ទម្លាប់អាក្រក់ប្រចាំថ្ងៃដែលធ្វើឱ្យប៉ះពាល់ដល់សុខភាព

2018-06-12 04:44:50
ចំនួនមតិ 0 | ចំនួនចែករំលែក 0

អ្នកប្រហែលជាមិនបានដឹងពីចំណុចដែលប៉ះពាល់ដល់សុខភាពដោយសារតែទម្លាប់ប្រចាំថ្ងៃរបស់អ្នកនោះទេ។ អ្នកគិតថាទម្លាប់ទាំងនោះជាទម្លាប់ល្អ នឹងធ្វើឱ្យអ្នកមានសុខភាពល្អដូចជាការញ៉ាំបន្លែច្រើន ចិតសំបកផ្លែឈើ។ល។ទាំងនេះជាកំហុសដែលអ្នកធ្វើជាប្រចាំ ហើយគួរតែជៀសវៀង៖

១. ប្រើគ្រីមការពារកំដៅថ្ងៃច្រើនពេក

នៅក្រោមអាកាសធាតុក្តៅ ការប្រើគ្រីមការពារកំដៅថ្ងៃគឺចាំបាច់បំផុត។ ប៉ុន្តែការប្រើនោះក៏គួរតែសមស្របនិងស្បែក និងកំដៅថ្ងៃដែរ។ ការប្រើច្រើនពេកអាចធ្វើឱ្យអ្នកឡើងរោលរមាស់ទៅវិញទេ។

២. ញ៉ាំអាហារមានជាតិខ្លាញ់

កុំតមអាហារដែលមានជាតិខ្លាញ់ តែគួរតែញាំវាជាប្រចាំ។ ជាតិខ្លាញ់នោះគឺសំដៅលើសារធាតុខ្លាញ់ដែលសំខាន់សម្រាប់រាងកាយដូចជាប្រេងបន្លែ និងប្រេងអូលីវជាដើមព្រោះវាជួយដល់ការដុតបំផ្លាញកាល់ឡូរីបានច្រើនជាងប្រូតេអ៊ីនទៅទៀត។ តែអ្នកត្រូវញ៉ាំវាក្នុងបរិមាណសមល្មម។

៣. កុំញ៉ាំបន្លែច្រើនពេក

ការញ៉ាំបន្លែបៃតងជួយសម្រកទម្ងន់ និងការពារការស្ទះសរសៃឈាម។ ប៉ុន្តែការញ៉ាំបន្លែដោយមិនញ៉ាំសាច់ វាក៏មិនល្អសម្រាប់សុខភាពដែរ។ រាងកាយមនុស្សយើងត្រូវការជាតិខ្លាញ់(Cholesterol)ពីសាច់ដែលជួយការពារជំងឺមហារីក។

៤. ចិតសម្រកផ្លែឈើ

ជីវជាតិរបស់ផ្លែឈើមិនមែនមានតែនៅក្នុងសាច់ផ្លែឈើនោះទេ។ យោងទៅតាមការសិក្សា ជីវជាតិដែលជួយទ្រទ្រង់សុខភាពបេះដូងគឺមាននៅក្នុងសំបកផ្លែប៉ោម។ ប៉ុន្តែត្រូវលាងទឹកឱ្យបានស្អាត ហើយរាល់ផ្លែឈើដែលអ្នកញ៉ាំទាំងសំបកគឺគ្មានជាតិគីមី។

៥. ដាក់ម៉ោងរោទ៍ហើយក្រោកភ្លាម

នៅពេលដែលអ្នកស្ទុះក្រោកភ្លាមៗ រាងកាយអ្នកនិងសំពាធឈាមរបស់អ្នកអាចនឹងឡើងខ្ពស់ដែលធ្វើឱ្យដាច់សរសៃឈាម ឬឈឺក្បាល។

៦. ផឹកភេសជ្ជៈប៉ូវកម្លាំងច្រើនពេក

អ្នកនឹងឡើងទម្ងន់នៅពេលដែលអ្នកញ៉ាំភេសជ្ជៈប្រភេទនេះច្រើនពេក ព្រោះថាវាមានជាតិស្ករ និងកាល់ឡូរីច្រើនបំផុត។

៧. ញ៉ាំថ្នាំបំបាត់ការឈឺចាប់

ថ្នាំបំបាត់ការឈឺចាប់មានប្រសិទ្ធភាពខ្ពស់ហើយលឿនទៀត។ ប៉ុន្តែទោះបីជាយ៉ាងណាក៏ដោយ អ្នកមិនត្រូវញ៉ាំថ្នាំនេះ គ្រប់ពេលឈឺចាប់ទេ ព្រោះវាអាចធ្វើឱ្យអ្នកញៀន និងប៉ះពាល់ដល់ក្រលៀននិងថ្លើម។

៨. ទម្លាប់រុំសក់ពេលកក់ហើយ

ពេលដែលកក់សក់ហើយ ភាគច្រើនគ្រប់គ្នាតែងតែរុំសក់ជាមួយកន្សែង។ ធ្វើបែបនេះជួយឱ្យសក់ឆាប់ស្ងួត តែអ្នកមិនគួររុំវាយូរទាល់តែស្ងួត ឬផ្លុំឱ្យឆាប់ស្ងួតនោះទេ។ យកល្អអ្នកគួរយកកន្សែងទន់ជូតសក់ហើយទុកវាឱ្យស្ងួតតាមដំណើរ។