៥ យ៉ាងជួយឲ្យជីវិតស្នេហាចុះសម្រុង និងមិនបែកគ្នាដល់ចាស់កោងខ្នង

2017-07-11 03:25:34
ចំនួនមតិ 0 | ចំនួនចែករំលែក 0

ស្នេហាមិនមែនសុទ្ធតែល្អសុទ្ធតែរីករាយគ្រប់ពេលនោះទេ ពេលខ្លះក៏ឈ្លោះ ពេលខ្លះក៏មិនចុះសម្រុងគ្នា តែអ្វីដែលសំខាន់គឺអ្នកចេះរៀបចំ និង មានគន្លឹះដើម្បីថែរក្សាគ្នា ដូច្នេះដើម្បីឲ្យជីវិតស្នេហាមានភាពចុះសម្រុងគ្នា និង មិនបែកបាក់នោះ អ្នកគួរតែរក្សានូវចំណុចទាំងនេះ ៖

១. កុំចូលគេងទាំងខឹង ៖ មិនគួរធ្វើឲ្យដំណេករបស់យើងពោរពេញ ដោយកំហឹង និង មិនសប្បាយចិត្តនោះទេ បើមានរឿងអីគួរតែដោះស្រាយគ្នាហើយសឹមចូលគេង កុំព្យាយាមដើរចេញហើយមកសម្ងំយំរឿងខ្លួននោះ។

រូបតំណាង

**២. ប្រើពាក្យសម្ដីឲ្យបានស្រទន់ ៖** មនុស្សរស់នៅជាមួយគ្នាមិនគួរប្រើពាក្យសម្ដីអាក្រក់ មិនល្អនោះទេ គួរតែនិយាយឲ្យបានពីរោះ ស្រទន់ ដើម្បីកុំឲ្យមានអារម្មណ៍មិនល្អដាក់គ្នា ហើយពេលខ្លះទៀតមនុស្សកំពុងតែមានបញ្ហា បើអ្នកនិយាយមិនល្អទៀតនោះរឿងកាន់តែធំ។

៣. រក្សាការទំនាក់ទំនង ៖ ការជជែកគ្នា ការពិភាក្សាគ្នា នៅតែជារឿងសំខាន់មួយដែលគូស្នេហ៍មិនអាចខ្វះបាន ព្រោះបើអ្នកនៅស្ងៀមរៀងខ្លួន ភាពសោះកក្រោះនៅកើតឡើងជាមិនខាន ដូច្នេះអ្នកត្រូវតែចេះនិយាយគ្នា សួរពីគ្នាទៅវិញតៅមកកុំឲ្យខាន។

៤.រក្សាភាពផ្អែមល្ហែម និង គុណភាពនៃជីវិត ៖ ទោះបីជារស់នៅជាមួយគ្នារាល់ថ្ងៃក៏ដោយក៏ជីវិតស្នេហានៅតែត្រូវការភាពផ្អែមល្ហែម ការរំភើប និង ការរស់នៅដោយការផ្ដល់តម្លៃលើស្នេហាទៅវិគទៅមក ដូច្នេះអ្នកមិនគួរព្រងើយកន្តើយនោះឡើយ។

រូបតំំណាង

៥. កាត់បន្ថយការគិតអ្វីតែឯង ៖ រឿងខ្លះមិនបាននឹងកើតឡើងផងតែអ្នកបែរជាគិតអីតែម្នាក់ឯង មិនបានទាំងសួរម្នាក់ទៀតឲ្យបានច្បាស់ ហើយក៏មិនសប្បាយចិត្តរហូតដល់មានរឿងឈ្លោះគ្នាកើតឡើង ដូច្នេះបើមានអីមិនច្បាស់គួរតែនិយាយគ្នាមិនគួរគិតអីផ្ដេសផ្ដាសតែខ្លួនឯងនោះទេ។

គិតថាគ្រាន់តែដើម្បីស្នេហាគង់វង្ស អ្នកនឹងធ្វើរឿងទាំងនេះបានដោយគ្មានបញ្ហា៕

ចុចអាន៖៧ ប្រការសម្រាប់ភរិយាសម័យថ្មីគួរតែមាន ដើម្បីផ្គាប់ចិត្តស្វាមី

ប្រភព៖ Youqueen ប្រែសម្រួល៖ ផេង ផលធិតា