ទឹកមានប្រយោជន៍បំផុតសម្រាប់សរីរាង្គកាយរបស់មនុស្ស និងជាអ្វីដែលអ្នកត្រូវការជាចំបាច់ក្នុងការរក្សាជាតិទឹកនៅក្នុងខ្លួនជាប្រចាំថ្ងៃ។ ប៉ុន្តែតើអ្នកធ្លាប់បានដឹងទេថានៅពេលដែលអ្នកផឹកទឹកក្ដៅឧណ្ហៗ អ្នកនឹងទទួលបានគុណប្រយោជន៍ជាច្រើនសម្រាប់សុខភាពរាងកាយ និងសុខភាពស្បែករបស់អ្នក។

អ្នកក៏ធ្លាប់បានដឹងរួចមកហើយថាប្រភេទរបបអាហារសុខភាព និងប្រភេទភេសជ្ជដែលអ្នកទទួលទានជារៀងរាល់ថ្ងៃដើរតួយ៉ាងសំខាន់ចំពោះសុខភាពនឹងសម្រស់របស់អ្នក។

ទាំងនេះគឺជាអត្ថប្រយោជន៍ពីការទទួលទានទឹកក្ដៅឧណ្ហៗជាប្រចាំថ្ងៃ៖

១. ជួយផ្តល់សំណើមដល់ស្បែកបានល្អ និងបានយូរ

២. ជួយបំបាត់អការៈរមាស់នៅលើស្បែ និងអង្គែស្បែកក្បាល

៣. វាជួយធ្វើការសម្អាតស្បែករបស់អ្នកឲ្យភ្លឺថ្លា

៤. ជួយការពារភាពចាស់មុនអាយុបានយ៉ាងមានប្រសិទ្ធភាព

៥. ហើយវាក៏ជួយការពារស្បែករបស់អ្នកពីការឆ្លងមេរោគនានាបានផងដែរ

វាមិនត្រឹមតែជាជំនួយទៅលើសុខភាពស្បែកប៉ុណ្ណោះទេ តែវាក៏ផ្តល់អត្ថប្រយោជន៍មួយចំនួនទៀតដល់សុខភាពរាងកាយ។ ការផឹកទឹកក្តៅឧណ្ហៗជាប្រចាំក៏អាចជួយការពារអ្នកពីជំងឺផ្ដាសាយ គ្រុណក្ដៅ ជំងឺក្រលៀន និងជួយប្រឆាំងបញ្ហារលាកផ្សេងៗទៀត។ នៅពេលដែលសរីរាង្គរបស់អ្នកស្អាត វាក៏ធ្វើឲ្យសុខភាពស្បែករបស់អ្នកស្រស់ស្អាតភ្លឺថ្លាផងដែរ៕

ប្រភពរូបភាព៖ Pinterest

ចុចអានបន្ត៖

• ភេសជ្ជនឹងអាហារសុខភាព ៧ ប្រភេទដែលអ្នកគួរញ៉ាំខណៈពេលកំពុងធ្វើការពីផ្ទះ
• អត្ថប្រយោជន៍ ៣ យ៉ាងពីការមានរុក្ខជាតិនៅក្នុងបន្ទប់គេង