មនុស្សស្រីស្រឡាញ់គ្មានស្ដាយចិត្តទេ បើសង្សារធ្វើរឿងតូចៗ ៩យ៉ាងនេះបាន

2018-07-30 08:10:22
ចំនួនមតិ 0 | ចំនួនចែករំលែក 0

មនុស្សស្រីមិនមែនពិបាកយល់នោះទេ ប៉ុន្តែមកពីមនុស្សប្រុសខ្លះមិនចង់យល់តែប៉ុណ្ណោះ។ មិនបាច់និយាយដល់រឿងធំដុំ ៩ចំណុចសាមញ្ញៗខាងក្រោមនេះគឺជាអ្វីដែលមនុស្សស្រីចង់បានពីដៃគូស្នេហារបស់នាង។

រូបតំណាង

**១. យល់ចិត្ត**

ព្រោះមនុស្សស្រីក្នុងមួយនាទីអាចមានដល់ ១០០អារម្មណ៍ ជាពិសេសនៅពេលមានរដូវសូមកុំធ្វើឲ្យនាងអាក់អន់ចិត្ត ឬខូចអារម្មណ៍។ បុរសណាអាចធ្វើបានចំណុចនេះគឺជាទេវបុត្តរបស់នាងតែម្ដង។

២. កុំធុញទ្រាន់

ដែលនាងផ្ញើសារទៅញឹកញាប់ ដែលនាងចូលចិត្តទូរសព្ទទៅ ដែលនាងចូលចិត្តសួរច្រើន។ បើមិនព្រោះតែស្រឡាញ់ នាងមិនធ្វើរឿងទាំងនេះទេ។

៣. និយាយផ្អែមខ្លះ

បងបារម្ភណា

ស្រឡាញ់ណា

នឹកណា

ចាំចូលគេងដំណាលគ្នាណា

ដល់ផ្ទះហើយទូរសព្ទប្រាប់ផងណា

និយាយទៅ! មនុស្សស្រីភាគច្រើនឮបែបនេះដឹងតែចិត្តទន់ហើយ។

៤. ចងចាំថ្ងៃសំខាន់ៗឲ្យបានល្អ

មិនបាច់ចាំទាំងអស់ទេ គ្រាន់តែចាំបានខ្លះៗគ្រប់គ្រាន់ហើយ យ៉ាងហោចណាស់ឲ្យនាងមានអារម្មណ៍ថានាងនៅសំខាន់សម្រាប់អ្នក។

៥. មានពេលវេលាឲ្យនាងខ្លះផង

ព្រោះមនុស្សស្រីឆាប់គិតច្រើនណាស់ ១០០ទាំង១០០ គឺត្រូវការពេលវេលានៅជាមួយគូស្នេហ៍។ បើគ្មានពេលទៅរកនាងទេ នៅពេលណាទំនេរទូរសព្ទទៅលេងខ្លះក៏បាន ឆាតទៅលេងខ្លះក៏បាន ដើម្បីឲ្យនាងមានអារម្មណ៍ជឿជាក់លើអ្នក។

៦. កក់ក្ដៅ ពឹងពាក់បាន

យ៉ាងហោចណាស់ក៏ធ្វើឲ្យនាងមានអារម្មណ៍ថា ពេលមានកណ្ដុរកន្លាតរត់មក អ្នកហក់ចេញពីកៅអី... រួចហើយស្រែកប្រណាំងជាមួយនាង។

៧. ហ៊ានបើកចំហពីទំនាក់ទំនង

គ្មានមនុស្សស្រីណា ចង់ស្រឡាញ់នរណាម្នាក់លួចលាក់ទេ ព្រោះវាធ្វើឲ្យនាងមានអារម្មណ៍ថាមិនស្រួល តូចចិត្ត ហើយអ្វីដែលសំខាន់ មនុស្សប្រុសដែលហ៊ាននិយាយថាខ្លួនឯងមានសង្សារហើយគឺជាមនុស្សប្រុសគួរឲ្យជឿជាក់ម្នាក់ហើយសម្រាប់នាង។

៨. ទៅណាមកណាសូមឲ្យប្រាប់

មិនមែនតាមរករឿង មិនមែនចង់ធ្វើឲ្យពិបាក មិនមែនសាំញ៉ាំ មិនមែនតាមចាប់កំហុស ប៉ុន្តែនាងចង់ដឹងក៏ព្រោះស្រឡាញ់ និងបារម្ភពីអ្នក។

៩. បញ្ឈប់ចរិតព្រានដើម្បីនាង

បើភាគីម្ខាងព្យាយាមយកចិត្តទុកដាក់ បារម្ភ និងមើលថែ ក្នុងខណៈដែលម្ខាងទៀតក្បត់ចិត្តមានអ្នកថ្មីនោះ តើអ្នកនិងនាងស្រឡាញ់គ្នាដើម្បីអ្វី បើនៅមិនទាន់បញ្ចប់ចរិតនេះបាន? ចុចអាន៖

ប្រភព៖ Understantgirl ប្រែសម្រួល៖ ស្វាយ វ៉ាន់ថន