អាយុ​២៦​ហើយ​មិន​ទាន់​មាន​សង្សារ​ទៀត មិន​មែន​កំហុស​អ្នក​ណា​ទេ គឺ​កំហុស​មក​ពី​ខ្លួន​ឯង

  • 2017-07-17 01:47:16
  • ចំនួនមតិ

ចន្លោះមិនឃើញ

បើ​ឈាន​ដល់​អាយុ​២៦​ឆ្នាំ​ហើយ តែ​អ្នក​នៅ​តែ​គ្មាន​គូ ហើយ​ទម្លាក់​កំហុស​ពី​កាលៈទេសៈ ដោយ​សារ​អ្នក​នេះ​អ្នក​នោះ ឬ​ក៏​វាសនា​មិន​ទាន់​ដល់​នោះ សូម​ក្រឡេក​ទៅ​មើល​ខ្លួន​ឯង​ជា​មុន​សិន។

ខ្ញុំ​មាន​មិត្តភ័ក្ដិ​ស្រី​ជា​ច្រើន ច្បាស់​ណាស់​ថា​ពួក​គេ​ចង់​បាន​សង្សារ តែ​ដល់​ពេល​ប្រាប់​ថា​ត្រូវ​ផ្លាស់​ប្ដូរ​រឿង​នេះ ឬ​រឿង​នោះ បែរ​ជា​ពេប​មាត់​ថា​ខ្ជិល​ណាស់។ ហើយ​ដល់​ពេល​មាន​អ្នក​សួរ តាំង​ទម្លាក់​កំហុស​ឲ្យ​ការ​រវល់ ដក​ឃ្លា​មិន​កើត មជ្ឈដ្ឋាន​ជុំវិញ​គ្មាន​អ្នក​ត្រូវ​ចិត្ត ប្រុស​នៅ​ក្បែរ​សុទ្ធ​តែ​អាក្រក់ ឬ​គូព្រេង​មិន​ទាន់​ដល់​ជា​ដើម។

ហេតុផលដែលធ្វើឲ្យស្នេហាដំបូងមិនជោគជ័យ

ទោះ​បី​ជា​ពួក​គេ​មើល​ទៅ​រឹងរូស​ក៏​ដោយ តែ​ពួក​គេ​ឯកា​ខ្លាំង​ណាស់ ឃើញ​គេ​កាន់​ដៃ​គ្នា​ដើរ​លេង ខ្លួន​ក៏​ចង់​មាន​គូ​​នឹង​គេ​ដែរ។ កំហុស​របស់​នារី​វ័យ​២៦​ឆ្នាំ​នោះ​គឺ​ខ្ជិល​ផ្លាស់​ប្ដូរ។ ធ្វើ​យ៉ាង​ម៉េច​នឹង​រក​គូ​បាន​បើ​ចេញពី​ធ្វើ​ការ​ភ្លាម​គឺ​ចូល​ផ្ទះ​ភ្លែត​បែប​នេះ​នោះ។ មួយ​ថ្ងៃ​ៗ​មើល​តែ​រឿង​ភាគ​កូរ៉េ។ ក្នុង​ពេល​ដែល​អ្នក​​មើល​រឿង​ទាំង​នេះ បុរស​ល្អ​ៗ​ត្រូវ​នារី​ផ្សេង​ទៀត​គេ​ស្ទូច​អស់​ហើយ គ្មាន​ដល់​វេន​អ្នក​ទេ។

មួយ​វិញ​ទៀត​គឺ​អ្នក​តែង​បង្រួម​ការ​ទាក់​ទង​របស់​ខ្លួន។ ពេល​ណា​ក៏​ត្អូញ​ថា​គ្មាន​អ្នក​ញ៉ែ តែ​ដល់​ពេល​មាន​អ្នក​ឆាត​មក​បែរ​ជា​ថា​ឲ្យ​គេ​រំខាន​ទៅ​វិញ។ រិះគន់​ថា​គេ​ចេះ ថា​គេ​ចុះ។ ចុះ​ឡើង​ៗ​ក្រុម​មិត្តភ័ក្ដិ​ជិត​ស្និទ្ធ​នៅ​តែ​យើង​ម្នាក់​ដែល​គ្មាន​គូ​នឹង​គេ។

អ្នក​មាន​ចាប់​អារម្មណ៍​ទេ​ថា ពី​មួយ​ថ្ងៃ​ទៅ​មួយ​ថ្ងៃ អ្នក​ដើរ​តែ​ចាប់​កំហុស​គេ​ឬ​អត់? បើ​យើង​ងាយ​ស្រួល​នឹង​គេ អ្វី​ៗ​ក៏​នឹង​ក្លាយ​ជា​ងាយ​ស្រួល​វិញ។ ស្នេហា​តែង​តែ​នៅ​ក្បែរ​យើង វា​នៅ​តែ​ចំពោះ​មុខ​យើង​ហ្នឹង​ ​​គ្រាន់​តែ​យើង​ហ៊ាន​ទទួល​វា​ឬ​អត់។ ក្នុង​វ័យ​២៦​ឆ្នាំ អត់​គូ កំហុស​ដោយ​សារ​កាលៈទេសៈ​គឺ​តិច​ទេ តែ​បើ​ដោយ​សារ​តែ​ខ្លួន​ឯង​គឺ​ច្រើន​ជាង។

ដំបូន្មាន​ស្នេហា​ទាំង​ ៧ ដែល​ស្ត្រី​គួរ​ដឹង​

សូម​លើក​ទូរសព្ទ​ឡើយ ហើយ​ណាត់ Crush​ ទៅ​ដើរ​លេង​យប់​នេះ។ ត្រូវ​គេ​បដិសេធ​ឬ? ប្ដូរ​ទៅ​ទិស​ដៅ​មួយ​ទៀត​ភ្លាម។ មុខ​ក្រាស់​បន្តិច​​ក៏​វា​មិន​ស្លាប់​ដែរ តែ​បើ​នៅ​ឯកា​អ៊ីចឹង​យូរ​ទៀត​ប្រហែល​ជា​រីង​រៃ​ខ្លួន​ស្លាប់​ហើយ៕


ប្រភព៖ Guu ប្រែ​សម្រួល៖ Caramel