មិត្ត Fake ឬមិត្តចាក់ពីក្រោយខ្នងតែងមានចំណុចទាំង ៦យ៉ាងនេះ

2018-05-24 06:41:34
ចំនួនមតិ 0 | ចំនួនចែករំលែក 0

ជាធម្មតាមិត្តភាពសុទ្ធតែល្អនៅពេលដំបូង តែបន្ទាប់មកវាអាចនឹងប្រែទៅជាល្អក់កករក៏ថាបាន។ អ្នកអាចនឹងពិបាកបែងចែករវាងមិត្តល្អ និងមិត្តគិតតែពីផលប្រយោជន៍។ កញ្ញានឹងបង្ហាញពីសញ្ញាខ្លះៗដែលបញ្ជាក់ថាមិត្តអ្នកមិនស្មោះត្រង់នឹងអ្នក៖

១. ល្អជាមួយតែពេលមានផលប្រយោជន៍

ចំពោះមិត្តភាពពិតប្រាកដ នោះមិនមានពាក្យថាចប់ និងដែនកំណត់នោះទេ។ ដែនកំណត់ត្រង់នេះគឺសំដៅលើការគោរព ស្រលាញ់គ្នាប្រៀបដូចជាបងប្អូន។ មិត្តក្លែងក្លាយព្យាយាមធ្វើជាចូលចិត្តអ្នក ហើយការស្រលាញ់ចូលចិត្តនោះគឺទាមទារឱ្យមានអ្វីម៉្យាងត្រលប់មកវិញ ពោលគឺចង់បានផលប្រយោជន៍។

២. មិត្តរបស់អ្នកធ្វើឫកពាប្លែកនៅមុខគេឯងខុសពីពេលនៅជាមួយអ្នក

នៅពេលដែលមិត្តអ្នកធ្វើល្អជាមួយអ្នកតែពេលនៅជាមួយមនុស្សគ្រប់គ្នា នោះបានន័យថាគេគ្រាន់តែចង់ឱ្យអ្នកគ្រប់គ្នាមើលមកគេល្អតែប៉ុណ្ណោះ។ គេមិនបង្ហាញខ្លួននៅពេលដែលអ្នកត្រូវការទេ តែបែរជាប្រឹងធ្វើល្អមុខអ្នកដទៃ។

៣. គេនិយាយដើមអ្នក

ប្រសិនបើគេជាមិត្តរបស់អ្នក ហេតុអ្វីគេនិយាយមិនល្អពីអ្នកនៅក្រោយខ្នង? ពេលខ្លះអ្នកអាចនឹងមិនដឹងថាគេនិយាយដើមអ្នកនោះទេ។ អញ្ចឹងហើយអ្នកគួរតែចាប់អារម្មណ៍ថានៅពេលដែលអ្នកប្រាប់រឿងអ្វីមួយទៅគេ តើរឿងនោះដឹងទៅដល់អ្នកដទៃបានដោយរបៀបម៉េច?

៤. នៅពេលអ្នកនិងមិត្តអ្នកខ្វែងគំនិតគ្នា គេក៏ឈប់និយាយរកអ្នក

មនុស្សតែងមានគំនិតខុសៗគ្នា ប៉ុន្តែមិត្តល្អគេនឹងព្យាយាមសម្របសម្រួលនិងកែតម្រូវ។ ពេលដែលអ្នកខុស មិត្តល្អតែងតែនៅក្បែរអ្នកគាំទ្រអ្នក មិនមែនឈប់និយាយជាមួយអ្នកនោះទេ។

៥. គេឈប់ទាក់ទងអ្នកនៅពេលដែលគេមានមិត្តថ្មី

មិត្តភាពក៏មិនខុសពីស្នេហាដែរ គេនឹងលែងទុកអ្នកក្នុងកែវភ្នែក។ គេអាចនឹងឈប់ទាក់ទងអ្នក ហើយគេក៏ទៅស្និទ្ធស្នាលជាមួយអ្នកដទៃដែលមើលទៅមានផលប្រយោជន៍ជាងអ្នក។ បើអ្នកជួបមនុស្សបែបនេះគួរតែជៀសវៀងឱ្យហើយទៅ។

៦. មិនចង់ឃើញយើងរីកចម្រើន

គេមិនត្រឹមតែមិនជួយអ្នកទេ គេថែមទាំងលួចជាន់ពន្លិចអ្នកពីក្រោយថែមទៀតផង។ គេអាចនឹងមិនចង់ឃើញអ្នកល្អជាងខ្លួនគេ ឬមិនចាប់អារម្មណ៍ចំពោះអ្វីដែលអ្នកធ្វើ ៕

ចុចអាន៖

ប្រភព៖ pairedlife ប្រែសម្រួល៖ តាន់ ច័ន្ទលក្ខិណា