សម្រាប់មនុស្សមួយចំនួនជីវិតហាក់ដូចជារវល់តែរហូត រវល់ពេញមួយថ្ងៃជាមួយការងារ របររកស៊ីហើយ អាចនឹងរវល់ពេលល្ងាចថែមទៀត។ ជាទូទៅ តើអ្នកតែងតែធ្វើអ្វីខ្លះជាប្រចាំខណៈពេលដែលចប់ការងារត្រលប់ទៅផ្ទះវិញ? មនុស្សមួយចំនួនធំតែងតែនៅក្នុងផ្ទះចម្អិនអាហារ មើលទូរទស្សន៍ និងសម្រាកយកកម្លាំងធ្វើការនៅថ្ងៃស្អែកបន្តទៀត ខណៈពេលដែលអ្នកខ្លះទៀតអាចនឹងមានការជួបជុំមិត្តភក្តិញ៉ាំអាហារនៅខាងក្រៅ។

មិនថាអ្នករវល់ ឬទំនេរយ៉ាងណាក៏ដោយ ប្រសិនបើអ្នកមានអារម្មណ៍ថាស្មុគស្មាញ ទទួលរងភាពតានតឹងក្នុងចិត្ត ឬក៏មានបញ្ហាស្ត្រេសជាញឹកញាប់នោះ អ្នកគួរសាកអនុវត្តតាមវិធីទាំងប្រាំនេះដើម្បីជួយព្យាបាលសុខភាពផ្លូវចិត្តរបស់អ្នកឲ្យបានប្រសើរឡើងវិញ។

វិធីងាយៗ ៥ យ៉ាងនេះអាចជួយអ្នកក្នុងការថែរក្សាសុខភាពផ្លូវចិត្តឲ្យបានល្អប្រសើរ៖

• ការសិក្សាមុខវិជ្ជាអ្វីមួយថ្មីពេលទំនេរនៅផ្ទះ ឬក៏ការអានសៀវភៅចំណេះដឹងល្អៗជាដើម
• គួររៀនគូរូប ឬផាត់រូបលេងពេលទំនេរ បើទោះបីជាអ្នកមិនមានជំនាញខាងរូបគំនូរក៏ដោយ
• អ្នកអាចធ្វើអ្វីមួយដែលអ្នកពូកែ ឬក៏ធ្វើអ្វីមួយពិសេសសម្រាប់នរណាម្នាក់
• ការលេងល្បែងលក្ខណបែបកំសាន្តៗជាមួយបងប្អូនសាច់ញាតិរបស់អ្នក
• ហើយនឹងការមើលកម្មវិធីកំប្លែងៗ ឬស្ដាប់បទចម្រៀងដែលអ្នកចូលចិត្ត និងចំណាយពេលជាមួយសត្វចញ្ចឹមរបស់អ្នក (បើមាន)

ព្យាយាមនិយាយប្រាប់អំពីបញ្ហាទាំងនោះចេញឡើងបើអ្នកមានដៃគូ គ្រួសារ ឬផ្ញើសារពិភាក្សាជាមួយមិត្តភក្តិឲ្យជួយធ្វើការដោះស្រាយ។ បើដោះស្រាយមិនបានគឺត្រូវរកជំនួយបន្ថែមទៀត ឬដោះស្រាយវានៅពេលក្រោយទៀត គឺនៅពេលណាដែលអ្នកគិតថាមានដំណោះស្រាយល្អ៕

ប្រភពរូបភាព៖ Pinterest

ចុចអានបន្ត៖

• ហេតុផលទាំង ៥ យ៉ាងនេះហើយដែលធ្វើឲ្យមនុស្សម្នាក់អាចមានអារម្មណ៍ខឹងបាន
• គុណសម្បត្តិ ៣ យ៉ាងនឹងគុណវិបត្តិ ២ យ៉ាងសម្រាប់នារីៗដែលមានមិត្តសម្លាញ់ប្រុស