តើមនុស្សប៉ុន្មានអ្នកដែលជោគជ័យនៅស្នេហាដំបូង? ប្រហែលជាមិនមានច្រើននោះទេពីព្រោះគេមានហេតុផលជាច្រើនដែលធ្វើឲ្យស្នេហាដំបូងកើតឡើងនិងបែកបាក់ទៅវិញ។ ទាំងនេះជាហេតុផលដែលធ្វើឲ្យស្នេហាដំបូងមិនជោគជ័យ៖

១. ខ្វះបទពិសោធន៍ គ្មានបទពិសោធន៍ស្នេហាពីមុនមកមិនសូវយល់ចិត្តដៃគូហើយពេលមានបញ្ហាមិនសូវចេះប្រឈមមុខ ហើយ​អាច​នឹង​មើល​មនុស្ស​ខុស​ ព្រោះ​មនុស្ស​យើង​មាន​ការ​ប្រែប្រួល​ឆាប់​រហ័ស​ណាស់។

២. អារម្មណ៍ងុបងល់មួយឆាវ

ពេលខ្លះស្នេហាដំបូងគ្រាន់តែជាអារម្មណ៍ដែលយើងងុបងល់នឹងនរណាម្នាក់មួយពេល តែអារម្មណ៍មួយនោះក៏បាត់បង់ទៅវិញដោយគ្មានហេតុផល។ វា​ជា​អារម្មណ៍​ដឺល​រំភើប​​មួយ​ពេល ដែល​ស្ថិត​ក្នុង​ភាព​យុវវ័យ​មាន។

**៣. មានចិត្តឯករាជ្យ**

មានចិត្តមានះចង់ឈ្នះរៀងខ្លួន មិនចូលចិត្តនៅក្រោមនរណាម្នាក់នោះទេ ព្រោះពីមុនមកធ្លាប់ធ្វើអ្វីដោយមិនមាននរណាហាមឃាត់ គ្មាន​សម្ពាធ​ពី​អ្នក​ក្រៅ ដូច្នេះ​ពេល​ដែល​មាន​ស្នេហា​យើង​អាច​មាន​អារម្មណ៍​ថា​បាត់​បង់​សេរីភាព។

៤. ចង់ស្គាល់ ចង់​យល់

ស្នេហាដំបូងខ្លះគ្រាន់តែជាការចង់ដឹងចង់ស្គាល់របស់យើងតែប៉ុណ្ណោះ វាមិនមែនចេញពីការស្រលាញ់ពិតឡើយ បន្ទាប់ពីយើងបានស្គាល់ហើយយើងក៏បោះជំហានចេញពីវាទៅ។

៥. ខ្វះការតស៊ូ

ប្រហែលពេលនោះយើងមិនទាន់រឹងមាំ មិន​ទាន់​ចេះ​គ្រប់គ្រង​ជីវិត​ខ្លួន​ឯងគ្រប់គ្រាន់ ដូចច្នេះពេលដែលមានបញ្ហាកើតឡើងយើងឆាប់បោះបង់ ឆាប់ចុះចាញ់ គ្មាន​ភាព​រឹង​ប៉ឹង​ក្នុង​ការ​ប្រឈមមុខ។

ប្រហែលជានៅមានហេតុផលជាច្រើនទៀតដែលធ្វើឲ្យយើងបោះបង់ស្នេហាលើកទី១ ប៉ុន្តែអ្វីដែលសំខាន់តើយើងទទួលបានអ្វីខ្លះពីវាក្នុងការអភិវឌ្ឍន៍ខ្លួន។