៥មូលហេតុដែលទោះបីជាអ្នកអត់គូយូរក៏មិនគួរដើរញ៉ែគេតែផ្ដាស

2018-04-26 02:33:57
ចំនួនមតិ 0 | ចំនួនចែករំលែក 0

មនោសញ្ចេតនាគឺជារឿងអ្វីម្យ៉ាងដែលមិនមែនអាចយកមកលេងសើចបាន បើមិនស្រលាញ់គេចេញពីចិត្តទេ ក៏គួរកុំយកគេមកលេងសើចអី។

មានមនុស្សមួយចំនួនទោះបីជានៅលីវយូរប៉ុណ្ណាក៏មិនមែនជាបញ្ហាសម្រាប់ពួកគេ។ ផ្ទុយមកវិញ គេអាចមានអារម្មណ៍ថាមានសេរីភាពទៀតផង។ ដោយហេតុនេះហើយ គេអាចលេងសើច ពោលគឺញ៉ែមនុស្សជាច្រើនក្នុងពេលតែ១ក៏មាន។ យ៉ាងណាក្ដី ទោះបីដោយហេតុផលណាក៏ដោយ ក៏អ្នកមិនគួរធ្វើបែបនេះឡើយ ដោយសារមូលហេតុទាំងនេះ។

១. អ្នកនឹងមិនរកឃើញដែលស្រលាញ់ខ្លួនពិតប្រាកដ

ប្រសិនបើអ្នកមិនឲ្យតម្លៃអ្នកដទៃ គេក៏នឹងធ្វើដូចគ្នាដាក់អ្នកវិញដែរ។ គ្មានអ្នកចង់រួមអនាគតជាមួយមនុស្សម្នាក់ដែលយករឿងស្នេហាមកលេងសើចនោះឡើយ។ ទោះបីជាថ្ងៃក្រោយ អ្នកដឹងកំហុសខ្លួនឯង ក៏ហួសពេលទៅហើយ។

២. ធ្វើឲ្យជីវិតគេច្របូកច្របល់

មានដែរធ្លាប់គិតទេថា ជីវិតគេកំពុងតែស្ងប់ស្ងៀម ស្រាប់តែយើងមកធ្វើឲ្យគេមានសុភមង្គលតែបន្តិច ហើយបន្សល់នូវភាពឈឺចាប់មិនអាចកាត់ថ្លៃបាននោះ តើវានឹងច្របូកច្របល់យ៉ាងណាទៅ?

៣. អ្នកលេងសើចឲ្យតែសប្បាយ តែគេគិតមែនទែន

សម្រាប់មនុស្សឯកា ឲ្យតែមានអ្នកយកចិត្តទុកដាក់នឹងគេបន្តិច គឺគេងាយទន់ចិត្តខ្លាំងណាស់។ សម្រាប់អ្នក វាអាចគ្រាន់តែជាការលេងសើច តែយើងមានដឹងទេថា គេបានដាក់ចិត្តលើមនោសញ្ចេតនាមួយនេះច្រើនប៉ុណ្ណា?

៤. ថ្ងៃណាមួយ អ្នកនឹងក្លាយជនរងគ្រោះវិញ

មិនមែននៅសុខៗ គេនិយាយថាបាបកម្មពិតជាមានមែននោះឡើយ។ រាល់អំពើអាក្រក់ដែលយើងសាងលើអ្នកដទៃ នៅថ្ងៃណាមួយ យើងក៏នឹងទទួលវាវិញម្ដង ហើយអាចធ្ងន់ជាងដែលខ្លួនធ្វើក៏មាន។ ដល់ពេលនោះ ទោះបីជាអ្នកស្ដាយក្រោយ ក៏លែងទាន់ទៀតដែរ។

៥. ថ្ងៃណាមួយ នឹងគ្មានអ្នកណានៅក្បែរអ្នកទៀតទាំងអស់

កុំមានមោទនភាពដែលខ្លួនមានស្នេហាច្រើន ហើយមានអ្នកស្រលាញ់ច្រើននោះ វាគ្រាន់តែបង្ហាញថាអ្នកគ្មានស្នេហាប្រាកដប្រជាមួយណាទាំងអស់នោះទេ។ នោះគឺជាលទ្ធផលដែលអ្នកចូលចិត្តលេងសើចជាមួយគេមិនរើសមុខ៕

ចុចអាន៖

ប្រភព៖ Spiceee ប្រែសម្រួល៖ Caramel