មិនថាអ្នកខូចចិត្តពីការបែកបាក់ស្នេហា ឬពីបញ្ហាជីវិតរស់នៅ ស្ត្រេសពីការងារនឹងបញ្ហានានាផ្សេងទៀតក៏ដោយគឺវានឹងធ្វើឲ្យអ្នកមានការខូចចិត្ត និងទុក្ខសោកយ៉ាងខ្លាំង។ បើនិយាយអំពីវិបត្តិស្នេហាវិញ វាប្រៀបបានដូចជាគេយកកាំបិតមកចាក់ដើមទ្រូងអញ្ចឹង ប៉ុន្តែប្រសិនបើអ្នកអាចបញ្ចេញទុក្ខសោកទាំងនោះប្រាប់ទៅកាន់មនុស្សដែលអ្នកគិតថាអាចស្តាប់អំពីបញ្ហារបស់អ្នកបាន វាប្រៀបបានដូចជាដកកាំបិតនោះចេញវិញផងអញ្ចឹង។

នៅថ្ងៃណាមួយវានឹងបានល្អប្រសើរឡើងវិញ ប៉ុន្តែវាទាមទារឲ្យមានការខិតខំព្យាយាមខ្លាំង និងចំណាយពេលយូរក្នុងការព្យាបាល ហើយនឹងដោះស្រាយវិបត្តិទាំងនោះបាន។

ព្យាយាមធ្វើរឿងទាំងនេះដើម្បីព្យាបាលខ្លួនឯង បំភ្លេចទុក្ខសោកដោយសារស្នេហា និងបញ្ហានានាចោល៖

• រៀនអត់អោនទោសគឺជាវិធីដែលធ្វើឲ្យអ្នកមានភាពវិជ្ជមាន និងភាពខ្លាំងនៅក្នុងខ្លួន
• ស្វែងរកអ្វីមួយដែលអ្នកចូលចិត្តធ្វើ ឬក៏សាកល្បងអ្វីថ្មីៗដើម្បីបំភ្លេចរឿងពិបាកចិត្តទាំងនោះចោល
• ត្រូវមានជំនឿថាការឈឺចាប់នឹងមិននៅជាមួយអ្នករហូតនោះទេ វានឹងបាត់ទៅនៅថ្ងៃណាមួយ
• ទទួលយកថាការបញ្ចប់គឺជាវិធីល្អដែលអ្នកត្រូវជ្រើសយក និងជាវិធីដែលអាចព្យាបាលខ្លួនឯងបាន
• ត្រូវចាំថាអ្នកនឹងមិនរស់នៅក្នុងអតីតកាលទៀតឡើយ ដូចច្នេះផ្តោតសំខាន់ចំពោះរឿងបច្ចុប្បន្ននឹងអនាគត

ដូចច្នេះមានតែការលើកទឹកចិត្តដោយការស្រឡាញ់ខ្លួនឯង ការប្តេជ្ញាចិត្ត និងការយល់ដឹងអំពីអត្ថប្រយោជន៍សម្រាប់ខ្លួនឯងដែលអ្នកនឹងទទួលបាននោះទេ ទើបជាហេតុផលដែលអ្នកត្រូវយកចិត្តទុកដាក់ធ្វើ។ រៀនរស់នៅដោយភាពឆ្លាតវៃ និងភាពសប្បាយចិត្តគ្រប់វិនាទីដែលអ្នកមាន៕

ប្រភពរូបភាព៖ Pinterest

ចុចអានបន្ត៖

• វិធីទាំង ៦ យ៉ាងនេះអាចជួយធ្វើឲ្យស្នេហារបស់អ្នកនៅគង់រង្សនឹងមានសុភមង្គល
• ប្រសិនបើអ្នកទើបតែបែកបាក់ស្នេហា រឿងទាំង ៦ យ៉ាងនេះគឺជាអ្វីដែលអ្នកត្រូវធ្វើ