ភាពយុត្តិធម៌នៅក្នុងជម្លោះស្នេហាគឺជារឿងមួយដែលមិនងាយក្នុងការវែកញែកឲ្យបានស្មើរគ្នានោះទេ ប៉ុន្តែអ្នកត្រូវចាំថាវាជាកំហុសរបស់អ្នកទាំងពីរ កុំធ្វើការទម្លាក់កំហុសទៅនរណាម្នាក់ឲ្យសោះ។ បន្ទាប់ពីមានការបែកបាក់អ្នកប្រហែលជាស្អប់ ឬមានគំនិតទៅលើការសងសឹកចំពោះអតីតដែលបានធ្វើបាបចិត្តអ្នក។ ទោះជាយ៉ាងណាក៏ដោយការគិតបែបនេះវាមិនមែនជារឿងត្រឹមត្រូវឡើយ។

មនុស្សភាគច្រើនប្រាកដជាមានអារម្មណ៍បែបនេះ ពីព្រោះការរងទុក្ខវេទនាដែលបណ្ដាលមកពីវិបត្តិស្នេហានឹងនាំឲ្យអ្នកដើរទៅរកផ្លូវនោះ។ អតីតរបស់អ្នកប្រហែលជាបានបោកបញ្ឆោតអ្នក ឬបានធ្វើបាបដោយពាក្យសំដីនឹងផ្នែករាងកាយ និងការបំផ្លាញកិត្តិយសរបស់អ្នកក៏ពិតមែន តែអ្វីដែលគាត់បានធ្វើខុសចំពោះអ្នកវាជារឿងកន្លងហួសទៅហើយ។

ហេតុផលមិនល្អទាំង ៥ យ៉ាងនេះហើយដែលអ្នកមិនគួរព្យាយាមធ្វើការសងសឹកចំពោះអតីតរបស់អ្នកឡើយ៖

• វានឹងជះឥទ្ធិពលមិនល្អជាច្រើនទៅលើសុខភាពផ្លូវចិត្តរបស់អ្នកដែលធ្វើឲ្យអ្នកកាន់តែមានវិបត្តិផ្លូវចិត្តកាន់តែធ្ងន់ធ្ងរ
• អ្នកចំណាយពេលវេលា ថាមពល ឬថវិការបស់អ្នកអត់ប្រយោជន៍ចំពោះការសងសឹកនោះ
• សកម្មភាពបែបនេះត្រូវបានចាត់ទុកថាជាអំពើឃោរឃៅ និងក្លាយជារឿងដ៏ជូរចត់សម្រាប់អ្នក
• វាអាចមានទំនាក់ទំនងទៅនឹងការបដិសេធ និងជាទង្វើក្នុងការបំផ្លាញឆាកជីវិតរបស់ខ្លួនឯងវិញទេ
• មិនថាអ្នកធ្វើការសងសឹងដោយរបៀបណា ឬខ្លាំងកម្រិតណាក៏ដោយវានឹងមិនបានធ្វើការផ្លាស់ប្ដូរទៅលើអ្វីទាំងអស់ តែផ្ទុយទៅវិញវាជាការធ្វើបាបចិត្តខ្លួនឯងកាន់តែខ្លាំងឡើង

ប្រាកដណាស់អ្នកប្រហែលជាមានអារម្មណ៍ស្រណុកស្រួលបន្តិចនៅពេលគិតថាអ្នកបានធ្វើអោយអតីតរបស់អ្នកឲ្យមានការឈឺចាប់ដូចជាអ្នកបានទទួលរងពីគាត់នោះ ប៉ុន្តែវានឹងមិនបានធ្វើការផ្លាស់ប្ដូរអ្វីឡើយគឺមានតែការឈឺចាប់ទាំងសងខាងម្ដងហើយម្ដងទៀត ហើយអ្នកអាចនឹងមិនអាចធ្វើការបំភ្លេចទុក្ខសោកទាំងនោះពេញមួយជីវិតក៏ថាបាន។ ដូច្នេះកុំធ្វើការសងសឹកឲ្យសោះ តែចំពោះអ្នកវិញគួរតែរកវិធីបំភ្លេចទុក្ខសោកទាំងនោះនឹងការដើរឆ្ពោះទៅមុខដោយមិនមានការសងសឹកជាមួយគាត់ ដើម្បីឲ្យឆាកជីវិតបានល្អប្រសើរសម្រាប់ខ្លួនឯងឡើងវិញ៕

ប្រភពរូបភាព៖ Pinterest

ចុចអានបន្ត៖

• រឿងសំខាន់ៗ ៦ យ៉ាងដែលត្រូវធ្វើដើម្បីឲ្យទំនាក់ទំនងស្នេហារបស់អ្នករឹងមាំខ្លាំងបំផុត
• បើដៃគូអ្នកធ្វើរឿងទាំង ៧ យ៉ាងនេះបញ្ជាក់ថាគាត់កំពុងតែធ្វើការគ្រប់គ្រងអ្នកហើយ