ឃើញស្អាតបែបនេះនរណាទៅដឹងថាម៉ូដែលម្នាក់នេះជា.... (វីដេអូ)

2017-07-24 03:27:55
ចំនួនមតិ 0 | ចំនួនចែករំលែក 0

ដោយសារតែមុខ និងរាងដ៏ស្អាតរបស់ខ្លួន Eden Estrada មកពីរដ្ឋ Los Angeles សហរដ្ឋអាមេរិកបានធ្វើឲ្យមនុស្សជាច្រើនមានការភ្ញាក់ផ្អើលយ៉ាងខ្លាំងព្រោះគ្មាននរណាដឹងថាគេជាមនុស្សប្រុសទេ។

ជាមួយសុបិនចង់ក្លាយជាតារាម៉ូដែលស្ត្រីម្នាក់ Eden បានចាប់ផ្ដើមកែសម្ផស្សផ្លាស់ប្ដូរខ្លួនឯងបន្តិចម្ដងៗតាំងពីអាយុ ២០ ឆ្នាំម្ល៉េះ។

«ខ្ញុំមានអារម្មណ៍មិនច្បាស់លាស់តាំងពីអាយុ ១៦ ឆ្នាំមក។ ខ្ញុំដឹងថាចិត្តគំនិតខ្ញុំមិនសមនឹងរូបរាងជាមនុស្សប្រុសទេ តែឥឡូវខ្ញុំពេញចិត្តនឹងខ្លួនឯង» នេះជាការបញ្ជាក់របស់ Eden។

ចំណែកម្ដាយរបស់ Eden បានបង្ហាញឲ្យដឹងថាអ្នកស្រីមានអារម្មណ៍ភ្ញាក់ផ្អើលយ៉ាងខ្លាំងពីដំបូង តែពេលនេះអ្វីៗវាប្រសើរឡើងហើយព្រោះអ្នកស្រីមើលឃើញថាកូនរីករាយនឹងជីវិតគេ ដូចនេះអ្នកស្រីក៏សប្បាយចិត្តដែរ។

Eden បញ្ជាក់ «ពេលនេះខ្ញុំជាស្ត្រីអាយុ២១ ឆ្នាំម្នាក់ដ៏ពេញលក្ខណៈ ។ ខ្ញុំមានមិត្តប្រុសដែលស្រឡាញ់ខ្ញុំបើទោះបីគាត់ដឹងការពិតក៏ដោយ។ ខ្ញុំក៏មានអាជីពជាតារាម៉ូដែលដែលខ្ញុំស្រឡាញ់បំផុតផងដែរ។ អ្វីដែលខ្ញុំចង់ផ្ដាំទៅអ្នករាល់គ្នាគឺត្រូវធ្វើអ្វីដែលអ្នកចង់ធ្វើព្រោះវាជាជីវិតអ្នក៕»