៣ ដំណាក់កាល ដែលបុរសអ្នកមានមើលលើស្ត្រី មុនសម្រេចចិត្តយកជាប្រពន្ធ

2018-06-27 10:00:00
ចំនួនមតិ 0 | ចំនួនចែករំលែក 0

មនុស្សប្រុសដែលមានសមត្ថភាព និងភាពវ័យឆ្លាតគេ តែងតែគិតច្បាស់លាស់មុនសម្រេចចិត្តធ្វើអ្វីមួយ។ ការជ្រើសគូរស្រករក៏ដូចគ្ដែរនា គឺគេមើលមនុស្សស្រីចែកចេញជា ៣ដំណាក់កាលនេះ៖

១. ដំណាក់កាលដែលអាចឲ្យគេចូលចិត្ត

ដំណាក់កាលទី១ គឺដំណាក់កាលមើលថានាងមានចំណុចណាខ្លះដែលធ្វើឲ្យគេចូលចិត្ត ដូចជា៖

រូបសម្បត្តិ

ជាការពិតណាស់រឿងដំបូងដែលមនុស្សប្រុសមើលគឺរូបសម្បត្តិតែម្ដង។ មនុស្សស្រីដែលមានរូបសម្បត្តិស្អាតគឺធ្វើឲ្យគេចាប់អារម្មណ៍លើនាងកាន់តែខ្លាំង។

ទេពកោសល្យ

ក្រៅពីមើលរូបសម្បត្តិគេមើលថានាងមានទេពកោសល្យអ្វីខ្លះដែលទាក់ទាញខ្លាំងដូចជា លេងតន្ត្រី ច្រៀង គូរគំនូរ ឬសិល្បៈផ្សេងៗទៀតជាដើម។

ភាពឆ្លាតវ័យ

មនុស្សប្រុសណាក៏ស្រលាញ់ស្រីឆ្លាតដែរ ព្រោះនាងដឹងសព្វគ្រប់ហើយតែងតែយល់ការជានិច្ច ដោយចេះចាត់ចែងការងារមិនចាំបាច់ពឹងពាក់នរណា។ មនុស្សស្រីឆ្លាតយល់ពីមនុស្សប្រុសដែលខ្លួនស្រលាញ់ច្បាស់ ទើបធ្វើឲ្យខាងប្រុសមានអារម្មណ៍ល្អពេលនៅជាមួយនាង។

កំប្លែង និងចេះជួយទុក្ខធុរៈ

ភាពកំប្លែងក្រមិចក្រមើម និងការចេះជួយទុក្ខធុរៈ ធ្វើឲ្យមនុស្សប្រុសទាក់ចិត្ត ហើយចង់នៅក្បែរស្វែងយល់ពីនាងឲ្យបានច្រើន។

២. ដំណាក់កាលខាងប្រុសមើលថា នាងជាមនុស្សដែលគេត្រូវការ ឬយ៉ាងណា

ក្រោយពីការចូលចិត្តហើយនោះ មនុស្សប្រុសនឹងសង្កេតមើលអ្នកក្រៅមួយទៀត គឺថាតើអ្នកជាមនុស្សដែលគេត្រូវការ ឬទេ។ ចំណុចដែលគេត្រូវការលើមនុស្សស្រីគឺ៖

ចេះវិជ្ជាមេផ្ទះ

គេចង់បានមនុស្សស្រីដែលចេះមើលថែរក្សាខ្លួន និងគ្រួសារ ដូចច្នេះប្រុសៗត្រូវការនារីចេះធ្វើការងារផ្ទះ ដូចជាដាំស្ល បោសសម្អាតជាដើម គឺគេសរសើរ និងឲ្យតម្លៃបំផុត។

ចេះទំនាក់ទំនងខាងក្រៅ

ម៉្យាងទៀតមនុស្សប្រុសត្រូវការមនុស្សស្រីដែលចេះប្រាស្រ័យទាក់ទង ដែលអាចជាផ្លូវជោគជ័យមិនថាជាជំនួញ ឬធ្វើការងារ។

មនុស្សស្រីឯករាជ្យ

មនុស្សប្រុសត្រូវការមនុស្សស្រីឯករាជ្យ ដែលមិនចាំបាច់ពឹងពាក់គេគ្រប់រឿងនោះឡើយ។ មនុស្សដែលបង្ហាញពីភាពរឹងមាំទោះបីជួបរឿងអ្វីក៏ដោយ ធ្វើឲ្យអ្នកដទៃសរសើរស្ងប់ស្ញែង។

៣. ដំណាក់កាលទី ៣ គឺកំណាត់កាលស្រលាញ់

ក្រោយពីជាប់ដំណាក់កាលទី១ និងទី២ រួចមក ដំណាក់កាលទី៣ គឺមនុស្សប្រុសស្រលាញ់ស្រ្តីមាន ៣ចំណុចនេះនេះបន្ថែមទៀត

ស្មោះត្រង់

មិនថានាងស្អាត និងឆ្លាតប៉ុណ្ណាទេ បើមិនស្មោះត្រង់គឺគេមិនយកធ្វើប្រពន្ធឡើយ។

យល់ចិត្តគ្នា

ការចេះយល់ចិត្តគ្នាពិតជាសំខាន់ក្នុងទំនាក់ទំនងមួយ ដូច្នេះការរៀបការរួមរស់ជាមួយគ្នាត្រូវការចាំបាច់គឺការដឹងចិត្តគ្នាទៅវិញទៅមក ដើម្បីធ្វើឲ្យរស់នៅមានសុភមង្គល។

ការគោរព

មនុស្សប្រុសមិនចូលចិត្តមនុស្សស្រីសម្ដីឈ្លើយមិនចេះគោរពនោះឡើយ។ គេស្រលាញ់ស្រីៗដែលចេះគោរពគ្នា និងស្គាល់ចាស់ទុំ ហើយដឹងខុសត្រូវផងដែរ។

ភាពរឹងមាំ

មនុស្សប្រុសស្រលាញ់នារីរឹងមាំ ព្រោះទោះបីជាអត់មានគេក្នុងលោកនេះ ក៏ជឿថានាងអាចមើលថែគ្រួសារបានល្អ៕

ចុចអាន៖បុរសពិតមិនសំដៅលើសាច់ដុំ ភាពរឹងមាំទាំងនេះ ទើបជាអ្វីដែលមនុស្សស្រីប្រាថ្នា

ប្រភព៖ bestie ប្រែសម្រួល៖ Pencharm