១០សំណួរ ដែលមនុស្សស្រីគួរសួរ ដើម្បីស្វែងយល់ពីសង្សារថ្មីថ្មោងរបស់ខ្លួន
- 2017-07-19 01:02:00
- ចំនួនមតិ 0 | ចំនួនចែករំលែក 0
១០សំណួរ ដែលមនុស្សស្រីគួរសួរ ដើម្បីស្វែងយល់ពីសង្សារថ្មីថ្មោងរបស់ខ្លួន
ធម្មតាពេលស្រលាញ់គ្នាដំបូងៗ មនុស្សស្រីប្រាកដជាមានសំណួរជាច្រើន ចង់សួរសង្សាររបស់ខ្លួន។ ប៉ុន្តែ អ្នកត្រូវដឹងថា សំណួរខ្លះវាគ្រាន់តែសាមញ្ញៗ ដែលមិនអាចធ្វើឲ្យអ្នកដឹងពីចរឹតពិតរបស់គេនោះទេ។ បើចង់ស្វែងយល់ពីគេឲ្យកាន់តែច្បាស់ សាកសួរសំណួរ ១០នេះមើល៖
១. តើបងចូលចិត្តទៅដើរលែងកន្លែងណា ពេលអូនអត់ទៅជាមួយ?
សំណួរនេះ អាចធ្វើឲ្យស្រីៗ ដឹងពីចំនូលចិត្តរបស់ខាងប្រុស។ ឧបមាថា គេចូលចិត្តទៅអានសៀវភៅ នោះមានន័យថា គេជាអ្នករៀនសូត្រ។ បើគេចូលចិត្តជុំមិត្តភក្តិផឹក មានន័យថាគេអាចជាមនុស្សប្រមឹក។ ប្រយោជន៍មួយទៀតពីសំណួរនេះ គឺបើបាត់គេ អ្នកក៏អាចងាយរកឃើញ នៅកន្លែងទាំងនោះផងដែរ។
ចុច៖ រឿង ៨ យ៉ាងនឹងលេចឡើងនៅពេលនារី ស្រឡាញ់មនុស្សប្រុសម្នាក់ខ្លាំងបំផុត
២. បងចូលចិត្តកូនក្មេងទេ?
បើអ្នកគិតចង់បានគេជាគូអនាគត សំណួរនេះល្អបំផុត ព្រោះអ្នកអាចនឹងដឹងថា តើគេចង់មានកូន ឬអត់? ឬ ប្រសិនបើអ្នកមានប្អូន ឬ ក្មួយតូចៗ តើអ្នកអាចពឹងឲ្យគេមើលថែពេលមានធុរៈណាមួយបាន ឬ អត់?
៣. បងចូលចិត្តធ្វើម្ហូបទេ? បងឧស្សាហ៍ជួយធ្វើការងារក្នុងផ្ទះបាយទេ?
បើគាត់ឆ្លើយថា ចូលចិត្តដែរ មានន័យថា គាត់ជាមនុស្សសម័យថ្មី ដែលមិនប្រកាន់ថាការងារចង្ក្រាន្តចានឆ្នាំង ជារឿងរបស់មនុស្សស្រីនោះទេ។
៤. តើយើងគួរធ្វើអី្វខ្លះ ពេលយើងនៅជាមួយគ្នា?
សំណួរនេះ អាចបញ្ជាក់ថា តើគេជាមនុស្សរ៉ូមែនទិក ឬ ខិលខូច? បើគេថាចង់ទៅលេងសមុទ្រ ឬ ចង់ដើរកម្សាន្តតាមតំបន់ភ្នំ មានន័យថា គេចង់បង្ហាញភាពរ៉ូមែនទិកហើយ។ ប៉ុន្តែបើគេតបថា ចង់ទៅសណ្ឋាគារមើលទូរទស្សន៍តែ ២នាក់អីវិញ នោះអ្នកប្រុងខ្លួនឲ្យហើយទៅ គេប្រាកដជាមានចេតនាចង់បានខ្លួនអ្នកជាមិនខាន។
ចុច៖ មូលហេតុដែលធ្វើឲ្យមនុស្សប្រុស ចូលចិត្តសម្គាល់ទម្លាប់ ៧ យ៉ាងរបស់ស្រីៗ
៥. តើបងគិតថា អូនគួរធ្វើយ៉ាងម៉េច ដើម្បីឲ្យក្លាយជាមិត្តស្រីដ៏ល្អម្នាក់?
