ផលវិបាកនៅពេលដែលអ្នកលង់ស្នេហ៍លើមិត្តភ័ក្ដិខ្លួនឯង

2017-06-23 07:26:08
ចំនួនមតិ 0 | ចំនួនចែករំលែក 0

ការស្រឡាញ់មនុស្សម្នាក់មិនខុសទេ ព្រោះវាជារឿងធម្មជាតិ តែអ្វីដែលសំខាន់នោះ អ្នកស្រឡាញ់នរណា? បើអ្នកស្រឡាញ់មនុស្សដែលមិនគួរស្រឡាញ់វាក៏ពិបាកដែរ ហើយជាពិសេសមិត្តភ័ក្ដិខ្លួនឯងតែម្ដង ព្រោះវាអាចមានផលលំបាកដូចជា៖

១. អ្នកពិបាកនឹងសារភាព ៖ ពិបាកហាមាត់អត់នៅពេលដែលម្នាក់នោះជាមិត្តរបស់យើង? ស៊ូស្រឡាញ់អ្នកផ្សេងព្រោះពេលដែលប្រាប់គេ ក៏មិនមានអារម្មណ៍ទើសទាល់ដូចមិត្តភ័ក្ដិខ្លួនឯងដែរ។

រូបតំណាង

**២. គ្មានអ្វីជាអាថ៌កំបាំង ៖** ពេលនៅជាមិត្តភ័ក្ដិពេលមិនសប្បាយចិត្ត ពេលមានរឿងអីក៏ប្រាប់គ្នា ដូច្នេះអ្វីក៏ដឹងពីគ្នា អ្វីក៏យល់ពីគ្នា។

៣.ម្ខាងទៀតពិបាកនឹងទទួលយក ៖ វាពិតជាមិនទម្លាប់នោះទេនៅពេលដែលមិត្តស្និទ្ធស្នាល ហើយមកជាគូស្នេហ៍នោះ ដូច្នេះពេលខ្លះសុខចិត្តមិនឲ្យមានរឿងនោះកើតឡើងតែម្ដងទោះបីគេអាចមានចិត្តខ្លះក៏ដោយ។

៤. ពិបាកនឹងមើលមុខគ្នា ៖ ពេលដែលមានបញ្ហាអីកើតឡើងប្រហែលជាមិត្តភាពនោះលែងដូចមុនហើយ អ្នកអាចនឹងលែងនិយាយជាមួយគាត់បើគាត់បដិសេធអ្នក។ ម្យ៉ាងទៀតពេលដែលក្លាយជាស្នេហាហើយ បែកបាក់គ្នាវិញក៏មិនអាចងាយស្រួលរាប់អានគ្នាវិញដែរ។

រូបតំណាង

៥. បាត់បង់មិត្តដែលយល់ចិត្តម្នាក់ ៖ ពេលដែលមានរឿងកើតឡើង ប្រហែលជាអ្នកមានអារម្មណ៍ថាស្ដាយក្រោយនៅពេលដែលស្រឡាញ់មិត្តភ័ក្ដិខ្លួនឯង ព្រោះពេលដែលនៅជាមិត្តអ្នកអាចមានមនុស្សម្នាក់នៅក្បែរអ្នក ហើយចាំស្ដាប់អ្នក មិនដូចពេលនេះ ពិបាកចិត្តរៀងខ្លួន៕