តើអ្នកកំពុងតែមានផលវិបាកក្នុងការគេងឲ្យលក់ឆាប់ជាញឹកញាប់ ប្រហែលគ្រាន់តែម្ដងម្កាល ឬក៏មិនធ្លាប់សោះ? ប៉ុន្ដែប្រសិនបើអ្នកគេងឆាប់លក់វិញនោះ តើការគេងរបស់អ្នកបានលក់ស្កប់ស្កល់ដែលឬទេ?

វាមិនសូវជាពិបាកទេសម្រាប់អ្នកនៅវ័យក្មេងក្នុងការគេងឲ្យឆាប់លក់ តែសម្រាប់មនុស្សពេញវ័យ មនុស្សជំទង់ និងមនុស្សចាស់ប្រាកដណាស់ថាមានផលវិបាកខ្លះៗក្នុងការគេងឲ្យលក់ឆាប់ ពីព្រោះតែការគិតច្រើន ជាពិសេសម្នាក់ៗកំពុងតែស្ត្រេសអំពីផលប៉ះពាល់ដោយសារជំងឺកូវីដ-១៩ និងការបាត់បង់មួយចំនួនធំផ្សេងទៀត។

ទាំងនេះគឺជាវិធីទាំង ៣ យ៉ាងដែលអាចធ្វើឲ្យអ្នកមានចិត្តស្ងប់សម្រាប់ការគេងលក់ស្កប់ស្កល់៖

១. កុំផ្តោតលើការបង្ខំខ្លួនឯងឲ្យដេកលក់ ប្រសិនបើអ្នកកាន់តែព្យាយាមបង្ខំខ្លួនឯង អ្នកកាន់តែមានអារម្មណ៍ដឹងខ្លួនកាន់តែខ្លាំងឡើង អ្នកគួរតែរៀនធ្វើអារម្មណ៍ឲ្យស្ងប់ដោយការបើកចម្រៀងបែបស្រទន់តិចៗ ឬក៏សៀវភៅសំឡេងដែលអាចធ្វើឲ្យអ្នកងងុយគេងបានយ៉ាងលឿន។

២. ធ្វើការគិត ការព្រួយបារម្ភឲ្យអស់មុនពេលចូលគេង ប្រសិនបើអ្នកបានជួបបញ្ហា អ្នកគួរតែព្យយាមដោះស្រាយរឿងនេះក្នុងអំឡុងពេលផ្សេងទៀតនៅពេលថ្ងៃមុនពេលចូលគេង ការថប់បារម្ភ និងការព្រួយបារម្ភអាចធ្វើឲ្យការគេងមិនបានលក់ស្កប់ស្កល់នោះឡើយ។

៣. បែងចែកពេលវេលាសម្រាប់ខ្លួនឯងនឹងពេលស្ត្រេស បើសិនជាអ្នកមិនអាចធ្វើការដោះស្រាយពេលនេះបានទេ អ្នកត្រូវតែទុកវាមួយឡែកសិន កុំធ្វើការគិត ព្រួយបារម្ភដដែលៗជារៀងរាល់ថ្ងៃនោះ ជាពិសេសគឺពេលល្ងាចមុនចូលគេងនេះតែម្ដង អ្នកគួរធ្វើរឿងសប្បាយៗ គិតតែរឿងវិជ្ជមានវិញ។

ក្នុងមួយថ្ងៃៗអ្នកបានជួបបញ្ហាជាច្រើនដែលពិបាកក្នុងការធ្វើចិត្តឲ្យស្ងប់ ដូចច្នេះមានតែអនុវត្តតាមវិធីទាំងបីខាងលើនេះទេដែលអាចជួយកាត់បន្ថយការគេងមិនលក់ តែទទួលបានដំណេកលក់ស្កប់ស្កល់មកវិញ៕

ប្រភពរូបភាព៖ Pinterest

ចុចអានបន្ត៖

• ត្រឹមតែ ៥ វិធីងាយៗទាំងនេះអ្នកពិតជាអាចសម្រកទម្ងន់បានលឿននឹងឆាប់រហ័សបំផុត
• វិធីសាស្ត្រទាំង ៤ យ៉ាងនេះនឹងអាចជួយពង្រឹងសុខភាពផ្លូវចិត្តរបស់អ្នកឲ្យបានល្អ