ការពិតខ្ញុំមិនស្មើនឹងសង្សារចាស់របស់គេផង
- 2017-07-18 06:05:00
- ចំនួនមតិ 0 | ចំនួនចែករំលែក 0
ការពិតខ្ញុំមិនស្មើនឹងសង្សារចាស់របស់គេផង
ខ្ញុំគឺជាមនុស្សស្រី ក៏មានចិត្ត និងអារម្មណ៍។ នៅពេលមនុស្សដែលយើងស្រលាញ់តែងតែរំលឹកដល់សង្សារចាស់ មានន័យថាស្នេហាគេចំពោះខ្ញុំគឺធំមិនគ្រប់គ្រាន់នោះឡើយ ហើយក៏ដល់ពេលខ្ញុំត្រូវបោះបង់ចោលដែរ។ ការពិតទៅ ខ្ញុំមិនស្មើនឹងអ្នកចាស់របស់គេផង។
ក្រោយមិនទាក់ទងគ្នាមួយរយៈពេលខ្លី ទើបខ្ញុំដឹងថាខ្ញុំដូចជាអ្នកជំនួស។ ខ្ញុំហាក់ដូចជាស្រមោលរបស់ស្រីម្នាក់នោះ។ នៅក្នុងកែវភ្នែករបស់អ្នកគ្រប់គ្នា ខ្ញុំគឺជាសង្សាររបស់គាត់។ ពួកគេក៏គិតថាខ្ញុំពិតជាមានសុភមង្គលខ្លាំងណាស់នៅពេលដែលមានមិត្តប្រុសចេះយកចិត្តទុកដាក់ និងបារម្ភពីខ្ញុំ។ តែគ្មានអ្នកណាដឹងទេថា ក្នុងយៈពេលស្រលាញ់គ្នាប៉ុន្មានខែនេះ ខ្ញុំមិនស្មើនឹងសង្សារចាស់គេផង។
ខ្ញុំនៅចាំថ្ងៃដំបូងដែលយើងទើបស្រលាញ់គ្នាថា ពួកខ្ញុំនាំគ្នាទៅញ៉ាំអី កន្លែងដែលខ្ញុំគិតថាបងមិនធ្លាប់នាំអ្នកណាទៅ។ បន្ទាប់មកយើងនាំគ្នាទៅមើលកុន បងជ្រើសរើសទឹកផឹកឲ្យខ្ញុំ។ ពេលនោះ ខ្ញុំហាក់ដូចជានារីដែលមានសុភមង្គលបំផុត។ បន្ទាប់មកខ្ញុំមានអារម្មណ៍ដូចធ្លាក់ក្នុងរណ្ដៅងងឹតនៅពេលដឹងថា រាល់អ្វីដែលបងកម្ម៉ង់ឲ្យខ្ញុំគឺសុទ្ធតែរបស់សង្សារចាស់បងចូលចិត្តញ៉ាំទាំងអស់។
ហើយអ្វីគ្រប់យ៉ាងក៏ចាប់ផ្ដើមពីពេលនោះ។ អ្វីក៏បងយកខ្ញុំមកប្រៀបធៀបនឹងសង្សារចាស់។ ប៉ុន្មានថ្ងៃមុនគឺខួបកំណើតរបស់សង្សារចាស់គាត់។ ខ្ញុំឃើញគាត់ទិញផ្កា ខ្ញុំសួរថាជូនអ្នកណា។ គាត់បានត្រឹមឆ្លើយកំបុត "មិត្តភ័ក្ដិ"។ ខ្ញុំចាប់ផ្ដើមបារម្ភ បើសិនជាមនុស្សប្រុសប្រាកដជាមិនជូនផ្កាទេ។ ហើយហេតុអីបានធ្វើខ្លួនស្អាតយ៉ាងនេះ?
ខ្ញុំក៏សម្រេចចិត្តជិះតាមគាត់ ហើយទ្រូងស្ទើតែប្រេះនៅពេលអ្វីដែលខ្ញុំគិតក្លាយជាការពិត។ ផ្កានោះគឺសម្រាប់សង្សារចាស់គាត់។ អ្នកទាំង២អោបគ្នា។ នេះហើយអ្វីដែលគាត់ហៅថាគ្រាន់តែជាមិត្តភ័ក្ដិ។
ក្រោយយប់នោះទើបខ្ញុំយល់ថា ខ្ញុំមានត្រឹមតែឈ្មោះជាសង្សារ តែអ្នកដែលគេស្រលាញ់ពិតប្រាកដគឺអ្នកចាស់ទៅវិញទេ។ ទោះបែកយូរហើយក៏ដោយ តែគេនៅតែអាល័យនាងដូចថ្ងៃដំបូង។ ហើយក៏ដល់ពេលហើយដែរដែលខ្ញុំត្រូវដាក់សញ្ញាខណ្ឌចំពោះមនោសញ្ចតនានេះ៕