អ្នកទាបៗអាចលូតកម្ពស់បាន ដោយវិធីហាត់ប្រាណងាយៗទាំងនេះ

2018-11-05 02:28:51
ចំនួនមតិ 0 | ចំនួនចែករំលែក 0

តើអ្នកកំពុងតែចង់ខ្ពស់ជាងមុនណាស់មែនអត់? កុំបារម្ភអី អ្នកនឹងអាចសម្រេចដូចបំណង ឲ្យតែព្យាយាម ធ្វើតាមរបៀបហាត់ប្រាណដែលបានណែនាំដូចខាងក្រោមនេះឲ្យបានខ្ជាប់ខ្ជួន។ វាមិនត្រឹមតែ ជួយពន្លូតកម្ពស់របស់អ្នកនោះទេ ហើយថែមទាំងអាច ជួយតម្រង់ឆ្អឹងខ្នងថែមទៀតផង។

១#

រាល់ព្រឹកពេលក្រោកឡើងអ្នកគួរហាត់ប្រាណតាមរបៀបនេះ ដោយឈរលើកដៃទាំងពីរឲ្យត្រង់ឡើងស្របនឹងដងខ្លួន ហើយឱនចុះដោយយកចុងម្រាមដៃឲ្យប៉ះនឹងម្រាមជើង ធ្វើចុះឡើងយ៉ាងហោចឲ្យបាន ៥ ទៅ ៦ ដង។

២#

គេងនៅលើកម្រាល ហើយងើបតែដងខ្លួនឡើង ដោយដាក់ដៃឲ្យត្រង់ ដើម្បីទប់លំនឹង បញ្ឈរជង្គង់ឡើង និងមិនត្រូវឲ្យកែងជើងហើបផុតពីដី។ ធ្វើបែបនេះចុះឡើងពី ១០ ទៅ ២០ ដង។

៣#

ដំបូងត្រូវក្រាបខ្លួនទៅលើកម្រាល បន្ទាប់មកយកដៃទាំងពីរច្រត់ ព្យាយាមងើបទ្រូងឡើង បន្ទន់ចង្កេះបន្តិច ហើយងើយក្បាល ភ្នែកសម្លឹងទៅមុខត្រង់។ ធ្វើបែបនេះឲ្យជាប់ក្នុងរយៈពេល ៣០ វិនាទី រួចអ្នកអាចសម្រួលឥរិយាបថបាន។

៤#

សម្រាប់លំហាត់ប្រាណនេះដែរ វាមានប្រសិទ្ធភាពប្រសិនបើអ្នកធ្វើ នៅមុនពេលចូលគេង។ ដំបូងត្រូវយកដៃទាំងពីរច្រតចង្កេះ ហើយបញ្ឈរជើងម្ខាងទៅខាងមុខ ឯជើងម្ខាងទៀតបោះជំហានទៅខាងក្រោយ។ ធ្វើបែបនេះ ដោយផ្លាស់ប្តូរជើងទាំងសងខាងឲ្យបានពី ១៥ ទៅ ៣០ វិនាទី។

សម្គាល់

បើអ្នកចង់ឆាប់ទទួលបានលទ្ធផល គួរបន្ថែមជាមួយឧបករណ៍មួយនេះ ដែលអាចធ្វើបាននៅកន្លែងហាត់ប្រាណនានា។

មួយវិញទៀត កុំភ្លេចឆ្លៀតពេលទៅហែលទឹក ទោះបីជាមិនបានរាល់ថ្ងៃក៏ដោយ យ៉ាងហោចណាស់ឲ្យបាន ពី ២ ទៅ ៣ ដង ក្នុងមួយសប្តាហ៍ ព្រោះការហែលទឹកមានប្រសិទ្ធភាពខ្ពស់បំផុត ក្នុងការពន្លូតកម្ពស់ និងជួយឲ្យមានរាងស្អាត។

ទន្ទឹមជាមួយនឹងការហាត់ប្រាណ អ្នកគួរព្យាយាមញ៉ាំអាហារណា ដែលជួយឲ្យមានសុខភាព និងជំរុញឆ្អឹងឲ្យលូតលាស់បានល្អមានដូចជា សាច់ត្រី សាច់សត្វ គ្រាប់សណ្តែកខៀវ និងគ្រាប់ធញ្ញជាតិផ្សេងៗ។ ជាពិសេសត្រូវញ៉ាំអាហារណា ដែលសម្បូរជាតិវីតាមីន D កាល់ស្យូម ដូចជា ពងមាន់ ទឹកដោះគោជាដើម។