ត្រឹម១ម៉ោង បន្ទាប់ពីផឹកភេសជ្ជៈទាំងនេះ រាងកាយនឹងរងផលប៉ះពាល់ជាច្រើន
- 2019-03-25 07:09:09
- ចំនួនមតិ 0 | ចំនួនចែករំលែក 0
ត្រឹម១ម៉ោង បន្ទាប់ពីផឹកភេសជ្ជៈទាំងនេះ រាងកាយនឹងរងផលប៉ះពាល់ជាច្រើន
ភេសជ្ជៈកំប៉ុងដែលមានរសជាតិផ្អែម និងមានជាតិហ្គាស៍ គឺជាទីពេញនិយមសម្រាប់មនុស្សភាគច្រើន។ ដោយសារតែ បន្ទាប់ពីផឹកចូលពោះហើយ វាអាចជួយឲ្យអ្នកមានអារម្មណ៍ស្រស់ស្រាយ ភ្លឺស្វាង និងកាត់បន្ថយភាពនឿយហត់ ទើបបានជាអ្នកនឹកឃើញចង់ផឹកជានិច្ចជាកាល ទាំងមិនបានគិតពីផលប៉ះពាល់ធ្ងន់ធ្ងរ។
ប្រសិនបើអ្នកចូលចិត្តផឹកភេសជ្ជៈទាំងនេះញឹកញាប់ វានឹងបណ្តាលឲ្យធ្មេញពុក លើសទម្ងន់ និងបង្កទៅជាជំងឺផ្សេងៗទៀតដែលនឹកស្មានមិនដល់។ តើអ្នកដឹងទេថា ត្រឹម១ម៉ោងប៉ុណ្ណោះ បន្ទាប់ពីផឹកភេសជ្ជៈកំប៉ុងអស់ទាំងនេះ រាងកាយរបស់អ្នកបានទទួលរងគ្រោះថ្នាក់អ្វីខ្លះទៅ?
ក្នុងរយៈពេល ១០ នាទី
ផឹកមួយកំប៉ុង ឬមួយដប ស្មើនឹងញ៉ាំស្ករ ១០ ព្រាបាយចូលក្នុងខ្លួន ប៉ុន្តែអ្នកមិនដឹងទេថាវាផ្អែមដល់កម្រិតនេះ ដោយសារតែគេបានដាក់បញ្ចូលអាស៊ីតផូស្វ័រ ដើម្បីកាត់ជាតិផ្អែម និងធ្វើឲ្យអ្នកបន្តផឹកដោយមិនដឹងខ្លួន។
ក្នុងរយៈពេល ២០ នាទី
កម្រិតជាតិស្ករក្នុងរាងកាយនឹងកើនឡើង។ រាងកាយបញ្ចេញអាំងស៊ុយលីនភ្លាមៗ ចំណែកឯថ្លើមវិញបានបម្លែងជាតិស្ករទៅជាខ្លាញ់ រីករាលដាលពេញសារពាង្គកាយ។
ក្នុងរយៈពេល ៤០ នាទី
ជាតិកាហ្វេអ៊ីនជ្រាបចូល កែវភ្នែករបស់អ្នកនឹងរីកធំ កម្រិតសម្ពាធនៃរាងកាយក៏កើនឡើងជាងមុន។ ថ្លើមបញ្ជូនជាតិស្ករទៅកាន់សរសៃឈាម។ រាំងស្ទះដំណើរការខួរក្បាល ធ្វើឲ្យអ្នកមិនងងុយគេង។
ក្នុងរយៈពេល ៤៥ នាទី
ខួរក្បាលបង្កើនល្បឿនក្នុងការបង្កើតកោសិកាសរសៃប្រសាទ ធ្វើឲ្យអ្នកមានអារម្មណ៍ស្រស់ថ្លាជាងមុន។
ក្នុងរយៈពេល ១ ម៉ោងពេញ
អាស៊ីដផូស្វ័រ បានចូលទៅលាយឡំគ្នាជាមួយកាល់ស្យូម ម៉ាញេសូម និងស័ង្កសីក្នុងពោះវៀន បណ្ដាលឲ្យជាតិស្ករកើតឡើងកាន់តែខ្ពស់ ហើយជាតិកាហ្វេអ៊ីនធ្វើឲ្យអ្នកនោមញឹក។ ជាពិសេស អ្នកបានបាត់បង់កាល់ស្យូម ម៉ាញេសូម និងស័ង្កសី ដែលសុទ្ធសឹងតែជាសារធាតុសំខាន់សម្រាប់ឆ្អឹង បូករួមនឹងការ បាត់បង់សូដ្យូម អេឡិចត្រូលីត និងជាតិទឹកទៀតផង។
បន្ទាប់ពីដំណើរការ១ម៉ោងនេះបានបញ្ចប់ រាងកាយប្រមូលផ្ដុំដោយជាតិស្ករ ហើយអ្នកច្បាស់ជាមានអារម្មណ៍ថាអស់កម្លាំងពីក្នុងខ្លួន និងចង់ផឹកវាបន្ថែមទៀត។
កាន់តែផឹក វាកាន់តែប៉ះពាល់ដល់សុខភាពរបស់អ្នក ដូចជាឡើងសម្ពាធឈាម ទឹកនោមផ្អែម លើសទម្ងន់...។ ហេតុនេះ កុំឧស្សាហ៍ផឹកភេសជ្ជៈដែលមានជាតិកាបូនច្រើនពេក ត្រូវផឹកទឹកធម្មតាឲ្យបានច្រើន ទើបអាចជៀសផុតនិងការពារអ្នកពីជំងឺផ្សេងៗ៕
ចុចអានបន្ត៖
ចែករំលែកវិធីត្រាំស្រាផ្លែឈើ សម្រាប់អ្នកដែលចូលចិត្តបែបបុរាណ
ពេលមានផ្ទៃពោះអ្នកម្ដាយគិតថាធ្វើរឿង ៨ យ៉ាងនេះល្អ តែការពិតប៉ះពាល់ដល់ទារកខ្លាំងណាស់