ចំណាយត្រឹម ២នាទីធ្វើបែបនេះរាល់ព្រឹកអាចឱ្យអ្នកអាយុវែងបាន
- 2018-08-14 04:29:26
- ចំនួនមតិ 0 | ចំនួនចែករំលែក 0
ចំណាយត្រឹម ២នាទីធ្វើបែបនេះរាល់ព្រឹកអាចឱ្យអ្នកអាយុវែងបាន
ក្នុងពេលតែមួយភ្លែតអាចផ្លាស់ប្ដូរជីវិតនិងសុខភាពរបស់អ្នកបាន តើអ្នកគួរចំណាយពេលបន្តិចនោះទេ? មានអ្នកខ្លះសុខៗក៏ស្លាប់នៅពេលគេង ដោយគ្មានជំងឺ ឬរោគសញ្ញាអ្វីសោះ។ វាអាចមកពីមូលហេតុច្រើនប្រភេទហើយក្នុងនោះក៏មានបញ្ហាក្រោកពីគេងដែរ។ ហេតុនេះហើយបើមិនចង់ឱ្យហួសពេលទេគួរតែចំណាយ២នាទីដើម្បីឱ្យសុខភាពរឹងមាំនិងអាយុវែង៖
*ជំហានទី១
នៅពេលដែលអ្នកក្រោកពីគេងអ្នកមិនគួរប្រញាប់ស្ទុះក្រោកភ្លាមៗពេលម៉ោងរោទ៍ ឬពេលដឹងខ្លួនភ្លាមទេ។ អ្នកគួរតែបើកភ្នែកហើយសម្ងំកន្លះនាទីសិនមុនក្រោកដើម្បីឱ្យសរីរាង្គខាងក្នុងមានពេលចាប់ផ្ដើមដំណើរការ។
*ជំហានទី២
បន្ទាប់ពីសម្រាកកន្លះនាទីហើយ អ្នកកុំទាន់អាលក្រោកគួរតែងើបអង្គុយលើគ្រែកន្លះនាទីទៀតសិន។ បន្ទាប់មកយកដៃចូកសក់ទៅមក។ ក្រោយមកដាក់ដៃទាំង១០ម្រាមដាក់លើក្បាលហើយអូសពីបង្ហើយដល់កញ្ចឹងកឱ្យបាន៣ទៅ៤ដង។ ដាក់ជើងអ្នកចុះពីលើគ្រែហើយធ្វើចលនាបន្តិចនោះសាច់ដុំអ្នកនឹងត្រៀមខ្លួនដើម្បីដំណើរការ។
អត្ថប្រយោជន៍៖ បង្កើនចលនាឈាម ការផ្គត់ផ្គង់ឈាមទៅខួរក្បាលនិងផ្ដល់សារធាតុចិញ្ចឹមដល់គល់សក់ដើម្បីឱ្យសក់ភ្លឺរលោង។
ការហាត់ប្រាណនៅពេលព្រឹកជួយជំរុញមេតាបូលីស ដុតបំផ្លាញកាឡូរី និងបង្កើនថាមពលសម្រាប់សកម្មភាពប្រចាំថ្ងៃ។ប្រសិនបើអ្នកជាមនុស្សដែលត្រូវធ្វើការនៅក្នុងការិយាល័យច្រើន នេះគឺជាវិធីដ៏ល្អបំផុតហើយ។
*ជំហានទី៣
ជាចុងក្រោយអ្នកគួរតែអង្គុយខ្លួនឱ្យត្រង់ហើយដកដង្ហើមឱ្យវែងៗរួចសឹមក្រោកតែម្តង។ មនុស្សភាគច្រើនមិនបានចាប់អារម្មណ៍រឿងក្រោកពីគេងនោះទេ ពោលគឺប្រញាប់ប្រញាល់ក្រោកដោយមិនបានគិតពីផលវិបាកទេ៕
ចុចអាន៖
ទម្លាប់ពេលព្រឹក៦យ៉ាងដែលធ្វើឱ្យអ្នកឡើងទម្ងន់លើសដើម
ចំណាយ ៣នាទីមុនពេលគេងក៏អាចជើងតូចបានដែរជាមួយក្បាច់ហាត់ប្រាណទាំងនេះ