វិធី Chat ដែលធ្វើឲ្យប្រុសៗមិនធុញនឹង Reply វិញ
- 2017-07-13 04:31:00
- ចំនួនមតិ 0 | ចំនួនចែករំលែក 0
វិធី Chat ដែលធ្វើឲ្យប្រុសៗមិនធុញនឹង Reply វិញ
ស្នេហាសម័យទំនើប ការ chatរកគ្នាគឺជារឿងសំខាន់ ព្រោះថាវាងាយស្រួល ហើយចំណាយតិច។ ការផ្ញើសារបែបនេះ ពេលខ្លះក៏ធ្វើឲ្យគូស្នេហ៍មានអារម្មណ៍ល្អ តែពេលខ្លះ ក៏ធ្វើឲ្យគេមានអារម្មណ៍មួរម៉ៅដាក់គ្នាផងដែរ។ អញ្ចឹងហើយដើម្បីកុំឲ្យអ្នកទាំង២ឈ្លោះគ្នា ដោយគ្រាន់តែរឿង chat នេះ Kanha សូមលើកយកវិធីងាយៗ ដែលសុភាពនារី គួរតែយល់ដឹងក្នុងការ chat ទៅកាន់ដៃគូរបស់ខ្លួន។
- កុំឆ្លើយពាក្យតែមួយម៉ាត់ ៖ គេខំសួរឡើងច្រើន ដល់ខ្លួនឯងឆ្លើយតបវិញ ត្រឹម yes, ok, lol ឬដាក់រូបមេដៃមួយ។ គេនឹងមិនសប្បាយចិត្ត ហើយគិតថា ប្រហែលជាអ្នកកំពុងធុញនឹងគេទេដឹង។ ដូច្នេះ ទោះខ្ជិលយ៉ាងណា ក៏គួរតែសរសេរ ៣ ឬ ៤ ពាក្យតបទៅវិញទៅ។
- បង្ហាញការយកចិត្តទុកដាក់ ៖ សួរនាំគេរហូត ទោះបីជាអ្នកមិនអាចជួយអ្វីគេបានក៏ដោយ។ ធ្វើបែបនេះ គេនឹងយល់ថា អ្នកពិតជាបារម្ភពីគេមែន គ្រាន់តែអ្នកមានហេតុផលពិបាក ដែលមិនអាចមកជួយគេបាន។
- កុំព្យាយាមបន្លំគេ ៖ មានន័យថា កុំព្យាយាមផ្លាស់ប្តូរទម្លាប់នៃការសរសេរសារ ព្រោះថាគេអាចយល់ថា អ្នកដទៃយក account របស់អ្នកទៅប្រើ ហើយគេក៏មិនសូវទុកចិត្តដែរ។
- កុំផ្ញើរប្រលោកមលោកឲ្យគេមើល ៖ ប្រុសៗមិនចូលចិត្តអានអ្វីដែលវែងពេកនោះទេ។ ដូច្នេះ អ្នកមិនគួរសរសេរពាក្យវែងជ្រុល ឬ ក៏ផ្ញើរឿងប្រលោមលោកឲ្យគេមើលនោះទេ។ ចង់ប្រាប់រឿងអីដល់គេ គួរតែចាំពេលជួបមុខផ្ទាល់ចាំនិយាយ ក៏បាន។
- ត្រូវចេះធ្វើកំប្លែងៗ ៖ ការផ្ញើសារ ឬ chat រកគ្នា គឺដើម្បីបង្ហាញពីការយកចិត្តទុកដាក់ ហើយក៏ដើម្បីបង្កើនភាពរីករាយ។ ដូច្នេះ ក្នុង chat គួរចេះប្រើពាក្យរបៀបលេងសើច ឬ send sticker ណាដែល cute cute កំប្លែងៗ ទៅកាន់ដៃគូអ្នក។ ពេលគេបានឃើញវា គេនឹងយល់ថា អ្នកពិតជាគួរឲ្យស្រលាញ់មែន។
- គិតវិជ្ជមាន ៖ បើពេលខ្លះ គេ seen ហើយអត់បាន reply មកភ្លាមទេ ចូរកុំគិតរឿងអវិជ្ជមានច្រើនពេក។ គួរតែប្តូរមកគិតថា គេប្រហែលជារវល់ហើយ បានជាមិនឆ្លើយបែបនេះ។ ហើយក៏កុំយកពេលចាំមើលសាររបស់គេ ព្រោះថាកាន់តែចាំ វានឹងធ្វើឲ្យអ្នកមានអារម្មណ៍ថាកាន់តែយូរ។
- សួរសំណួរពីខ្លួនគេឲ្យបានច្រើន ៖ មនុស្សប្រុស ក៏ត្រូវការការយកចិត្តទុកដាក់ពីមនុស្សស្រីផងដែរ។ ដូចនេះ អ្នកគួរតែសួរសំណួរដែលទាក់ទងនឹងគេឲ្យបានច្រើន ជាជាងការរអ៊ូររទាំពីរឿងខ្លួនឯង។
- កុំព្យាយាមផ្ញើសារពេលគេកំពុងរវល់ ៖ បើអ្នកដឹងថា ពីម៉ោងនេះ ដល់ម៉ោងនេះ គេធ្វើការ ដូច្នេះអ្នកគួរជៀសវាងកុំផ្ញើសារចន្លោះម៉ោងហ្នឹង លុះត្រាតែមានការសំខាន់ខ្លាំង។
- កុំសួរសំណួររបៀបសង្ស័យ ៖ វាមិនខុសទេ សម្រាប់ស្រីៗដែលស្រលាញ់សង្សារខ្លួន ហើយតែងតែសង្ស័យ។ ប៉ុន្តែប្រសិនបើអ្នក សួរតែសំណួររបៀបសង្ស័យក្នុង chat នោះ សង្សាររបស់អ្នកនឹងមានអារម្មណ៍មិនល្អ ហើយលើកក្រោយគេគ្រាន់តែឃើញ chat របស់អ្នក គេក៏លែងចង់បើកមើលតែម្តង៕
ចុចអាន៖ មកយល់អត្ថន័យពាក្យកាត់ពេញនិយម ៣៥ពាក្យ កុំឲ្យក្រញាញ់ខួរពេល Chat
៨យ៉ាងគួរដឹង កុំឱ្យមានបញ្ហា ពេលលេងបណ្ដាញសង្គម