បើមិនចង់គ្រោះថ្នាក់ខ្លាំង កុំទុកទូរសព្ទនៅកន្លែងទាំង ១០ នេះ

2018-06-19 03:08:43
ចំនួនមតិ 0 | ចំនួនចែករំលែក 0

សព្វថ្ងៃនេះមនុស្សម្នាក់ៗមានការប្រើប្រាស់ទូរសព្ទច្រើនមែនទែន មិនថានៅក្នុងបន្ទប់គេង បន្ទប់ទឹក ឬក៏នៅទីសាធារណ គឺតែងតែកាន់យកទៅតាមសឹងគ្រប់ពេល។ អ្នកដឹងទេថា កន្លែងដែលអ្នកទុកទូរសព្ទពិតជារឿងដែលត្រូវយកចិត្តទុកដាក់បំផុត ដើម្បីកុំឲ្យប៉ះពាល់ដល់សុខភាព និងយឺតពេលទម្រាំបានដឹង។ ដូច្នេះថ្ងៃនេះ កញ្ញា នឹងប្រាប់អ្នកទាំងអស់គ្នា ពីកន្លែងគ្រោះថ្នាក់ទាំងអស់នោះ ដែលអ្នកគួរជៀសវាង។

១. ហោប៉ៅខាងក្រោយ

មានហេតុផលសំខាន់ៗ ៣ ដែលអ្នកមិនគួរដាក់នៅត្រង់កន្លែងនេះ ទី១ គឺអ្នកអាចនឹងជ្រុះបាត់ឬអង្គុយលើដោយមិនខ្លួន ទី២ វាអាចបណ្ដាលឲ្យខ្នង ឬជើងអ្នកមានការឈឺចាប់ ហើយចុងក្រោយនោះ គឺបើទូរសព្ទអ្នកមិនជាប់សោ វានឹងអាចរេខលទៅគេផ្តេសផ្តាស។

២. អាវទ្រនាប់

ស្រីៗមួយចំនួន ចាត់ទុកថាកន្លែងនេះជាកន្លែងដែលស្រួលដាក់និងលឿនបំផុត ប៉ុន្តែអ្នកវិទ្យាសាស្រ្តបានធ្វើការស្រាវជ្រាវរកឃើញថា ជាតិវិទ្យុសកម្ម និងរំញ័រអាចធ្វើឲ្យកើតជំងឺមហារីក គឺមហារីកដោះតែម្តង។

៣. ដាក់នៅជិតមុខ

រាល់ពេលដែលទទួលទូរសព្ទ ត្រូវប្រាកដថាដាក់ឲ្យមានគម្លាតពី ០.៥ ទៅ ១.៥ ពីស្បែកមុខមិនត្រូវដាក់ឲ្យប៉ះផ្ទាល់ជាមួយស្បែកមុខនោះទេ ព្រោះវានឹងបញ្ចេញជាតិម៉ាញេទិច និងជាតិវិទ្យុសកម្ម ហើយនឹងបាក់តេរីផ្សេងៗ ដែលអាចធ្វើឲ្យប៉ះពាល់ដល់ស្បែក។ ហេតុដូចនេះ កុំភ្លេចជូតអេក្រង់ទូរសព្ទឲ្យបានញឹកញាប់ ពិសេសសម្រាប់អ្នកដែលចូលចិត្ត Make Up។

៤. ដាក់នៅកន្លែងអ្នកត្រជាក់ខ្លាំង

ចង់សំដៅលើប្រទេសណាត្រជាក់ខ្លាំង ឬមានធ្លាក់ព្រិល ទូរសព្ទមិនអាចទ្រាំទ្រនូវសីតុណ្ហភាពបាន ដែលធ្វើឲ្យមានគ្រោះថ្នាក់បំផុតសម្រាប់អ្នកប្រើប្រាស់។ ប៉ុន្តែសម្រាប់នៅស្រុកខ្មែរវិញ អាចនិយាយបានថាពេលអ្នកដាក់ទូរសព្ទនៅក្នុងឡានដែលមានម៉ាស៊ីនត្រជាក់ នោះវាក៏អាចបង្កគ្រោះថ្នាក់បានដូចគ្នា។ ដូច្នេះអ្នកគួរមានស្រោមទូរសព្ទទុកសម្រាប់ការពារ។

៥. នៅក្រោមខ្នើយ

ភាគច្រើនមនុស្សចុចទូរសព្ទរហូតដល់គេងលក់ និងដាក់នៅក្រោមខ្នើយដោយមិនបានដាក់នៅលើតុ ឬទីណាផ្សេងឆ្ងាយពីក្បាលដំណេក។ បែបនេះ គឺមានផលប៉ះពាល់ខ្លាំងមែនទែនចំពោះសុខភាពផ្លូវកាយ និងផ្លូវចិត្ត ព្រោះជាតិវិទ្យុសកម្មចេញពីទូរសព្ទ អាចធ្វើឲ្យអ្នកឈឺក្បាល។ ម្យ៉ាងវិញទៀត កម្តៅដែលចេញពីទូរសព្ទមិនអាចចេញទៅណារួចទេ ជាហេតុអាចបង្កគ្រោះថ្នាក់ដោយប្រការណាមួយ ដូច្នេះពេលគេងកុំទុកទូរសព្ទនៅក្រោមខ្នើយឲ្យសោះ។

៦. នៅក្នុងរទេះរុញកូនក្មេង

អ្នកម្តាយមួយចំនួនតែងទុកទូរសព្ទនៅក្នុងរទេះរុញកូនរាល់ពេលប្រញាប់ប្រញាល់ម្តងៗ ប៉ុន្តែអ្នកត្រូវចាំថា ទុកទូរសព្ទនៅជិតក្មេងតូចៗ គឺមានគ្រោះថ្នាក់បំផុតចំពោះសុខភាពរបស់ពួកគេ។

៧. កន្លែងក្តៅពេក

ជាធម្មតាទូរសព្ទបញ្ចេញកម្តៅនៅពេលសាកថ្ម ប្រសិនបើអាកាសធាតុនៅជុំវិញក្តៅខ្លាំងទៀតនោះ វាអាចនឹងផ្ទុះបាន។

៨. ទុកសាកថ្មចោលពេញមួយយប់

មិនគួរដាក់ទូរសព្ទសាកថ្មចោលពេញមួយយប់ទេ ព្រោះវាមិនអាចធ្វើឲ្យថ្មកាន់បានយូរ ថែមទាំងបន្ថែមកម្តៅដល់ទូរសព្ទទៀតផង។

៩. ជិតត្រគាក

បើអ្នកដាក់ទូរសព្ទនៅជិតត្រគាក វាអាចប៉ះពាល់ដល់គល់ភ្លៅ ដូច្នេះយល់ល្អអ្នកគួរមានកាបូបស្ពាយ។

១០. ហោប៉ៅខាងមុខ

ភាគច្រើនបុរសៗអត់សូវចូលចិត្តសាំញ៉ាំ ហើយគិតថាទុកកន្លែងហ្នឹងស្រួលហូតចុះហូតឡើងយកមកនិយាយ ប៉ុន្តែគាត់មិនបានដឹងទេថា រលកនៃអេឡិចត្រូម៉ាញ៉េទិច គឺអាចធ្វើឲ្យមេជីវិតឈ្មោលមានបញ្ហា៕