ស្បែករបស់អ្នកគឺជាសរីរាង្គ និងជាផ្នែកដ៏ធំបំផុតមួយរបស់អ្នកដែលវាមានមុខងារសំខាន់ៗជាច្រើនដូចជា ការពាររាងកាយរបស់អ្នកប្រឆាំងនឹងមេរោគនានាក៏ដូចជាជួយគ្រប់គ្រងសីតុណ្ហភាពក្នុងខ្លួនរបស់អ្នកឲ្យបានល្អផងដែរ។ មិនត្រឹមតែប៉ុណ្ណោះវាក៏មានតួនាទីក្នុងការការពារស្បែករបស់អ្នកពីការបំផ្លាញដោយកាំរស្មីព្រះអាទិត្យ។

ហេតុដូចច្នេះហើយបានជាអ្នកគួរតែធ្វើការការពារស្បែកឲ្យបានត្រឹមត្រូវទាំងពេលនៅក្នុងផ្ទះ និងពេលចេញក្រៅទៅណាមកណា។ អ្នកគួរតែមានក្រែមការពារកម្ដៅថ្ងៃមួយដបតូចដាក់តាមខ្លួនជានិច្ច ឬក៏លាបវាមុនពេលដែលអ្នកចេញក្រៅ ពីព្រោះវាមិនត្រឹមតែជួយប្រយុទ្ធប្រឆាំងនឹងបញ្ហាដែលបណ្ដាលមកពីកាំរស្មីយូវីប៉ុណ្ណោះទេ តែវាក៏មានអត្ថប្រយោជន៍ជាច្រើនទៀតផងដែរ។

ហើយខាងក្រោមនេះគឹជាអត្ថប្រយោជន៍ទាំង ៥ យ៉ាងដែលអ្នកគួរប្រើក្រែមការពារកម្តៅថ្ងៃជារៀងរាល់ថ្ងៃ៖

• កាត់បន្ថយនៃការវិវដ្ដទៅរកភាពចាស់នៃស្បែកនឹងសម្រស់
• ជួយលុបបំបាត់ស្នាមក្រហមឬខ្មៅនៅលើរាង្គកាយ
• ការពារស្បែកពីការរលាក់ដោយសារកាំរស្មីព្រអាទិត្យ
• កាត់បន្ថយហានិភ័យនៃការកើតជំងឺមហារីកស្បែក
• និងការពារប្រព័ន្ធសរសៃឈាមរបស់អ្នកឲ្យបានល្អ

ប្រសិនបើអ្នកមានការព្រួយបារម្ភអំពីហានិភ័យរបស់អ្នកក្នុងការវិវដ្ដទៅរកជំងឺមហារីកស្បែក ឬមានបញ្ហាស្បែកផ្សេងៗទៀតនោះ អ្នកត្រូវរកជំនួយនឹងវិធីការពារស្បែករបស់អ្នកឲ្យបានដិតដល់។ គ្រូពេទ្យឯកទេសខាងជំងឺសើស្បែកបានធ្វើការណែនាំឲ្យប្រើក្រែមការពារកម្ដៅថ្ងៃជាប្រចាំដើម្បីការពារពីបញ្ហាស្បែកទាំងនោះ៕

ប្រភពរូបភាព៖ Pinterest

ចុចអានបន្ត៖

• ៦ វិធីក្នុងការបំបាត់ស្នាមជាំខ្មៅក្រោមរង្វង់ភ្នែកបានយ៉ាងមានប្រសិទ្ធិភាព
• វិធីងាយៗ ៥ យ៉ាងធ្វើឲ្យមុខម៉ត់រលោងក្នុងរយះពេលខ្លី