ហេតុផល ដែលអ្នកអាចមានប្រៀបលើសង្សារចាស់គេបាន
- 2017-07-19 06:30:00
- ចំនួនមតិ 0 | ចំនួនចែករំលែក 0
ហេតុផល ដែលអ្នកអាចមានប្រៀបលើសង្សារចាស់គេបាន
មនុស្សស្រីភាគច្រើន តែងតែខ្វល់ពីសង្សារចាស់របស់សង្សារខ្លួន ភ័យខ្លាចគេមកដណ្តើមយកគាត់ទៅវិញ។ ប៉ុន្តែតើចាំបាច់ខ្វល់ធ្វើអ្វី ព្រោះពេលនេះ គាត់ជារបស់អ្នកហើយ។ បើអ្នកកាន់តែខ្វល់ សង្សារចាស់នោះ នឹងកាន់តែមានប្រៀប។ ដូច្នេះ អ្នកគួរតែគិតរឿងវិជ្ជមាន ដើម្បីធ្វើឲ្យចំណងស្នេហានាពេលបច្ចុប្បន្នរបស់អ្នកទាំង ២ កាន់តែផ្អែមល្ហែម។ អ្នកអាចនិយាយប្រាប់ខ្លួនឯង ៩ឃ្លានេះ ពេលចង់គិតរឿងផ្តេសផ្តាស់៖
១. «ពេលនេះគាត់ជាសង្សារខ្ញុំហើយ!»
បើគាត់សម្រេចចិត្តជ្រើសរើសអ្នកហើយ មានន័យថា នាងគ្រាន់តែជាអតីតប៉ុណ្ណោះ។ ពេលនេះ គាត់ស្រលាញ់អ្នក មិនមែនស្រលាញ់នាងទៀតនោះទេ។ អ្នកគួរតែគោរពការសម្រេចចិត្តរបស់គាត់ ដូច្នេះកុំគិតច្រើនពេក។
២. «វាគ្រាន់តែជាអតីតកាល»
អតីតកាល គ្រាន់តែជាបទពិសោធន៍ ដូច្នេះឈប់គិតពីវាទៀតទៅ។ ហើយត្រូវចាំផ្តើមជាថ្មី ជាមួយគាត់ នាពេលច្ចុប្បន្ន។
៣. «ខ្ញុំទុកចិត្តគាត់»
ប្រសិនបើអ្នកនៅតែខ្វល់ពីសង្សារចាស់របស់គេ មានន័យថា អ្នកមិនទុកចិត្តគាត់នោះទេ។ វាជារឿងអាក្រក់មួយ សម្រាប់ចំណងស្នេហា នៅពេលដែលមនុស្ស ២នាក់ មិនទុកចិត្តគ្នាទៅវិញទៅមក។
៤. «គេគ្រាន់តែរាប់អានគ្នាធម្មតាតើ»
ត្រូវចេះគិតថា មនុស្សម្នាក់ ក៏អាចស្រលាញ់មនុស្សបានច្រើននាក់ដែរ គ្រាន់តែការស្រលាញ់នោះ វាមានភាពខុសៗគ្នា។ បើគាត់គិតថា សង្សារចាស់របស់គាត់ អាចរាប់អានគ្នាជាមិត្តភក្តិបាន នោះអ្នកក៏ត្រូវរៀនទទួលស្គាល់ថា គេគ្រាន់តែជាមិត្តភក្តិប៉ុណ្ណោះនៅពេលនេះ ហើយអ្នកទើបជាសង្សារពិតប្រាកដ។
៥. «ខ្ញុំមិនខ្លាចគាត់ទៅរកគេវិញទេ»
ប្រាប់ខ្លួនឯង កុំឲ្យភ័យខ្លាច! គិតច្រើន ពីសង្សារចាស់របស់គេ វាកាន់តែធ្វើឲ្យអារម្មណ៍របស់អ្នក ភ័យខ្លាច ហើយបាត់បង់ទំនុកចិត្តលើខ្លួនឯង។
៦. «គាត់មិនធ្វើអីចឹងដាក់ខ្ញុំទេ! រឿងហ្នឹងប្រាកដជាមិនអាចអីចឹងទេ!»
កុំចេះតែវិច្ឆ័យ! ព្យាយាមកុំជឿជាក់ លើរូបភាពដែលអ្នកបានឃើញពេក ព្រោះជួនកាលវាមិនមែនជារូបភាពពិតនោះទេ។ មុននឹងកាត់សេចក្តីអ្វីមួយ អ្នកត្រូវសួរនាំគេឲ្យបានច្បាស់ជាមុនសិន។
ចុច៖ ១០សំណួរ ដែលមនុស្សស្រីគួរសួរ ដើម្បីស្វែងយល់ពីសង្សារថ្មីថ្មោងរបស់ខ្លួន
៧. «គេប្រាកដជានៅជាមួយគ្នាមិនកើត ទើបបានបែកគ្នា!»
អ្នកត្រូវប្រាប់ខ្លួនឯងថា ប្រាកដជាមានហេតុផលចម្រូងចម្រាស់អ្វីមួយហើយ បានជាពួកគេទាំង២ ត្រូវដើរដល់ផ្លូវបំបែកនោះ។ អ្នកត្រូវជឿជាក់ថា គេទាំង ២ លែងសាកសមនៅជាមួយគ្នាទៀតហើយ។
ចុច៖ ៥ យ៉ាងបញ្ជាក់ថាគូស្នេហ៍ចូលចិត្តធ្វើអី sweet sweet លើ FB ពេលបែកគ្នា ឈឺចាប់រឹតតែខ្លាំង
៨. «ហេតុអ្វីខ្ញុំត្រូវប្រច័ណ្ឌ ព្រោះគាត់មិនបានស្រលាញ់នាងផង! នាងគ្មានឱកាសបានគាត់ទេ!»
កុំប្រច័ណ្ឌ! បើអ្នកកាន់តែប្រច័ណ្ឌ នោះសង្សារចាស់របស់គាត់ នឹងកាន់តែបានចិត្ត។ ដូច្នេះ ត្រូវមានអំនួតចំពោះខ្លួនឯង ហើយកុំបង្ហាញក្តីប្រចណ្ឌនោះឲ្យគេឃើញ។
ចុច៖ មេរៀនជីវិត ៥ យ៉ាងដែលអ្នកបានមករៀនពីស្នេហាចាស់
៩. «កុំទៅខ្វល់ច្រើន នាំតែខាតពេលទេព្រោះខ្ញុំមានសិទ្ធិលើគាត់ហើយតើពេលនេះ»
ត្រូវឧស្សាហ៍ប្រាប់ខ្លួនឯងថា កុំខ្វល់ច្រើន ឈប់គិតរឿងអតីតកាលរបស់គេ ហើយព្យាយាមធ្វើអ្វីប្លែកៗដើម្បីបង្កើនភាពផ្អែមល្ហែមវិញ៕
ចុចអាន៖ ការពិតខ្ញុំមិនស្មើនឹងសង្សារចាស់របស់គេផង