ចម្លើយរបស់គេ នឹងធ្វើឲ្យយើងដឹងថា តើគេគិតយ៉ាងម៉េចចំពោះសេចក្តីស្នេហានេះ។ យើងក៏អាចដឹងថា តើគេពិតជាស្រលាញ់យើងស្មោះមែន ឬ គ្រាន់តែចង់បានដើម្បីកំដរអារម្មណ៍ប៉ុណ្ណោះ។
៦. បើបងឈ្នះឆ្នោតផ្សេងសំណាងលុយរាប់លានដុល្លារ តើបងចង់យកវាទៅធ្វើអ្វីខ្លះ?
វាគ្រាន់តែជាសំណួរឧបមាប៉ុណ្ណោះ ប៉ុន្តែអ្នកនឹងអាចដឹងពីគំនិតបែងចែករបស់គេ។
៧. តើបងមានទម្លាប់អាក្រក់អ្វីដែរ ឬ ទេ?
ប្រសិនបើគាត់ឆ្លើយថា «មិនមានទេ» នោះមានន័យថា ទម្លាប់អាក្រក់របស់គាត់ គឺមិននិយាយការពិត ព្រោះថាមនុស្សគ្រប់រូប តែងតែមានទម្លាប់អាក្រក់ ទោះតិចក្តី ច្រើនក្តី។ សញ្ញានេះ ក៏បង្ហាញថា គេកំពុងលាក់លៀមពីអ្នកផងដែរ។ ប៉ុន្តែបើគាត់ឆ្លើយថា «មាន» វិញ អ្នកក៏អាចសម្គាល់ ហើយរៀនសម្របសម្រួលតាមផងដែរ។
៨. បងដែលគិតទេថា ៥ឆ្នាំទៀត បងនឹងក្លាយជាអ្វី?
ចម្លើយរបស់គាត់ នឹងអាចធ្វើឲ្យអ្នកដឹងពីផែនការអនាគត របស់គាត់។ តែបើឆ្លើយថា មិនទាន់បានគិតទេ មានន័យថា គាត់មិនទាន់មានផែនការណាមួយជាក់លាក់នៅឡើយទេ។
ចុច៖ សញ្ញា១០យ៉ាង អាចមើលដឹងថាមិត្តប្រុសចង់រៀបការជាមួយអ្នកមែនទែនហើយ
៩. ប៉ាម៉ាក់របស់បង ចូលចិត្តអ្វីខ្លះ?
យើងអាចដឹងថា តើគាត់ជាមនុស្សដែលស្រលាញ់គ្រួសារ ឬអត់ ប្រសិនបើគាត់អាចដឹងពីចំណូលចិត្តរបស់ប៉ាម៉ាក់គាត់។ គាត់ជាកូនល្អ ឬអត់ ក៏អ្នកអាចស្វែងយល់តាមសំណួរនេះបានផងដែរ។
១០. តើស្នេហាមានន័យយ៉ាងដូចម្តេច ចំពោះបង?
ពេលសួរសំណួរនេះ អ្នកគួរតែមើលភ្នែកគាត់ ដើម្បីឲ្យប្រាកដថា ចម្លើយដែលគាត់តបមកនោះ ជាចម្លើយពិត។ នេះជាសំណួរ ដែលអាចកំណត់ទំនាក់ទំនងស្នេហារបស់អ្នកបាន៕
ចុចអាន៖ ទទួលស្គាល់ទៅថា ពេលវេលាកាន់តែយូរ មនោសញ្ចេតនាកាន់តែសាបរលាប