មិនត្រឹមយកធ្វើម្ហូបឆ្ងាញ់ បន្លែ៤មុខនេះ អាចប្រឆាំងជំងឺមហារីកបាន
- 2019-08-08 11:30:00
- ចំនួនមតិ 0 | ចំនួនចែករំលែក 0
មិនត្រឹមយកធ្វើម្ហូបឆ្ងាញ់ បន្លែ៤មុខនេះ អាចប្រឆាំងជំងឺមហារីកបាន
អ្នកប្រាកដជាភ្ញាក់ផ្អើល ដោយសារបន្លែ៤មុខនេះ មិនត្រឹមយកធ្វើម្ហូបមានឱជារសឈ្ងុយឆ្ងាញ់ទេ ថែមទាំងជាឱសថការពារជំងឺមហារីកទៀតផង។
១. ស្ពៃក្ដោប
អ្នកប្រហែលគិតថាស្ពៃក្ដោបគ្រាន់ជាបន្លែដែលគេទុកសម្រាប់ធ្វើម្ហូបប៉ុណ្ណោះ តែតាមពិតវាជាបន្លែមួយក្នុងចំណោមបន្លែទាំង១០មុខ អាចបង្ការមហារីកបានយ៉ាងល្អ។ ញ៉ាំស្ពៃក្ដោបកាន់តែច្រើន អាចកាត់បន្ថយជំងឺមហារីក និងជួយបង្កើនភាពស៊ាំដល់រាងកាយ។ បន្លែនេះពិតជាមានគុណសម្បត្តិច្រើនមហាសាល រីឯតម្លៃវិញក៏មិនសូវថ្លៃដែរ។
២. ស្ពៃប្រូខូលី
អ្នកគួរបរិភោគស្ពៃប្រូខូលីឲ្យបានច្រើន ដោយសារវាផ្ទុកជីវជាតិ Glucosinolate ដែលជួយប្រយុទ្ធប្រឆាំងជំងឺមហារីកយ៉ាងមានប្រសិទ្ធភាព។ លើសពីនេះ វាក៏ផ្ទុកយ៉ាងច្រើននូវជីវជាតិ glucoraphanin, gluconasturtian និង glucobrassicin ជាបណ្ដុំក្រុមដែលមានសមត្ថភាពបន្សុទ្ធជាតិពុលយ៉ាងល្អក្នុងរាងកាយ។ តាមការសិក្សាបង្ហាញថា ទទួលទានស្ពៃប្រូខូលី១០០ក្រាមជាប្រចាំ កាត់បន្ថយមហារីកសួតនិងប្រូស្តាតបាន។ មួយវិញទៀត ការពារពីជំងឺមហារីកក្រពះ និងបំពង់អាហារបានយ៉ាងប្រសើរទៀតផង។
៣. បន្លែភ្លៅកង្កែប (Celery)
បន្លែនេះពេញនិយមបំផុតសម្រាប់មនុស្សជាច្រើន ពិសេសពេលហូបនំបញ្ចុក។ គុណសម្បត្តិគឺរារាំងបាក់តេរីនៅក្នុងពោះវៀន ពង្រឹងចលនាពោះវៀន កាត់បន្ថយសារធាតុដែលប៉ះពាល់ដល់ស្រទាប់ពោះវៀនធំ និងការពារមិនឲ្យកើតមហារីកលើពោះវៀនធំផងដែរ។
៤. ប៉េងប៉ោះ
បន្លែមួយមុខនេះផ្ទុកសារជាតិលីកូពីនយ៉ាងច្រើន ព្រមទាំងអង់ទីអុកស៊ីដង់ដែលមានឥទ្ធិពលក្នុងការទប់ស្កាត់មហារីក។ ម្យ៉ាងទៀត ប្រឆាំងនឹងការកកើតកំណកឈាមក្នុងសរសៃឈាមនិងបន្សាបរ៉ាឌីកាល់សេរីក្នុងខ្លួនបានថែមទៀត។ បន្ថែមពីនេះ ប៉េងប៉ោះជួយការពារមិនឲ្យកើតមហារីកក្រពះ និងពោះវៀន មហារីកសុដន់ រួមទាំងក្រពេញប្រូស្តាតយ៉ាងមានប្រសិទ្ធភាព៕
ចុចអាន៖ ៩យ៉ាង ហាមធ្វើដាច់ខាតក្រោយបាយថ្ងៃត្រង់រួច