ល្ពៅ​គឺ​ជា​​ប្រភព​ដ៏​ល្អ​នៃ​វីតាមីន E (Alpha Tocopherol), Thiamin, Niacin, វីតាមីន B6, Folate, ជាតិ​ដែក ម៉ាញេស្យូម និង​ផូស្វ័រ ហើយ​ក៏​ជា​ប្រភព​ដ៏​ល្អ​នៃ​​កា​ក​សរសៃ វីតាមីន A, វីតាមីន C, Riboflavin, ប៉ូតាស្យូម និង​ម៉ង់កាណែស។

សម្រាប់​ប្រិយមិត្ត​ដែល​កំពុង​ស្វែង​រក​អាហារ​ដែល​អាច​ធ្វើ​ឲ្យ​ខ្លួន​ឡើង​គីឡូ​បាន​លឿន កញ្ញា​សូម​ណែនាំ​នូវ​ភេសជ្ជៈ​មួយ​មុខ​គឺ ល្ពៅ​ក្រឡុក​ទឹក​ដោះ​គោ ដែល​មិន​ត្រឹម​តែ​មាន​រស​ជាតិ​​ឆ្ងាញ់​ប៉ុណ្ណោះ​ទេ ប៉ុន្តែ​វា​ក៏​សម្បូរ​ទៅ​ដោយ​សារធាតុ​ចិញ្ចឹម​ល្អ​ៗ​ជា​ច្រើន​ ហើយ​ក៏​​ងាយ​ស្រួល​ធ្វើ​ដែរ។

គ្រឿង​ផ្សំ​ដែល​ត្រូវ​ការ​នោះ​គឺ​មាន​ដូច​ជា៖ ល្ពៅ ១គីឡូ ទឹក​ដោះ​គោ​ខាប់ ៩៥មីលីលីត្រ និង​ទឹក​ដោះ​គោ​ស្រស់ ២០០មីលីលីត្រ។

វិធី​ធ្វើ​៖

ជំហាន​ទី​១៖ ចិត​សម្បក​ល្ពៅ និង​កាត់​ជា​ចំណិត​តូច​ៗ។

ជំហាន​ទី​២៖ ដាក់​ល្ពៅ​ចំហុយ​ចំនួន ១៥នាទី។

ជំហាន​ទី​៣៖ ចាក់​ល្ពៅ​ដែល​ចំហុយ​រួច ទឹក​ដោះ​គោ​ខាប់ និង​ទឹក​ដោះ​គោ​ស្រស់​ ចូល​ក្នុង​ម៉ាស៊ីន​ក្រឡុក ហើយ​កិន​ក្រឡុក​ចំនួន ៣នាទី។

ជំហាន​ទី​៤៖ ចាក់​ចូល​កែវ ឬ​ដប​ទុក​ទទួលទាន​បាន។ ទស្សនា​វីដេអូ​ខាង​ក្រោម​នេះ៖  

ចុចអាន៖

• ​​​​​​​​​វិធី​​សាស្រ្ត​​ការពារ​​ជំងឺ​​មហារីក​ ដែល​​​​អ្នក​​​គួរ​​យក​​ចិត្ត​​​ទុក​​ដាក់​​បំផុត

• អ្នក​ផឹក​​ច្រើន​ប្រយ័ត្ន! អវយវៈ ១០​អាច​​ត្រូវ​បំផ្លាញ​ខ្ទេច ដោយ​ការ​ផឹក​គ្រឿង​ស្រវឹង