កុំសូវញុំាអាហារទាំងនេះពេក បើចង់ឲ្យស្បែករលោងស្អាត អត់កើតមុន
- 2017-07-20 09:30:00
- ចំនួនមតិ 0 | ចំនួនចែករំលែក 0
កុំសូវញុំាអាហារទាំងនេះពេក បើចង់ឲ្យស្បែករលោងស្អាត អត់កើតមុន
ប្រសិនបើលោកអ្នក ចង់មានស្បែករលោងស្អាត ហើយមិនចេញស្នាមអុច ជ្រួញ ឬ មុន នោះ អ្នកគួរតែជៀសវាងទទួលទាន ឬ ផឹកនូវអាហារទាំងប៉ុន្មានប្រភេទនេះ។ អាហារទាំងនេះ អាចញុំាបាន ប្រសិនបើយូរៗម្តង ប៉ុន្តែបើញុំាញឹកញាប់ អ្នកនឹងឃើញពីផលវិបាកលើស្បែកជាមិនខាន។
១. ជាតិអាកុល ៖
យើងគ្រប់គ្នាសុទ្ធតែដឹងថា ជាតិអាកុល មានដូចជា ស្រា ឬ បៀរ ជាដើម វាមិនល្អ ចំពោះសុខភាពនោះទេ។ ប៉ុន្តែលើសពីនេះ វាក៏កាន់តែអាក្រក់សម្រាប់ស្បែកផងដែរ បើអ្នកផឹកវាច្រើនឥតល្ហែរនោះ។
២. ជាតិប្រៃ
គ្រោះថ្នាក់នៃការទទួលទានជាតិប្រៃច្រើន គឺអាចប៉ះពាល់ដោយប្រយោល ដល់បេះដូង។ ប៉ុន្តែក្នុងនោះ វាក៏បណ្តាលឲ្យភ្នែក និងស្បែកមុខរបស់អ្នកឡើងព័ណ៌ស្រអាប់ផងដែរ។
៣. កាហ្វេ
ផឹកកាហ្វេ ២កែវ ក្នុង ១ថ្ងៃ អាចធ្វើឲ្យស្បែកឡើងជ្រីវជ្រួញ ចាស់ជាងវ័យ ព្រោះថាជាតិអាហ្វេអ៊ីន វាធ្វើឲ្យអរម៉ូន បញ្ចេញជាតិម្យ៉ាង ដែលបណ្តាលឲ្យប៉ះពាល់ដល់ស្បែក។
ចុច៖ រឿងអាក្រក់ ១០យ៉ាង អាចកើតឡើងចំពោះស្រីៗដែលចូលចិត្តផឹកកាហ្វេរាល់ថ្ងៃ
៤. អាហារចៀន
អាហារចៀន ដូចជា ដំឡូងចៀន ឬ ចេកចៀន ឬ ម្ហូបចៀនផ្សេងទៀត ធ្វើឲ្យចរន្តឈាម ដើរយឺត ដែលបណ្តាលស្ទះរន្ធខ្យល់ ហើយបាក់តេរីចូល បណ្តាលឲ្យមុខចេញមុន។
៥. ជាតិស្ករ
ទទួលទានជាតិស្ករច្រើនហួស ពីតម្រូវការ ក៏អាចធ្វើឲ្យប្រព័ន្ធសុំារបស់រាង្គកាយចុះខ្សោយ បណ្តោយឲ្យបាក់តេរី មានឱកាសជ្រៀតចូល ហើយបង្ករឲ្យចេញមុន នៅលើស្បែកដងខ្លួន។
៦. អាហារមានជាតិទឹកដោះគោ
ញុំាអាហារប្រភេទនេះច្រើន ក៏អាចធ្វើឲ្យស្បែកចេញមុនផងដែរ។
ចុច៖ ញុំាអាហារទាំងនេះខុសពេល ក៏អាចប៉ះពាល់ដល់សុខភាពដែរ
៧. សត្វដែលមានសំបក
តួយ៉ាងដូចជា ងាវ គ្រំ បង្កង ខ្ចៅ ខ្យង ក្តាម ជាដើម សុទ្ធតែមានជាតិអ៊ីយ៉ូដ ដែលបង្កឲ្យស្បែកស្ងួត ហើយឆាប់ចេញមុន។
៨. អាហារកំដរមាត់
ដូចជា ស្ករគ្រាប់ ឬ អាហារសម្រន់ក្នុងកញ្ចប់ខ្លះ គឺវាមិនមានអាហាររូបត្ថម្ភគ្រប់គ្រាន់នោះទេ ហើយវាអាចធ្វើឲ្យស្បែករបស់អ្នក ប្រែព័ណ៌ទៅជាស្រអាប់។
៩. ប្រភេទអាហារសិប្បនិមិ្មត
ដូចជា ទឹកក្រូចព័ណ៌ ឬ ស្ករគ្រាប់ព័ណ៌ ដែលវាគ្រាន់តែមានព័ណ៌ស្អាត តែគ្មានជាតិអ្វីនោះ ក៏ធ្វើឲ្យជាតិគីមី ចូលទៅបំផ្លាញកោសិកាស្បែកផងដែរ៕
ចុចអាន៖ ផ្លែឈើ ៤ ប្រភេទស្រីៗគួរតែចៀសវាង បើសិនជាចង់ស្រកទម្ងន់មែន