មានដៃគូសង្សារជាច្រើនណាស់ដែលបានធ្វើការត្អូញត្អែរអំពីបញ្ហារបស់ខ្លួនជាមួយដៃគូទៅកាន់អ្នកដទៃ មិនថាបញ្ហាអ្វីក៏ដោយ ជាពិសេសនោះគឺអំពីការភ័យខ្លាចរបស់ដៃគូក្នុងការប្តេជ្ញាចិត្តចំពោះរឿងអនាគតជាមួយគ្នា។ វាបានធ្វើឲ្យដៃគូម្ខាងទៀតមានអារម្មណ៍ថាកំពុងតែជាប់គាំបានត្រឹមជាសង្សារ ឬបានត្រឹមជាមិត្តភក្តិដែលធ្វើឲ្យមានភាពមិនសប្បាយចិត្តកើតឡើង ហើយវាអាចធ្វើអោយមនុស្សម្នាក់នោះស្ថិតនៅក្នុងស្ថានភាពមួយច្របូកច្របល់អំពីអារម្មណ៍របស់គេ។

ការភ័យខ្លាចនៃការប្តេជ្ញាចិត្តគឺអាចបណ្ដាលមកពីការឈឺចាប់ពីអតីតកាលរបស់គេ ឬក៏ការស្ទាក់ស្ទើរចំពោះអនាគតថាខ្លួនចង់បានអ្វីឲ្យប្រាកដ។ ពួកគេអាចនឹងខ្លាចថាទំនាក់ទំនងរបស់ពួកគេអាចប្រែទៅជាការបែកបាក់មិត្តភាពប្រសិនបើពួកគេយករឿងអាពាហ៍ពិពាហ៍មកធ្វើការពិភាក្សាលឿនពេក។

ខាងក្រោមនេះគឺជាសញ្ញាដែលបញ្ជាក់ថាដៃគូសង្សាររបស់អ្នកមានការភ័យខ្លាចចំពោះការប្តេជ្ញាចិត្តចំពោះអ្នកទៅលើរឿងអនាគត៖

• គាត់មិនចូលចិត្តធ្វើការរៀបចំផែនការ ឬរៀបចំគម្រោងអ្វីមួយជាមួយអ្នកឡើយ
• គាត់បញ្ចេញអកប្បកិរិយាជាប់គាំងនៅពេលអ្នកនិយាយអំពីការប្តេជ្ញាចិត្តរឿងអនាគត
• គាត់មិនមានភាពច្បាស់លាស់ ឬមិនសូវជាមានមនោសញ្ចេតនាជាមួយអ្នកឡើយ
• គាត់មិនដែលធ្វើការពិចារណាអំពីរឿងអនាគតជាមួយឡើយ
• គាត់មានគម្រោងអនាគតរបស់គាត់ តែវាមិនបានបូកបញ្ចូលអ្នកនៅក្នុងនោះទេ
• គាត់មិនសូវជាឆ្លើយតមទៅនឹងអ្វីដែលអ្នកបានសួរគាត់ឡើយ (តែគាត់ឆ្លើយរឿងផ្សេងវិញ)
• គាត់តែងតែយកការសម្រុះសម្រួលមកប្រើជាមួយអ្នកនៅពេលឈានដល់ចំណុចនៃការប្តេជ្ញាចិត្ត
• គាត់នឹងធ្វើការបញ្ជាក់ម្តងហើយម្ដងទៀតថាគាត់ចង់ឲ្យទំនាក់ទំនងនោះទៅតាមដំណើរយឺតៗសិន

មនុស្សម្នាក់ៗមានបុគ្គលិកលក្ខណខុសៗគ្នាដែលធ្វើឲ្យមនុស្សម្នាក់នោះក្លាយជាបុគ្គលនោះ ហេតុដូច្នេះហើយបានជាមនុស្សខ្លះខ្លាចការប្តេជ្ញាចិត្ត ខណៈពេលដែលអ្នកផ្សេងទៀតមានទំនោរចំពោះការប្ដេជ្ញាចិត្តយ៉ាងខ្លាំងចំពោះដៃគូរបស់ខ្លួន តែវាមិនមែនមាន ន័យថាមនុស្សម្នាក់នោះមិនចង់ធ្វើនោះឡើយ ប៉ុន្តែពួកគេគ្រាន់តែខ្លាចអំពីទំនួលខុសត្រូវដែលពាក់ព័ន្ធយ៉ាងធំធេងនៅថ្ងៃអនាគត៕

ប្រភពរូបភាព៖ Pinterest

ចុចអានបន្ត៖

• សញ្ញាទាំង ៦ យ៉ាងនេះអាចបញ្ជាក់បានថាគេនោះមិនចង់ធ្វើជាមិត្តភក្តិជាមួយអ្នកឡើយ
• ហេតុផលមិនល្អទាំង ៥ យ៉ាងដែលអ្នកមិនគួរធ្វើការសងសឹកទៅកាន់អតីតរបស់អ្នកឡើយ