មិនបាច់សន្យាថាស្រលាញ់រហូតទេ សូមតែស្រលាញ់ឲ្យអស់ពីចិត្តគឺគ្រប់គ្រាន់ហើយ

2017-06-23 04:54:10
ចំនួនមតិ 0 | ចំនួនចែករំលែក 0

អំឡុងពេលដែលយើងនៅក្បែរគ្នាគឺខ្លីខ្លាំងណាស់ ហើយក៏គ្មានអ្នកណាដឹងដែរថាថ្ងៃស្អែក ឬខានស្អែកយើងនឹងបែកគ្នានេះដែរ។ តែខ្ញុំគ្រាន់តែចង់រក្សាអនុស្សាវរីយ៍នេះនៅក្នុងដៃជាយូរអង្វែង ដើម្បីថ្ងៃក្រោយអាចនិយាយថា៖ ខ្ញុំធ្លាប់ស្រលាញ់មនុស្សម្នាក់ដល់ថ្នាក់នេះ។

បងជួបខ្ញុំនៅពេលដែលយើងទាំងពីរមិនមែនជាក្មេងទៀត នៅពេលដែលបងធ្លាប់ឆ្លងកាត់អស់ហើយនូវទុក្ខលំបាកនៅក្នុងជីវិត ហើយនៅពេលដែលខ្ញុំបានភ្លក់រសជាតិជូរចត់នូវការបែកបាក់ស្នេហាវ័យក្មេង។ បងឈានជើងចូលក្នុងជីវិតខ្ញុំដោយថ្នមៗ រហូតដល់ថ្ងៃមួយខ្ញុំដឹងថា ខ្ញុំមិនអាចរស់នៅដោយគ្មានបង។

រូបតំណាង

មួយថ្ងៃមិនបានជួបបង ធ្វើឲ្យខ្ញុំនៅមិនស្ងប់។ ខ្ញុំឲ្យតម្លៃរាល់វិនាទីដែលនៅក្បែរបង និងភ័យខ្លាចរៀងរាល់ពេលយើងឈ្លោះគ្នា។ ខ្ញុំខ្លាចបាត់បង បងក៏ខ្លាចបាត់ខ្ញុំ ពួកយើងរស់នៅដោយសុភមង្គលតែខ្លាចក្រែងតែថ្ងៃណាមួយនឹងបាត់ភាគីម្ខាងទៀត។

ជីវិតមនុស្សមិនទៀង ហើយពួកយើងក៏មិនអាចដឹងដែរថាថ្ងៃណាយើងនឹងបែកគ្នា។ ដូចនេះហើយពាក្យថាស្រលាញ់ជានិរន្ត ឬស្រលាញ់អស់មួយជីវិតហាក់ដូចជាស្ដួចស្ដើងខ្លាំងណាស់ យើងមិនទាំងដឹងថាថ្ងៃស្អែកនឹងមានអ្វីកើតឡើងផង ម៉េចក៏ហ៊ាននិយាយដល់ថ្នាក់នេះ? ដូចនេះ សូមស្រលាញ់ឲ្យអស់ពីចិត្តនាពេលបច្ចុប្បន្នគឺគ្រប់គ្រាន់សម្រាប់ខ្ញុំហើយ៕

ប្រភព៖ Guu ប្រែសម្រួលៈ Caramel