រឿង ៥ យ៉ាងដែលអ្នកត្រូវធ្វើដើម្បីឲ្យទំនាក់ទំនងស្នេហាដែលឃ្លាតឆ្ងាយពីគ្នានៅតែរឹងមាំ

  • 2021-10-27 11:00:00
  • ចំនួនមតិ 0 | ចំនួនចែករំលែក 0

នៅក្នុងទំនាក់ទំនងស្នេហាដែលនៅឆ្ងាយពីគ្នាចាប់តាំងពីពេលដែលជំងឺរាតត្បាតកូវីដចូលមក វាគឺមិនមែនជារឿងងាយស្រួលនោះទេសម្រាប់ដៃគូដែលកំពុងតែស្រលាញ់គ្នាខ្លាំង វាបានធ្វើឲ្យអ្នកមិនអាចជួបជុំគ្នា មានការបែកបាក់ឃ្លាតឆ្ងាយជាមួយដៃគូសង្សារ មិត្តភក្តិ និងក្រុមគ្រួសារ។ ប៉ុន្តែក្នុងរយៈពេលថ្មីៗនេះយើងបានឃើញថាមានប្រទេសមួយចំនួនធំ ជាពិសេសគឺនៅតំបន់អាស៊ីយើងតែម្ដងបានកំពុងចាប់ផ្ដើមបើកដំណើរការ បើកឲ្យមានការចេញចូលប្រទេសក្នុងលក្ខខណ្ឌដ៏សមស្របមួយសម្រាប់ការវិលត្រលប់ជួបជុំគ្នាវិញជាមួយមនុស្សជាទីស្រឡាញ់ មិត្តសំឡាញ់ និងក្រុមគ្រួសាររបស់អ្នក។

ទោះជាយ៉ាងណាក៏ដោយវាមិនមានភាពលំបាកនោះទេក្នុងការរក្សាចំណងមិត្តភាពរបស់អ្នក មិនថាស្នេហា មិត្តភក្ដិ ឬក្រុមគ្រួសារឡើយ ពីព្រោះសម័យនេះជាសម័យបច្ចេកវិទ្យាទំនើប អ្នកនៅតែអាចភ្ជាប់ទំនាក់ទំនងជាមួយពួកគេបានជានិច្ច គ្រប់ពេលវេលា និងគ្រប់ទីកន្លែងដែលអ្នកត្រូវការ។

ទាំងនេះគឺជារឿងដែលអ្នកគួរតែព្យាយាមធ្វើដើម្បីឲ្យពួកគាត់នៅតែមានភាពស្បាយចិត្តខណៈពេលដែលអ្នកឬគាត់មិនទាន់អាចធ្វើដំណើរជួបគ្នាបាន៖

  • ការជំរុញលើកទឹកចិត្តគ្នាទៅវិញទៅមកតាមរយៈការខល ឬការផ្ញើសារ
  • ការខលឃើញមុខគ្នាជាប្រចាំ មិនចាំបាច់តែរាល់ថ្ងៃនោះទេ ត្រឹមបីបួនដងក្នុងមួយសប្ដាហ៍ក៏បានដែរ
  • ការចែករំលែកព័ត៌មានល្អៗ ជាជាងការប្រាប់តែអំពីរឿងបំភិតបំភ័យដែលអាចធ្វើឲ្យពួកគាត់កាន់តែធ្លាក់ទឹកចិត្ត
  • ការទិញរបស់ដែលពួកគាត់ត្រូវការជាចាំបាច់ផ្ញើទៅឲ្យពួកគាត់ ដើម្បីតម្រូវការឬការពង្រឹងសេចក្ដីស្រឡាញ់របស់អ្នក
  • ការឲ្យយោបល់ ឬការផ្ដល់ដំបូន្មានក្នុងការគិត និងការធ្វើរឿងវិជ្ជាមានទម្រាំតែការបិទឃុំឃាំងនេះត្រូវបញ្ចប់

ទាំងនេះគឺជារឿងដែលអ្នកគួរធ្វើជារៀងរាល់ថ្ងៃ ដើម្បីផ្ដល់ភាពសប្បាយចិត្ត ក្ដីសង្ឃឹម ផ្ដល់ភាពរឹងមាំឲ្យគ្នាទៅវិញទៅមក ហើយប្រសិនបើអ្នកអាចឆ្លងកាត់ពេលវេលាដ៏លំបាកទាំងនេះបាន ចំណងមិត្តភាពរវាងស្នេហា គ្រួសារ មិត្តសំឡាញ់របស់អ្នកគឺពិតជាល្អរឹងមាំខ្លាំង។ ដូច្នេះបន្ដខិតខំព្យាយាមបន្ដិចទៀតទៅ ពីព្រោះមិនយូរមិនឆាប់ទេ អ្នកពិតជាបានជួបជុំគ្នាវិញ៕

ប្រភពរូបភាព៖ Pinterest

ចុចអានបន្ត៖

អត្ថបទ៖ Chrel Den

អត្ថបទពេញនិយម
អត្ថបទថ្មី