក ព្រោះវាអាចបញ្ជាក់ថាអ្នកមានបញ្ហាសុខភាព ឬ ក៏អត់ ៖

១. ពណ៌ផ្កាឈូកបែក ក្រហម ឬ ក្រហមស្រាល

ប្រសិនបើឈាមមានពណ៌ផ្កាឈូក ឬ ក្រហមស្រាលវាអាចជាពេលដែលក្មេងស្រីចាប់ផ្តើមមានរដូវលើកដំបូង ប៉ុន្តែប្រសិនបើអ្នកមិនមែនមានជាលើកដំបូងនោះទេ អ្នកគួរតែទៅជួបគ្រូពេទ្យ ព្រោះ វាអាចជាសញ្ញានៃការរងរបួសផ្ទៃក្នុងជំងឺឆ្លង (ដូចជារោគខ្លាមីឌៀ) ឬ ការប្រែប្រួលនៃអរម៉ូន។ ម្យ៉ាងទៀត ប្រសិនបើវាមើលទៅពណ៌មានសភាពភ្លឺ ហើយមានលំហូរភ្លាមៗ នោះវាអាចបង្ហាញពីការមានផ្ទៃពោះ។ នោះហើយជាមូលហេតុមួយដែលស្ត្រីខ្លះមិនដឹងភ្លាមថាពួកគេមានផ្ទៃពោះ។

២. ពណ៌ក្រហមស្រស់

ប្រសិនបើឈាមរដូវគឺជាឈាមពណ៌ក្រហមស្រស់ គឺយើងអាចសន្មតថាអ្វីគ្រប់យ៉ាងគឺល្អប្រសើរ ប៉ុន្តែបើវាមករយៈពេលលើសពី ៦ ថ្ងៃ អ្នកក៏គួរតែទៅពិគ្រោះជាមួយគ្រូពេទ្យដែរ។ មួយវិញទៀតបើសិនជាពណ៌ក្រហមមានសភាពភ្លឺខ្លាំងវាអាចជាសញ្ញានៃកំរិតអ័រម៉ូនអឺស្ត្រូសែនតិចតួចដែលជួនកាលកើតឡើងបន្ទាប់ពីរបបអាហារ ឬ ការផឹកស្រាច្រើន។

៣. ពណ៌ក្រហមក្រមៅ

នៅពេលដែលរយៈពេលរបស់ឈាមរដូវមានលំហូរពេញលេញ ហើយវាកាន់មានពណ៌ក្រហមក្រមៅ វាអាចជាសញ្ញានៃស្បូនប្រូអ៊ីន ម្យ៉ាងឈាមពណ៌នេះលេចឡើងនៅចុងបញ្ចប់នៃវដ្តរបស់អ្នកដោយសារតែកម្រិតអរម៉ូនអ៊ឹស្ត្រូសែនខ្ពស់ ស្រទាប់ក្រាស់និងអត្រាស្រក់យឺត (ធម្មតា) ។

៤. ក្រហមបែកទឹកក្រូច

នៅក្នុងករណីនេះវាអាចជាការធ្លាក់ទឹកដែលមានពណ៌លឿងលាយជាមួយស្រទាប់ខាងក្នុងស្បូនដូច្នេះហើយបានជាវាក្លាយទៅជាពណ៌ទឹកក្រូច។ ទោះជាយ៉ាងណាក៏ដោយវាក៏អាចជាសញ្ញានៃការឆ្លងមេរោគតាមទ្វារមាសដែរ ជាពិសេសប្រសិនបើវាមានក្លិនមិនល្អ នោះរឹតតែជាការបារម្ភដែលអ្នកគួរតែទៅជួបគ្រូពេទ្យជំនាញខាងរោគស្ត្រីហើយ។

៥. ពណ៌ត្នោតចាស់

ស្ត្រីជាច្រើនមានការមិនសប្បាយចិត្តនោះទេនៅពេលឃើញឈាមរដូវខ្លួនឯងមានពណ៌នេះ ព្រោះគិតថាមិនមិនល្អឡើយ ប៉ុន្តែវាមិនមែនជាការព្រួយបារម្ភនោះទេ ព្រោះវាជារឿងធម្មតាដែលឈាមត្រូវមានការផ្លាស់ប្ដូរពណ៌ នៅអំឡុងពេលចុងបញ្ចប់នៃការមករដូវរបស់អ្នក។

៦. ពណ៌ប្រផេះ

នេះជាពណ៌តែមួយគត់ដែលគួរតែទៅជួបពេទ្យភ្លាមៗប្រសិនបើអ្នកឃើញវា ព្រោះលំហូរឈាមនៃពណ៌ប្រផេះក្រាស់នេះជាសញ្ញានៃការបង្ករោគ ឬអ្នកមានផ្ទៃពោះអាចសូម្បីរលូតកូនបាន។

ឥឡូវអ្នកដឹងថាពណ៌នៃឈាមរដូវរបស់អ្នកអាចបង្ហាញអំពីសុខភាពរបស់អ្នកយ៉ាងណាហើយ ដូច្នេះប្រសិនបើអ្នកកត់សម្គាល់អ្វីមួយដែលគួរឱ្យព្រួយបារម្ភនោះគួរតែទៅជួបគ្រូពេទ្យដើម្បីជៀសវាងមានបញ្ហាកើតឡើង។

ចុចអាន៖មុនពេលប្រើសំឡីអនាម័យ ស្ត្រីគ្រប់គ្នាគួរដឹងរឿងទាំងនេះសិន

ប្រភព៖ healthhack ប្រែសម្រួល៖ ផេង ផលធិតា