រវាង មនុស្សដែលយើងស្រឡាញ់ និងមនុស្សដែលស្រឡាញ់យើង គួរជ្រើសរើសអ្នកណាជាគូជីវិត?

2017-12-18 06:22:00
ចំនួនមតិ 0 | ចំនួនចែករំលែក 0

នៅពេលចាប់ផ្ដើមមានស្នេហា មនុស្សគ្រប់គ្នារមែងមើលឃើញតែចំណុចល្អៗរបស់មនុស្សដែលខ្លួនស្រឡាញ់ ប៉ុន្តែនៅពេលរស់នៅជាមួយគ្នាយូរៗទៅ ធាតុពិតរបស់មនុស្សម្នាក់ៗទាំងចំណុចល្អ និងចំណុចអាក្រក់នឹងធ្លាយចេញមក រហូតធ្វើឲ្យក្ដីស្រឡាញ់ដែលធ្លាប់មានរវាងគ្នានឹងគ្នាត្រូវថយចុះបន្តិចម្ដងៗ។

ដើម្បីធ្វើឲ្យជីវិតស្នេហាគង់វង្សយូរអង្វែងបាន គឺត្រូវការអ្វីដែលលើសពីពាក្យថា “ស្រឡាញ់” នោះគឺ “ការយល់ចិត្ត” និង “ការយោគយល់” ដូច្នេះហើយ... សូមកុំជ្រើសរើសនរណាម្នាក់ដោយសារ មនុស្សម្នាក់នោះគ្រាន់តែជាមនុស្សដែលយើងស្រឡាញ់ ប៉ុន្តែសូមជ្រើសរើសនរណាម្នាក់ដែលស្រឡាញ់យើងពិតប្រាកដ នោះទើបជាជម្រើសដែលល្អបំផុត។

ព្រោះថា បើអ្នកដែលយើងជ្រើសរើសជាគូជីវិត គឺជាមនុស្សដែលស្រឡាញ់យើង នៅពេលយើងធ្វើអ្វីមួយខុសឆ្គងខ្លះ ឬពេលខ្លះយើងអាចធ្វើឲ្យគេមិនពេញចិត្តខ្លះ ប៉ុន្តែដោយសារក្ដីស្រឡាញ់ដែលគេមានចំពោះយើង គេនឹងអាចយល់ពីយើង និងអភ័យទោសឲ្យយើងជានិច្ច។

ហេតុដូច្នេះហើយ ធ្វើឲ្យពេលខ្លះមនុស្សដែលយើងស្រឡាញ់អាចនឹងមិនសក្ដិសមមករស់នៅប្រើជីវិតគូរួមគ្នាជាមួយយើងនោះទេ ព្រោះពេលខ្លះ មនុស្សដែលយើងស្រឡាញ់អាចនឹងសក្ដិសមសម្រាប់ឲ្យយើង “នឹកដល់” តែប៉ុណ្ណោះ។