ដេកស្ពឹកក្រងើបពេក រាងកាយងាយនឹងជួបគ្រោះថ្នាក់ពីជំងឺ ៤ យ៉ាងនេះ

2019-06-06 10:00:00
ចំនួនមតិ 0 | ចំនួនចែករំលែក 0

រាងកាយមនុស្សយើងត្រូវការ ការគេងឲ្យបានគ្រប់គ្រាន់ជាចាំបាច់ ប៉ុន្តែកុំភ្លេចថា បើអ្នកដេកយូរម៉ោងពេក អាចបណ្តាលមកពីកត្តាច្រើនយ៉ាងដូចជា ស្រ្តេស គិតខ្វល់ខ្វាយច្រើនលើសកម្រិត ជាហេតុធ្វើឲ្យអ្នកដេកជ្រុល។ យ៉ាងណាក្តី បើអ្នកឧស្សាហ៍មានទម្លាប់ដេកស្ពឹកក្រងើបបែបនេះ សុខភាពងាយនឹងរងគ្រោះថ្នាក់ធំៗ ៤ យ៉ាង។

១. រាងកាយងាយនឹងរងជំងឹផ្សេងៗ

ឧស្សាហ៍ដេកខកម៉ោងជាប្រចាំ ឬ គេងមិនគ្រប់គ្រាន់ រាងកាយនឹងទន់ខ្សោយពិបាកក្រោក ងាយចម្លងជំងឺផ្សេងៗចូលក្នុងខ្លួន ដូចជាជំងឺបេះដូង និងជំងឺលើសឈាមជាដើម។

២. ឡើងគីឡូ

វាជារឿងមួយដែលគួរឲ្យខ្លាច ព្រោះដេកយូរពេក អ្នកនឹងឡើងទម្ងន់ដោយមិនដឹងខ្លួន។ ដេកកាន់តែយូរអ្នកកាន់តែឃ្លាន។ ប្រសិនបើអ្នកក្រចូលគេងទៀត អ្នកច្បាស់ជាញ៉ាំអាហារលើសពី៤ដងក្នុងមួយថ្ងៃ ដោយមិនរាប់បញ្ចូលពីចំណីខាងក្រៅផ្សេងៗទៀតនោះទេ។ នេះហើយដែលជាហេតុធ្វើឲ្យរាងកាយធាត់អាក្រក់មើល ថែមទាំងប៉ះពាល់សុខភាពទៀត។

៣. អារម្មណ៍មិននឹងនរ

នរណាក៏ដោយ បើដេកយូរៗពេក នឹងបង្កផលប៉ះពាល់ដល់ផ្លូវអារម្មណ៍ធ្ងន់ធ្ងរ។ មិនតែប៉ុណ្ណោះ នៅពេលថ្ងៃ ផ្លូវចិត្តក៏អាចខុសប្រក្រតីបានដែរ ដោយសារតែរោគសញ្ញានៃជំងឺ ADHD (មិនអាចផ្ចង់អារម្មណ៍និងយកចិត្តទុកដាក់លើកិច្ចការអ្វីមួយ)។ លើសពីនេះទៅទៀត ពេលអនាគត អ្នកក៏ងាយនឹងជំងឺអាល់ហ្សៃមឺរ (Alzheimer) ដែលជាជំងឺធ្វើឲ្យ ការចងចាំ ការគិត និងអាកប្បកិរិយាចុះអន់ថយខុសធម្មតា។

៤. ឆាប់ស្លាប់

សម្រាប់អ្នកដែលចូលគេងខកម៉ោង គេងយូរពេក គេងមិនទៀងទាត់ អ្នកអាចប្រឈមនឹងហានិភ័យចំពោះរាងកាយខ្លាំងណាស់។ តាមការសិក្សាបានបង្ហាញថា អ្នកដែលគេងមិនទៀងទាត់ ឬមិនបានគ្រប់គ្រាន់ ងាយនឹងបាត់បង់ជីវិតជាងមនុស្សទូទៅ។

ខាងក្រោមជាគន្លឹះជួយឲ្យអ្នកគេងស្កប់ស្កល់និងត្រឹមត្រូវ៖

កុំញ៉ាំច្រើនពេក ពិសេសមុនពេលចូលគេង ពុំដូច្នោះទេរាងកាយនឹងត្រូវធ្វើការមិនបានសម្រាកឡើយ។
ដាច់ខាតកុំផឹកកាហ្វេ ឬភេសជ្ជៈណាមានកាហ្វេអ៊ីន ដែលអាចរំខានដល់ដំណេករបស់អ្នក។
លេងកីឡាឬហាត់ប្រាណ ឲ្យបាន៣០នាទី ទោះមិនបានរាល់ថ្ងៃ យ៉ាងហោចណាស់បាន២-៣ដងក្នុងមួយសប្តាហ៍។
អាចសៀវភៅល្អៗ មុនពេលចូលគេង។
ព្យាយាមចូលគេងឲ្យបានលឿនតាមដែលអាចធ្វើទៅបាន ដាច់ខាតកុំលេងទូរសព្ទឲ្យសោះ។
បិទភ្លើងឲ្យងងឹតស្លុប គេងលើកម្រាលពូកមានសាច់ទន់ មានផាសុកភាព អ្នកនឹងគេងលក់ស្រួល លែងបំផ្លាញសុខភាពខ្លួនឯងទៀតហើយ៕