ប្រុសឆ្លាតទើបយល់! សម្ដី១០ម៉ាត់របស់មនុស្សស្រីដែលមានន័យមិនដូចអ្នកគិត

2017-07-20 00:40:00
ចំនួនមតិ 0 | ចំនួនចែករំលែក 0

ស្វាមីជាច្រើនអាចនឹងគិតថាភរិយារបស់ខ្លួនគឺពិបាកស្មានចិត្តមែនទែន តែការពិតមិនជាពិបាកនោះទេ គ្រាន់តែនាងចូលចិត្តនិយាយអ្វីដែលផ្ទុយពីនាងគិត ឬគេនិយាយថាមាត់ខុសពីចិត្តប៉ុណ្ណឹងឯង។ តែបើអ្នកអាចយល់បាន រឿងពិបាកៗនោះនឹងក្លាយមកជារឿងស្រួល។

១. “មិនអីទេ, គ្មានអីទេ”

បើប្រពន្ធអ្នកនិយាយថាមិនអីទេ នោះមានថា “អី” ហើយ ត្រៀមចិត្តទុកឲ្យហើយទៅ។

២. “អូនធាត់ពេកមែន?”

ពាក្យនេះអ្នកជាស្វាមីគង់គិតថា បើឆ្លើយថាធាត់ក៏ខឹង ឆ្លើយថាមិនធាត់ក៏ថាកុហក។ តែចម្លើយដែលនាងចង់បាននោះគឺ “អត់ធាត់ទេ” ហើយក៏កុំបាច់រិះគន់នាងអីចេះអីចុះ ដូចជា “មិនធាត់យ៉ាងម៉េច បើងាកញ៉ាំៗ” ... អីចឹងដែរ។ គ្រាន់តែប្រាប់ថា នាងមិនធាត់ នាងសប្បាយចិត្តណាស់ទៅហើយ។។

៣. “ទៅណាទៅៗ”

កុំច្រឡំថានាងចិត្តល្អដូចដែលអ្នកគិត។ បើនាងនិយាយថា ទៅៗ អ្នកត្រូវដឹងថា នាងមិនបានគិតដូច្នោះទេ នាងគ្រាន់តែចង់សាកចិត្តអ្នកថានឹងទៅមែនទែនឬក៏អត់ប៉ុណ្ណឹងឯង។

៤. “សុំគិតមើលសិន”

មិនថាស្វាមីសុំធ្វើអ្វី ឬសុំទៅណាក៏ដោយ បើសិនជាប្រពន្ធនិយាយថា “សុំមើលសិន” ឬ “សុំគិតមើលសិន” ហើយនោះ អ្នកជាប្ដីក៏ធ្វើចិត្តឲ្យហើយទៅ ព្រោះនាងគ្រាន់តែបន្លំនិយាយអីចឹងទេ តែចម្លើយក្នុងចិត្តនាងគឺដឹងតែ “អត់” បាត់ទៅហើយ។

៥. “ស្រេចចិត្ត”

ចាំទុក បើនាងនិយាយពាក្យនេះពេលណា នោះមានន័យថានាងបដិសេធដាច់អហង្ការ។ យកល្អអ្នកគួរតែព្រមលើកទង់ជ័យសចុះចាញ់ ពុំដូច្នោះទេត្រៀមខ្លួនធ្វើសង្គ្រាមឲ្យហើយ។

៥ យ៉ាងជួយឲ្យជីវិតស្នេហាចុះសម្រុង និងមិនបែកគ្នាដល់ចាស់កោងខ្នង

៦. “ណាក៏បាន”

កុំភ្ញាក់ផ្អើល ដែលគ្រប់ពេលដែលអ្នកសួរថា ល្ងាចនេះទៅញ៉ាំបាយនៅឯណា ហើយភរិយាអ្នកនិយាយថា “ទៅណាក៏បាន” នោះមានន័យថាត្រូវជាកន្លែងដែលនាងចូលចិត្ត។ ដូច្នេះអ្នកត្រូវគិត និងស្រាវជ្រាវបន្តិចហើយថាហាងណាដែលនាងចូលចិត្តទៅ។

៧. “សុំ ៥នាទី”

បើអ្នកកំពុងចាំនាងតែងខ្លួន ហើយនាងនិយាយថា សុំពេល៥នាទី នោះគឺមិនមែនមានន័យថា ៥នាទីដូចដែលនាងនិយាយឡើយ តែវាអាចយូរលើសហ្នឹងគុណនឹងពីរ ឬអាចច្រើនជាងហ្នឹងក៏ថាបាន។

៨. “យើងមានរឿងត្រូវនិយាយគ្នា”

ប្រយោគមួយទៀតដែលអ្នកអាចនឹងគិតថា មានរឿងធំហើយ។ តែមិនចាំបាច់ស្ត្រេសដោយសារវាច្រើនពេកទេ ព្រោះពេលខ្លះអាចនឹងគ្មានរឿងអីឡើយ នាងគ្រាន់តែត្រូវការយោបល់តិចតួចពីអ្នកប៉ុណ្ណោះ លើកលែងតែអ្នកទើបបានធ្វើអ្វីខុស។

៩. “ចាំបាច់ដែរ?”

កុំគិតណា ថាប្រយោគនេះជាប្រយោគសំណួរ ព្រោះនាងមិនបានសួរទេ តែនាងចង់បានន័យថា “ឈប់ធ្វើរឿងហ្នឹងទៅ” ទៅវិញទេ។

១០. “គួរតែ”

ពាក្យថា “គួរតែ” របស់ភរិយាភាគច្រើនគឺមានន័យថា “ត្រូវតែ” ដូចជាឧទាហរណ៍បើនាងនិយាយថា “យើងគួរតែទៅរកទិញអីវ៉ាន់ដាក់ផ្ទះជាមួយគ្នា” នោះនាងចង់បានន័យថា “យើងទាំងពីរត្រូវតែទៅទិញអីវ៉ាន់ដាក់ផ្ទះជាមួយគ្នា” ៕

ចុចអាន៖

ប្រភព៖ theasianparent ប្រែសម្រួល៖ ស្វាយ វ៉ាន់ថន