ក្រៅពីសុខភាពល្អ នៅច្រើនចំណុចទៀតបានពីកីឡា ដែលនារីៗគួរដឹង

2022-05-17 04:30:00
ចំនួនមតិ 0 | ចំនួនចែករំលែក 0

ការលេងកីឡា ពិតជាផ្តល់នូវគុណប្រយោជន៍យ៉ាងច្រើនទាំងផ្នែកស្មារតី សុខភាព និងរាងកាយ។ សម្រាប់ការលេងកីឡាវិញ នារីហាក់មិនសូវទទួលបានការលើកទឺកចិត្តខ្លាំងនោះទេ ដោយសារតែមានសម្ពាធពីមជ្ឈដ្ឋានខាងក្រៅ។ យ៉ាងណាក្តី ទាំងនេះជាគុណប្រយោជន៍ដ៏ពិសេសនៃការលេងកីឡា។

១. បង្កើនទំនុកចិត្ត

ការលេងកីឡា ធ្វើឲ្យក្មេងស្រីមានទំនុកចិត្ត និងប្រឆាំងពីភាពអវិជ្ជមានណាមួយនៃរាងកាយដែលធ្វើឲ្យគេប្រែទៅជាល្អបំផុត។ ហេតុផលគឺត្រង់ថា ការលេងកីឡាប្រៀបដូចធ្វើលំហាត់ប្រាណ ដែលជួយផ្លាស់ប្តូរកាយសម្បទា ទី២គឺ នៅពេលពួកគេលេងកីឡា ពួកគេទទួលបានការលើកទឹកចិត្តដោយគ្រូបង្វឹក និងសមាជិកក្រុម ដែលជាហេតុនាំឲ្យស្មារតីរបស់ពួកគេរឹងមាំ និងក្លាហានហ៊ានប្រឈមគ្រប់យ៉ាង។

២. មានភាពជាក្រុម

ការលេងកីឡាដូចជា បាល់ទាត់ គឺប្រៀបដូចជាបង្រៀនកីឡាការីនីឲ្យស្រុះស្រួលគ្នាបានល្អ រៀនដោះស្រាយឧបសគ្គ និងសម្រេចគោលដៅ។ លើសពីនេះទៅទៀត ក៏ពង្រឹងនូវរបៀបផ្ទេរសិទ្ធ ការចរចា និងជំនាញដោះស្រាយជម្លោះ។

៣. ធ្វើឲ្យប្រសើរឡើងនូវសុខភាពទូទៅ

អ្នកលេងកីឡា ភាគច្រើនសុខភាពរបស់ពួកគេល្អ មិនថាការរក្សាទម្ងន់ រូបរាង សុខភាពបេះដូង និងធ្វើឲ្យអារម្មណ៍ល្អប្រសើរឡើង។ សម្រាប់មនុស្សស្រី កាន់តែពិសេសគឺទប់ស្កាត់ហានិភ័យនៃការកើតមហារីកសុដន់ ផងដែរ។

៤. បង្កើនមិត្តភាព

ពួកគេមានឱកាសបង្កើតចំណងមិត្តភាពនិងការផ្សារភ្ជាប់ជាមួយគ្នាទៅវិញទៅមក។ វាកាន់តែជួយពង្រឹងបណ្តាញដែលជួយឲ្យអ្នកលេងទាំងអស់មានអារម្មណ៍ល្អ គាំទ្រគ្នា និងបារម្ភពីគ្នា។

ប្រសិនបើអ្នកចាប់អារម្មណ៍កម្មវិធីជុំរុំបាល់ទាត់នារីដំបូងបង្អស់នៅកម្ពុជា អាចណែនាំប្អូនស្រី ក្មួយស្រី កូនស្រី របស់អ្នកមានអាយុ ៦ -១២ឆ្នាំ ចូលរួមចុះឈ្មោះជាមួយ GO FC តាមដំណនេះ Link សូមបញ្ជាក់ កម្មវិធីជំរុំបាល់ទាត់ នឹងរៀបចំនៅថ្ងៃ ២៩ ឧសភា ម៉ោង ៤- ៦:៣០ល្ងាច នៅទីលាន CIS Roller Dome។ ចុះឈ្មោះមុន ដើម្បីចូលរួមវគ្គហ្វឹកហាត់ជាមួយ GO FC ។

ប្រភព៖ healthysoccerkids ប្រែសម្រួល៖ លឹម សុនា