មិនមែនមិនចង់រៀបការទេ តែព្រោះហេតុផល ៥ យ៉ាងនេះ ទើបធ្វើឲ្យស្រីៗគ្មានគូគាប់
- 2018-12-04 03:30:00
- ចំនួនមតិ 0 | ចំនួនចែករំលែក 0
មិនមែនមិនចង់រៀបការទេ តែព្រោះហេតុផល ៥ យ៉ាងនេះ ទើបធ្វើឲ្យស្រីៗគ្មានគូគាប់
កើតមកមួយជាតិដូចគ្នា គ្មាននារីណាម្នាក់មិនចង់មានគូគាប់ទ្រនាប់ចិត្តឡើយ។ តែព្រោះរឿង ៥ យ៉ាងនេះទើបធ្វើឲ្យមនុស្សស្រីជាច្រើនបន្តរស់នៅម្នាក់ឯង បើទោះដឹងថាវាឯកាក៏ដោយ។
១.មិនអាចរកបុរសដែលត្រូវចិត្ត
ពេលមានស្នេហា ស្រីៗគ្រាន់តែចង់បានទំនាក់ទំនងមួយដែលមានភាពច្បាស់លាស់ គេជាសុភាពបុរស ហើយសំខាន់ត្រូវចិត្តខ្លួនឯង។ ប៉ុន្តែបែរជាមិនអាចរកឃើញមនុស្សប្រុសល្អម្នាក់ដូចចិត្ត មានតែទ្រាំរស់នៅម្នាក់ឯងវិញ ទើបចង់គ្រាំគ្រាចិត្ត។
**២.បុរសមកសុំស្នេហ៍ច្រើនណាស់ ប៉ុន្តែចិត្តមិនស្មោះ**
ពេលស្រលាញ់គ្នានារីៗមិនចង់បានបុរសណាដែលល្អឥតខ្ចោះឡើយ សុំត្រឹមតែមានចិត្តស្មោះមួយនិងមួយទៅបានហើយ តែបែរជារកមិនបាន។ ស្រលាញ់ប្រុសដែលមានចិត្តសាវា គឺមានតែធ្វើឲ្យផ្លូវចិត្តទទួលរងទារុណកម្មប៉ុណ្ណោះ។
៣.ស្រលាញ់សេរីភាពខ្លាំងពេក
មនុស្សដែលធ្លាប់តែរស់នៅបែបឯករាជ្យ មិនចូលចិត្តឲ្យអ្នកដទៃមិនចេះដឹងរឿងផ្ទាល់ខ្លួន ច្រើនតែមិនចង់មានស្នេហា។ ពួកគេគិតថា ការមានដៃគូអាចធ្វើឲ្យខ្លួនលែងមានសេរីភាពដូចកាលខ្លួនមួយ ហើយពេលចង់ទៅណាមកណា ទិញអ្វី ឬការស្លៀកពាក់ជាដើមសុទ្ធតែសួរម្ខាងទៀត។
៤.មិនទាន់មានលំនឹង
មិនមែនតែបុរសទេដែលគិតពីចំណុចនេះ មនុស្សស្រីក៏ផ្ដោតសំខាន់ត្រង់ចំណុចនេះដូចគ្នា។ ស្រ្តីតែងគិតថា ខ្លួនគ្មានអ្វីសេសសល់ ឬមានការងារ/មុខរបរជាក់លាក់ ដូចនេះមិនទាន់ចង់មានស្នេហា ព្រោះតែមិនចង់ពឹងពាក់ខាងដៃគូទាំងស្រុង។
៥.គ្មានអ្នកយល់ចិត្ត
ស្រលាញ់គ្នាទាល់តែចេះយល់ចិត្ត តែបើប៉ះចំបុរសដែលមិនមែនចំណុចនេះ ទើបធ្វើឲ្យមនុស្សស្រីមិនចង់មានគូ៕
ចុចអាន៖ស្រីៗឥឡូវមិនចង់រៀបការ ព្រោះតែហេតុផល ៦ យ៉ាងនេះ