អាពាហ៍ពិពាហ៍គឺជាការប្តេជ្ញាចិត្តដ៏ធំមួយ មុននឹងសម្រេចចិត្តឈានដល់ការរៀបការ អ្នកគួរយល់ដឹងឲ្យបានច្បាស់សិនថា តើដៃគូរបស់អ្នកបានត្រៀមខ្លួន និងប្តេជ្ញាចិត្តទៅលើរឿងនេះហើយឬនៅ។ ហើយចំពោះអ្នកខ្លួនឯងវិញក៏ត្រូវប្រាកដដែលថា អ្នកបានប្តេជ្ញាចិត្ត និងសម្រេចចិត្តក្នុងការរៀបការ។

នៅពេលដែលអ្នកនឹងដៃគូរបស់អ្នកសម្រេចចិត្តរៀបការ វាអាចមានអារម្មណ៍ដូចជាការផ្លាស់ប្ដូរដ៏ធំមួយចំពោះអនាគតរបស់អ្នកទាំងពីរ។ មិនថាពិធីមង្គលការរបស់អ្នកមកដល់ក្នុងរយះពេលខ្លី ឬឆាប់ទេ វាសំខាន់ណាស់ដែលអ្នកទាំងពីរចំណាយពេលនេះឲ្យបានត្រឹមត្រូវជាមួយគ្នា ដើម្បីត្រៀមខ្លួនសម្រាប់អាពាហ៍ពិពាហ៍ដ៏ល្អ និងថែមទាំងដើម្បីសុភមង្គលយូរអង្វែងជាមួយនឹងភាពសប្បាយរីករាយរបស់អ្នកទាំងពីរ។

នេះគឺជារឿងសំខាន់ ៤ យ៉ាងដែលអ្នកជំនាញខាងអាពាហ៍ពិពាហ៍ណែនាំឲ្យគូសង្សារធ្វើជាមួយគ្នាមុនពេលពួកគេសម្រេចចិត្តរៀបការ៖

១. ការសែ្វងយល់អំពីគ្នាដោយការរស់នៅជាមួយគ្នាជាមុនសិន វាគឺជាវិធីដើម្បីសែ្វងយល់អំពីអតចារឹតពិតរបស់ដៃគូរបស់អ្នក

២. ការឆ្លងកាត់ឧបសគ្គជាមួយគ្នា ការរៀនដោះស្រាយបញ្ហានៅពេលមានជម្លោះឈ្លោះប្រកែកគ្នាកើតឡើងម្តងៗ

៣. មានការពិភាក្សាឲ្យបានច្បាស់លាស់ទាក់ទងទៅលើរឿងលុយកាក់ និងអំពីការមានកូនជាដើម

៤. ការបង្កើតដំណើរកំសាន្តជាមួយគ្នាក៏ល្អផងដែរ ដើម្បីបង្កើនអនុស្សាវរីយ៍ល្អៗជាមួយគ្នាមុនពេលរៀបការ

ការបើកចំហនូវការពិត ការប្រាប់គ្នាអំពីក្រុមគ្រួសារ និងការប្រាប់ដៃគូរអំពីទម្លាប់មិនល្អរបស់ខ្លួនមួយចំនួនដើម្បីឲ្យដៃគូរបស់អ្នកអាចសម្របសម្រួល ហើយធ្វើការទទួលយកទាំងអស់គ្នា។ អ្នកគួរតែពិភាក្សាអំពីអ្វីដែលខ្លួនចង់បាននៅពេលអនាគតទៅកាន់ដៃគូរបស់អ្នក ពីព្រោះការធ្វើបែបនេះទើបជីវិតសេ្នហារបស់អ្នកមានសុភមង្គលល្អ៕

ប្រភពរូបភាព៖ Pinterest

ចុចអានបន្ត៖

• ផលល្អៗ ៨ យ៉ាងពីការចំណាយពេលច្រើនជាមួយដៃគូសង្សាររបស់អ្នក
• រឿង ៧ យ៉ាងដែលអាចបញ្ជាក់ថាដៃគូរបស់អ្នកអស់ចំណាប់អារម្មណ៍ចំពោះអ្នកហើយ