តើអ្នកជំងឺទឹកនោមផ្អែមអាចទប់ស្កាត់បញ្ហាខូចតម្រងនោមបានទេ?

2024-02-03 10:45:00
ចំនួនមតិ 0 | ចំនួនចែករំលែក 0

ការខូចតម្រងនោមជាផលវិបាកទូទៅមួយរបស់ជំងឺទឹកនោមផ្អែម។ ប៉ុន្តែអ្នកជំងឺទឹកនោមផ្អែមអាចពន្យឺតការវិវត្តនេះ ឬកាត់បន្ថយហានិភ័យនៃការខូចខាតនេះបាន។ ដើម្បីទប់ស្កាត់ ឬការពារកុំឲ្យមានផលវិបាកបែបនេះអ្នកមានជំងឺទឹកនោមផ្អែមត្រូវគ្រប់គ្រងកម្រិតជាតិស្ករឲ្យបានល្អ និងប្រើប្រាស់ថ្នាំតាមវេជ្ជបញ្ជាឲ្យបានត្រឹមត្រូវ។

ទឹកនោមផ្អែមជាជំងឺរ៉ាំរ៉ៃ ដោយកម្រិតជាតិស្ករក្នុងឈាមមានកម្រិតខ្ពស់ពេក និងមានរយៈពេលយូរ។ ការណ៍នេះកើតឡើងដោយសាររាងកាយរបស់យើងមិនអាចផលិត ឬប្រើអ័រម៉ូនអាំងស៊ុយលីនបានត្រឹមត្រូវ។ កម្រិតជាតិស្ករខ្ពស់ពេក អាចនាំឲ្យមានផលវិបាកច្រើន រួមទាំងខូចតម្រងនោមផងដែរ។ ថ្វីបើតម្រងនោមដែលចាប់ផ្ដើមខូចដោយសារផលវិបាកជំងឺទឹកនោមផ្អែមមិនអាចកែខៃបានក៏ដោយ ប៉ុន្តែអ្នកជំងឺអាចពន្យឺតការវិវត្តនៃការខូចខាតនេះបាន។

តម្រងនោមបើខូចពិតជាមិនអាចវិលមករកសភាពដើមវិញ?

តម្រងនោមដែលខូចដោយសារជំងឺទឹកនោមផ្អែមមិនអាចវិលទៅរកសភាពដើមបានទេ។ ប៉ុន្តែអ្នកមានជំងឺទឹកនោមផ្អែម អាចពន្យឺតការខូចខាតនេះ ឬកាត់បន្ថយហានិភ័យនៃការខូចខាតនេះបាន។ បើការខូចខាតតម្រងនោមទើបតែកើតមានក្នុងដំណាក់កាលដំបូងៗ អ្នកជំងឺទឹកនោមផ្អែមអាចទទួលការព្យាបាលដើម្បីបញ្ឈប់ការខូចខាត ឬពន្យឺតការវិវត្តមួយនេះ។

ហេតុនេះហើយបានជាអ្នកមានជំងឺទឹកនោមផ្អែមត្រូវពិនិត្យសុខភាពតម្រងនោមជាប្រចាំតាមការណែនាំរបស់គ្រូពេទ្យ។ បើសិនជាតម្រងនោមបានខូចធ្ងន់ធ្ងរ នោះនឹងមានការពិបាកក្នុងការព្យាបាល។ ក្នុងករណីជំងឺតម្រងនោមរ៉ាំរ៉ៃធ្ងន់ធ្ងរអាចឈាមដល់ដំណាក់កាលប្តូរតម្រងនោម ឬលាងឈាម។ ការលាងឈាមគឺធ្វើឡើងដើម្បីដកយកជាតិកាកសំណល់ ឬជាតិពុលចេញពីឈាម។

រោគសញ្ញានៃបញ្ហាតម្រងនោម

ការខូចតម្រងនោមអាចវិវត្តយឺតៗ និងក្នុងរយៈពេលច្រើនឆ្នាំ ហើយអ្នកជំងឺមិនបានចាប់អារម្មណ៍ដឹងថាខ្លួនមានជំងឺនេះទេ រហូតដល់ការខូចខាតនេះវិវត្តទៅជាបញ្ហាខ្សោយតម្រងនោម។ នេះក៏ព្រោះថាជំងឺតម្រងនោមរ៉ាំរ៉ៃមិនចេញរោគសញ្ញា។ វិធីដែលល្អក្នុងការការដឹងពីសុខភាពតម្រងនោម គឺការពិនិត្យលើដំណើរការរបស់តម្រងនោម។ គ្រូពេទ្យនឹងពិនិត្យឈាម ដើម្បីដឹងថាតម្រងរបស់តម្រងនោមនៅល្អកម្រិតណា ឬពេលខ្លះគ្រូពេទ្យក៏អាចពិនិត្យទឹកនោមផងដែរ។

គន្លឹះការពារតម្រងនោមពីជំងឺទឹកនោមផ្អែម

ដោយសារតែជំងឺតម្រងនោមរ៉ាំរ៉ៃជាផលវិបាកមួយរបស់ជំងឺទឹកនោមផ្អែម ដូចនេះគ្រូពេទ្យតែងណែនាំឲ្យអ្នកជំងឺទឹកនោមផ្អែមពិនិត្យសុខភាពតម្រងនោម។ ក្រៅពីពិនិត្យសុខភាពតម្រងនោម អ្នកជំងឺទឹកនោមផ្អែម ក៏គួរអនុវត្តគន្លឹះសំខាន់មួយចំនួនទៀតដែរ។

គន្លឹះទាំងនោះមានដូចជា៖